Editor

Daga UMAR GARBA a Katsina Gwamnan Jihar Katsina, Malam Dikko Umaru Raɗɗa ya rantsar da kwamishinoni da masu ba shi shawara ta musamman su 38 da za su kasance 'yan majalisar zartarwar jihar. A bikin rantsuwar da ya gudana a filin taro na 'Peoples' Square, Katsina, an rantsar da kwamishinoni 20 da masu ba Gwamna shawara ta musamman su 18. A jawabin gwamna Raɗɗa ya hori waɗanda aka rantsar ɗin da su sani cewa amana ce aka damƙa musu, don haka suke da buƙatar su tsare ta kamar yadda Allah Ya buƙata. Gwamnan ya tabbatar musu da cewa ba zai…

Daga BASHIR ISAH Gwamna Abba Yusuf na Jihar Kano ya ba da tabbacin zai kammala aikin hanyar Wuju-wuju mai nisan kilomita 1.2 kafin ya cika kwana 100 a ofis. Yusuf ya bayyana haka ne yayin da ya kai ziyarar gani da ido game da yadda aikin hanyar ke gudana. Bayanin haka na ƙunshe ne cikin sanarwar da Sakataren Yaɗa Labarai ga Gwamnan, Bature Dawakin-Tofa, ya fitar a Kano a ranar Laraba. Dawakin-Tofa ya rawaito Gwamnan na cewa, an ba da kwangilar aikin hanyar ne a lokacin wa'adin mulki na biyu na tsohon Gwamna Rabiu Kwankwaso. Gwamnam ya ce, “Burina ya…

Daga WAKILINMU Gwamnatin Jihar Zamfara ta bada umurnin gaggauta raba kayan abinci a ƙananan hukumomi 14 da ke faɗin Jihar domin rage raɗaɗin wahalar da janye tallafin fetur ya jefa al'umma. Wata sanarwa wacce mai magana da yawun gwamnan Jihar, Sulaiman Bala Idris, ya fitar a ranar Laraba, ta bayyana cewa za a yi rabon kayan abinci ne duba da irin mawuyacin halin da al'umma ke ciki, kuma bisa ƙudurin gwamnatin Jihar na bin duk wata hanya ta sauƙaƙa wa jama'a. Ya ƙara da cewa, gwamnatin ta yi shiri mai kyau don tabbatar da cewa mabuƙata sun amfana da wannan…

Daga BASHIR ISAH Shugaban Majalisar Dattawa, Godswill Akpabio, ya bayyana sunayen ministoci kashi na biyu da Shugaban Ƙasa Bola Tinubu ya aika wa Majalisar domin tantacewa. A ranar Labara Shugaba Tinubu ya tura wa Majalisar ta Dattawa da ƙarin sunaye 19 ta hannun Shugaban Ma'aikatan Fadar Shugaban Ƙasa, Femi Gbajabiamila. Sunayen da Tinubun ta tura wa Majalisar sun haɗa da tsaffin gwamnoni Bello Matawalle (Zamfara), Atiku Bagudu (Kebbi), Simon Lalong (Plateau), Ibrahim Geidam (Yobe) da kuma Isiaka Oyetola (Osun). Sauran su ne, Abdullahi Gwarzo, Bosun Tijani, Maryam Shetty, Isiak Salako, Tunji Alausa, Yusuf Sunusi, Ibrahim Geidam, Lola John, Shuaibu Audu,…

Daga BASHIR ISAH Shugaban Ƙasa Bola Tinubu, ya miƙa wa Majalisar Tarayya sunayen ministocinsa kashi na biyu don tantancewa. Tinubu ya miƙa sunayen ne ta hannun Shugaban Fadar Shugaban Ƙasa, Femi Gbajabiamila a ranar Laraba. Manhaja ta tattaro cewar sunayen sun shafi jihohin Adamawa, Bayelsa, Gombe, Kano, Kebbi, Kogi, Lagos, Plateau, Osun, Yobe da kuma Zamfara. Idan za a iya tunawa a ranar Alhamis ta makon jiya Gbajabiamila ya miƙa kashin farko sunayen mutum 28 ga Majalisar Dattawa domin tantace su a matsayin ministoci. Ƙarin bayani na tafe…..

Daga BASHIR ISAH Mambobin ƙungiyar ƙwadago da ke gudanar da zanga-zanga a Abuja sun karɓe harabar Majalisar Tarayya a ci gaba da zanga-zangar tasu da suka fara a ranar Laraba. Majiyarmu ta ce masu zanga-zangar sun karɓe harabar majalisar ne jim kaɗan bayan da sanatoci suka shiga ganawar sirri. Ta ƙara da cewa, sun samu shiga harabar Majalisar ne bayan da suka ɓalle babbar get ta ɗaya da ta biyu na shiga harabar. NLC da dangoginta sun fara zanga-zanga ne domin nuna adawarsu dangane da matsin rayuwar da suka ce gwamnati ta jefa 'yan ƙasa ciki sakamakon cire tallafin mai.…