ukarofi - Manhaja - Blueprint Hausa version

20 Feb

Sanata Wadada ya jajenta wa kansilolin Nasarawa da suka samu hatsarin mota

ukarofiLabarai

Daga JOHN D WADA a Keffi Sanatan dake wakiltar mazaɓar Nasarawa ta Yamma a majalisar dattawa ta tarayya wanda har ila yau ɗan takara ne na kujerar gwamnan jihar Nasarawa a inuwar jam'iyyar APC a zaɓen 2027 mai zuwa wato sanata Ahmed Aliyu Wadada ya bayyana alhinin sa dangane da wani labarin baƙin ciki da yace ya samu na wani mummunar hatsari da ya rutsa da wasu kansilolin ƙaramar hukumar Nasarawa a jihar ta Nasarawa wanda ya auku a hanyar Alushi dake ƙaramar hukumar Akwanga a lokacin da kansilolin ke tafiyar wani aiki a hukumarce inda sanatan ya ƙara da…

20 Feb

Gwamna Raɗɗa ya naɗa manyan mataimaka na musamman

ukarofiLabarai

Daga ABDULLAHI MUHAMMAD a Katsina Sabbin manyan mataimaka na musamman da aka naɗa sun haɗa da Bishir Abubakar Kafin Soli daga ƙaramar hukumar Kankia. Sai Hon Halilu Tanko Gilima daga ƙaramar hukumar Dandume sai Yusuf Abubakar Raɗɗa daga ƙaramar hukumar Charanchi. Gwamnan Katsina Dikko Raɗɗa ya taya waɗanda aka naɗa murna bisa samun wannan muƙami, tare da bayyana ƙwarin gwiwarsa cewa za su taimaka wajen ƙarfafa haɗin kan jam’iyya da kuma bayar da gudunmawa mai ma’ana ga cikar manufofin gwamnatinsa. Ya buƙace su da su yi aiki daidai da ajandar sauyi ta “Gina Makomarku,” yana mai cewa rawar da za…

20 Feb

An naɗa Rabaran Zakwoi a matsayin mai ba kwamitin Tinubu shawara a harkokin addini

ukarofiLabarai

DAGA JOHN DOGO WADA, a Keffi Wani babban malamin addinin Kirista wanda ƙungiyar siyasar nan dake fafutukar tabbatar da sake zaɓen shugaba Bola Ahmed Tinubu a zaɓen 2027 wato Renewed Hope Independent Support Groups Committee ta naɗa masa muƙamin mai bai wa kwamitin shawara akan harkokin addini, Rabaran Dr. Emmanuel Akawu Zakwoi yace a shirye yake ya sauke sabon nauyin da aka ɗora masa ta hanyar bai wa kwamitin Renewed Hope Independent Support Groups Committee ɗin da kuma shugaban ƙasa Bola Ahmed Tinubu shawarwari nagari da za su tabbatar da zaman lafiya da fahimtar juna tsakanin manyan addinan nan biyu…

20 Feb

Ramadan: Coci ta raba wa Musulmi da makarantun tsangaya kayan abinci a Kaduna

ukarofiLabarai

Daga SANI AHMAD GIWA a Abuja Cocin Christ Evangelical and Life Intervention Ministry da ke Sabon Tasha a Kaduna ta raba wa Musulmi da makarantun Tsangaya da wasu ’yan gudun hijira kayan abinci, albakacin watan azumi. Babban faston cocin, Yohanna Buru, ya ce an yi rabon ne domin ƙarfafa zaman lafiya da haɗin kai tsakanin mabiya addinai. Ya bayyana cewa cocin ta shafe kusan shekaru 20 tana irin wannan tallafi a jihohin Arewa domin taimaka wa marasa galihu su samu sauƙin yin azumi. Ya ce ban da shinkafa da masara, suna kuma raba tabarma da butocin alwala, tare da kira…

20 Feb

Ya kamata malaman Islamiyya su nemi sana’a domin su tsira da mutuncinsu – Adamu Nuhu

ukarofiLabarai

Daga JAMIL GULMA a Kebbi Wani matashin malamin Islamiyya Malam Adamu Nuhu Argungu ya nuna rashin jin daɗinsa bisa ga yadda iyayen ɗalibai ke yi musu riƙon sakainar kashi. Ya bayyana haka ne a wata hira da wakilin Blueprint Manhaja a garin Argungu. Ya bayyana cewa da ruwan ciki ake janyo na rijiya, A gaskiya dubu goma zuwa sha biyar a wata ba zai iya riƙe ko marar iyali ba ballantana mafi yawancin malaman Islamiyya magidanta ne, don haka dole su shiga kasuwa su nemi abinda za su rufawa kansu asiri. Bayan ƙalubale da su ke fuskanta daga iyaye da…

20 Feb

Kisan DPO a Katsina ya sa kokwanton ɗorewar sulhu da ’yan bindiga

ukarofiLabarai

Daga UMAR GARBA a Katsina Kashe DPO ɗin ’yan sanda a yayin wani farmaki da 'yan bindiga suka kai a Jihar Katsina ya sa kokwanto kan tabbacin yarjejeniyar zaman lafiya da aka yi da ‘yan bindiga duk da irin nasarorin da jami’an tsaro ke cewa sun samu. Mahukunta sun tabbatar da cewa Muhammad Kabir, wanda babban sufurtandan ’yan sanda ne kuma DPO na ƙaramar hukumar Rimi,an harbe shi ne a ranar Alhamis data gabata a yayin da yake jagorantar tawagar ‘yan sanda don daƙile wani hari da 'yan bindigar suka kai inda suka sace shanu masu tarin yawa, 'yan sandan…

20 Feb

Gwamna Uba ya dawo da shirin ɗaukar nauyin maniyyatan Kiristoci a Kaduna

ukarofiLabarai

Daga MAHDI MUSA MUHAMMAD Gwamnan Jihar Kaduna, Sanata Uba Sani ya dawo da shirin sauke faralin Kiristoci wanda gwamnatin jiha ke ɗaukar nauyi. Gwamnan ya dawo da ɗaukar nauyin sauke faralin ne bayan dakatar da shirin na tsawon shekaru 11 a jihar Kaduna. Shugabar Ma’aikata ta gwamnatin jihar Kaduna, Jimami C. Bako, ta bayyana hakan ne yayin da take jawabi a wurin taron bitar shekarar 2025 ga maniyyata Kiristoci 50 da gwamnati ta ɗauki nauyi. Taron bitar ya nuna karon farko da jihar ta ɗauki nauyin sauke farali na Kiristoci cikin fiye da shekara 11 da dakatar da shi da…

20 Feb

Tinubu ya sa hannu kan umarnin tura kuɗin ɗanyen mai Asusun Tarayya kai tsaye

ukarofiLabarai

Daga MAHDI MUSA MUHAMMAD Shugaban ƙasa Bola Ahmed Tinubu ya sanya hannu kan wani muhimmin umarni na zartarwa da zai tabbatar da cewa dukkan kuɗaɗen shiga daga ɓangaren mai da iskar gas ana tura su kai tsaye zuwa Asusun Tarayya, wato Federation Account. Mai ba Shugaban ƙasa Shawara kan Harkokin Yaɗa Labarai da Dabaru, Bayo Onanuga, ne ya bayyana hakan a wata sanarwa da ya fitar a ranar 18 ga Fabrairu, 2026. Ya ce, an ɗauki matakin ne domin karewa da kuma ƙara haɓaka kuɗaɗen shiga daga mai da gas, rage almubazzaranci, kawar da tsarin da ke maimaita juna a…

20 Feb

Gwamnatin Tarayya ta rufe wurin haƙar ma’adinai a Filato bayan mutuwar mutum 37

ukarofiLabarai

Daga MAHDI MUSA MUHAMMAD Gwamnatin Tarayya ta bayar da umarnin rufe dukkan yankunan da ke ƙarƙashin lasisin haƙar ma’adinai mai lamba ML 11810 a ƙaramar Hukumar Wase, jihar Filato, bayan rasuwar mutane 37 da ake zargin sun mutu sakamakon shaƙar iskar guba a wani rami na haƙar ma’adanai. Ma’aikatar Ma'adanai ce ta bayyana hakan a cikin wata sanarwa da ta fitar, inda ta ce kamfanin Solid Unit Nigeria Limited, mallakar Abdullahi Dan-China a Zurak, shi ne ke da lasisin wurin. Ministan ma’adinai, Dele Alake, ya yi ta’aziyya ga Gwamnan jihar Filato, Caleb Mutfwang, bisa wannan mummunan lamari da ya yi…

20 Feb

Lauyoyi sun musanta zargin raba Dala 2,000 ga manyan lauyoyi a taronsu na Maiduguri

ukarofiLabarai

Daga MAHDI MUSA MUHAMMAD Kungiyar Lauyoyin Nijeriya (NBA) ta yi watsi da zargin cewa, an raba dala 2,000 ga wasu manyan lauyoyi masu muƙamin SAN a matsayin “kuɗin halarta” yayin taronta na baya-bayan nan a Maiduguri, tana mai bayyana iƙirarin a matsayin mara tushe kuma ba tare da wata hujja ba. Taƙaddamar ta biyo bayan taron Kwamitin Zartarwa na ƙasa (NEC) na ƙungiyar da aka gudanar a jihar Borno, inda aka fara yaɗa jita-jitar cewa an biya wasu manyan lauyoyi kuɗi da dala a ɓoye. Wannan batu ya janyo muhawara mai zafi a tsakanin lauyoyi da jama’a, tare da zubar…