ukarofi - Manhaja - Blueprint Hausa version

19 Dec

Ina kyautata zaton Turji mafarki yake a lokacin da ya kira sunana cikin masu ɗaukar nauyin ta’addanci a Nijeriya – Bafarawa

ukarofiLabarai

Daga SANI AHMAD GIWA a Abuja Tsohon gwamnan Sakkwato, Attahiru Bafarawa, ya musanta zargin iƙirarin da Bello Turji ya yi cewa manufofin gwamnatinsa ne suka rura wutar ayyukan ‘yan bindiga a Sakkwato da Zamfara. Bafarawa ya ce ayyukan ‘yan bindiga bai zama ruwan dare a lokacin da ya sauka daga gwamnan Sakkwato ba a jiharsa ko a Zamfara a 2007 ba. Kuma ya ƙara da cewa bai san dalilin da ya sa Turji ya alaƙanta shi da abubuwan da ke faruwa bayan shekaru da sauka daga mulki ba. Turji, a wani faifan bidiyo da ya fitar a ranar Lahadi, ya…

19 Dec

Aminci a tsarin zaɓen Nijeriya: Shin na’urorin BVAS da IReV sun isa?

ukarofiRa'ayi

A taron masu ruwa da tsaki kan zaɓe da ƙungiyar 'Nigeria Civil Society Situation Room' ta shirya a Abuja kwanan nan, shugaban Hukumar Zaɓe ta ƙasa (INEC), Farfesa Joash Amupitan, ya yi bayani cikin gaskiya kan ɗaya daga cikin manyan ƙalubalen da ke ci gaba da damun tsarin zaɓen Nijeriya: yadda ake haɗa fasahar zamani da gudanar da zaɓe. Jawabinsa, wanda ya fi karkata ga tsarin tantance masu kaɗa ƙuri’a na BVAS da kuma dandalin nuna sakamakon zaɓe na IReV, ya sake buɗe muhawara a matakin ƙasa kan yadda za a tabbatar da ingancin su a zaɓukan masu zuwa. Lokacin…

19 Dec

Shirye-shiryen Tinubu na ƙarfafa matasa na kowane ɗan Nijeriya ne, ba na muradun siyasa ba – Idris

ukarofiLabarai

Daga SANI AHMAD GIWA a Abuja Ministan Yaɗa Labarai da Wayar da Kai, Alhaji Mohammed Idris, ya bayyana cewa shirye-shiryen ƙarfafa matasa na gwamnatin Bola Ahmed Tinubu suna fitowa ne daga sahihin ƙudirin faɗaɗa damarmaki ga matasan Nijeriya, ba wai saboda la’akari da siyasar jam’iyya ba. Idris ya yi wannan bayani ne a daren Talata a Abuja, yayin wani taron mu’amala da matasa daga reshen matasan APC da kuma cibiyoyin ilimi na gaba da sakandare a faɗin Babban Birnin Tarayya, a Cibiyar Albarkatu ta The Nest, Abuja. Shugaban Matasa na ƙasa na APC, Dakta Dayo Israel, shi ne ya jagoranci…

19 Dec

Ba zan koma Jam’iyyar APC ba — Makinde

ukarofiLabarai

Daga SANI AHMAD GIWA a Abuja Gwamnan Jihar Oyo, Seyi Makinde, ya musanta jita-jitarr shirin ficewa daga jam’iyyar PDP zuwa APC. Ya ce har yanzu yana nan daram a PDP duk da ficewar wasu gwamnoni zuwa jam’iyya mai mulki. Makinde, ya yi wannan jawabi ne a ranar Laraba a Abuja, yayin bikin ƙaddamar da wani littafi da tsohon Ministan Yaɗa Labarai, Lai Mohammed, ya rubuta. Ya ce yawancin matsalolin Nijeriya suna fitowa ne daga muradun ’yan siyasa masu ruwa da tsaki, ba daga talakawan ƙasar ba. “Ni ba ɗan jam’iyyar APC ba ne, kuma ba zan koma APC ba,” inji…

19 Dec

Bafarawa ya sauya sheƙa zuwa Jami’yyar APC

ukarofiLabarai

Daga SANI AHMAD GIWA a Abuja Tsohon gwamnan Jihar Sakkwato, Attahiru Dalhatu Bafarawa, ya sanar da komawarsa jam’iyyar APC mai mulki. Bafarawa tare da magoya bayansa sun bayyana komawa jam’iyyar APC ne, a ranar Laraba, a babban ɗakin taro na gidansa da ke Jihar Sakkwato. Tsohon gwamnan ya bayyana cewa dangantakar magoya bayansa da jam’iyyar APC za ta kasance ne ta hannun shugaban ƙungiyar magoya bayansa, Farfesa Hamza Maishanu, da shugabannin jam’iyyar. Ya ce ya daina siyasar neman kujera, kuma ba shi da sha’awar tsayawa takara a kowace kujera. Sai dai ya bayyana cewa burinsa shi ne ganin magoya bayansa…

19 Dec

Akwai cushe a dokokin harajin Tinubu – Dan majalisa

ukarofiLabarai

Daga SANI AHMAD GIWA a Abuja Dan Majalisar Wakilai, Abdulsammad Dasuki (PDP, Sakkwato) ya yi zargin cewa akwai bambance-bambance tsakanin dokokin harajin da Majalisar Dokoki ta amince da su da kundin da aka wallafa wa jama’a. Dasuki, wanda ya yi magana ƙarƙashin Dokar Majalisa ta Shida a zauren majalisar ranar Laraba, ya shaida wa majalisar cewa abin da aka wallafa a kundin bai dace da abin da ’yan majalisa suka tattauna, suka kada kuri’a, suka kuma amince da shi ba. A cewarsa, bayan amincewa da kudirin dokokin haraji, ya ɗauki lokaci a cikin kwanaki uku da suka gabata ya yi…

19 Dec

Gwamnatin Tarayya ta haramta shiga da katako, gawayi da sauran ire-irensu

ukarofiLabarai

Daga ABDULLAHI MUHAMMAD a Katsina Gwamnatin Tarayya ta haramta shiga da katako, gawayi da sauran ire-irensu. Ministan Muhalli Balarabe Abbas Lawal ya sanar da haka a taron muhalli na ƙasa a Katsina. Da yake miƙa kundin dokar da Shugaban ƙasa Bola Tinubu ya sanya wa hannu ga mataimakin gwamnan jihar, ministan muhalli Balarabe Abbas ya yi fatan gwamnatin jihar da haɗin gwiwa na sashin shari'a za su fitar da dokar da zai samar da masu kula da dazukan jihar. Mataimakin gwamnan jihar Alhaji Farouk Lawal Jobe wanda ya wakilci gwamnan jihar ya tabbatar wa ministan cewa gwamnati zata hada Kai…

19 Dec

Shugaban ƙaramar Hukumar Kaltungo ya yaba wa Gwamna Inuwa kan manyan ayyukan raya Gombe

ukarofiLabarai

Daga SANI AHMAD GIWA a Abuja Shugaban ƙaramar Hukumar Kaltungo a Jihar Gombe, Honorobul Dr. Iliya Suleiman, ya yaba wa Gwamna Muhammadu Inuwa Yahaya saboda nasarorin da ya samu a fannin ci gaba a faɗin jihar. Ya yi wannan yabo ne a cikin wata sanarwa da ya fitar ga manema labarai da aka raba wa Blueprint Newspapers a Abuja. Dr. Suleiman ya nuna ci gaban da gwamnan ya samu a fannin ci gaban tattalin arzikin jama'a, ayyukan noma da kiwo, ilimi, kiwon lafiya, da kayayyakin more rayuwa, yana mai lura da cewa ƙirƙirar ƙananan hukumomi 13 na ci gaba tare…

19 Dec

Yau Tinubu zai gabatar da kasafin kuɗin 2026

ukarofiLabarai

Daga SANI AHMAD GIWA a Abuja Shugaban ƙasa Bola Ahmed Tinubu zai gabatar da ƙudirin Kasafin Kuɗin 2026 ga zaman haɗin gwiwa na Majalisar Tarayya a yau Juma’a da misalin ƙarfe 2:00 na rana. Ofishin Magatakardar Majalisar Tarayya ya sanar da cewa za a takaita shiga harabar majalisar tun daga ƙarfe 11:00 na safe saboda dalilan tsaro. Ana hasashen kasafin kuɗin 2026 zai kai Naira tiriliyan 54.4, bisa Tsarin Kashe Kuɗi na Matsakaicin Lokaci (MTEF) da Takardar Tsarin Kuɗi (FSP) na 2026–2028. A wani mataki daban, Shugaba Tinubu ya nemi Majalisar Tarayya da ta soke tare da sake kafa Dokar…

19 Dec

Gwamnatin Jigawa za ta kashe Naira biliyan 17 don inganta lafiyar dabbobi

ukarofiLabarai

Daga SANI AHMAD GIWA a Abuja Gwamnatin Jihar Jigawa ta ce ta ware sama da Naira biliyan 17 domin inganta lafiya da rayuwar dabbobi a faɗin jihar. Kwamishinan kula da harkokin dabbobi na jihar, Farfesa Abdulrahman Salim, ya bayyana hakan ga manema labarai bayan kare kasafin kuɗin da ma’aikatar na shekarar 2026 a gaban kwamitin noma da kiwo na majalisar dokokin jihar a Dutse. Farfesa Salim ya ce za a yi amfani da kudin wajen gudanar da ayyuka daban-daban da ma’aikatar ta mayar da hankali kan su domin inganta rayuwar dabbobi a shekarar 2026. Ya ce ma’aikatar ta gabatar da…