ukarofi - Manhaja - Blueprint Hausa version

20 Sep

Arsenal za ta taka rawar gani a gasar Zakarun Turai a bana – Valverde

ukarofiWasanni

Arsenal tana daga cikin ƙungiyoyin da za su iya lashe gasar Zakarun Turai a bana, inji kocin Athletic Bilbao, Ernesto Valverde. ƙungiyar da Mikel Arteta ke jan ragama za ta kara da Bilbao a filin wasa na San Mames a karawar farko a cikin rukuni a Champions League ranar Talata. Gunners ta kai zagayen daf da ƙarshe a bara, wadda Paris St Germain ta yi waje da ita daga gasar ta Zakarun Turai. Bilbao ta samu gurbin shiga Champions League a bana, bayan da ta kare a mataki na huɗu a teburin La Liga a kakar da ta wuce.

20 Sep

Albashin direbobina ya fi na masu digiri a gwamnati – Dangote

ukarofiLabarai

Daga MAHDI MUSA MUHAMMAD Shugaban rukunin kamfanonin Dangote, Alhaji Aliko ɗangote, ya yi alfahari da cewa direbobinsa suna samu fiye da waɗanda suka kammala karatun digiri da kuma ninki huɗu na mafi ƙarancin albashin Nijeriya. Dangote ya bayyana haka ne a ranar Talata a wata hira da ya yi da gidan talabijin na Arise, yayin da yake mayar da martani kan zargin da ƙungiyar Ma’aikatan Man Fetur da Iskar Gas ta Nijeriya (NUPENG) ta yi. A baya-bayan nan ne ƙungiyar NUPENG ta zargi Dangote da Sayyu Aliu Dantata da aikata laifukan yaƙi da ƙungiyar. ƙungiyar ta yi iƙirarin cewa ’yan…

20 Sep

Dan adawar zanga-zangar EndSars, Buhun Barkono, ya mutu a otel a Abuja

ukarofiLabarai

Daga MAHDI MUSA MUHAMMAD Yunusa Ahmadu Yusuf, wanda aka fi sani da Buhun Barkono, shahararren mai sukar zanga-zangar EndSARS a watan Oktoban 2020, ya mutu a wani otel tare da mace a Abuja. Kungiyar EndSARS, wacce ta ɗauki tsawon kwanaki 14 a shekarar 2020 a faɗin manyan biranen Nijeriya tana zanga-zanga, ta buƙaci a rusa rundunar ‘yan sandan Nijeriya ta musamman da ke yaƙi da ‘yan fashi da makami, da ta shahara wajen zalunci da kashe-kashe da kuma cin hanci da rashawa. Zanga-zangar wacce da farko ta fara yaƙi a shafukan sada zumunta, ta fantsama, inda ta ɗauki wani mummunan…

20 Sep

An koka kan ƙaruwar ’yan gudun hijira a Borno

ukarofiLabarai

Daga MAHDI MUSA MUHAMMAD Al’ummar ƙaramar Hukumar Gwoza da ke Jihar Borno sun koka kan yadda ’yan gudun hijira 91,007 suka warwatsu a sansanoni daban-daban a Nijeriya da Kamaru. Mai magana da yawun ’yan gudun hijirar, Ayuba John Bassa, a wani taron manema labarai a Abuja ranar Juma’a ya ce, “’yan gudun hijira 50,000 na zaune tare da ‘yan uwansu a faɗin ƙasar nan.” Ya ƙara da cewa, “rashin samar da musu da tsayayyen matsaguni ya zama nauyi akan wasu.” Ya ce: “A yanzu an yi watsi da wasu ‘yan gudun hijira 550 a sansanin Kamaru; da yawa da suka…

20 Sep

Buga tiriliyan 22.7 a gwamnatin Buhari ya sa Naira faɗuwa – Dogara

ukarofiLabarai

Daga MAHDI MUSA MUHAMMAD Tsohon Kakakin Majalisar Wakilai, Yakubu Dogara, ya zargi gwamnatin marigayi Shugaba Muhammadu Buhari da lalata tattalin arzikin Nijeriya. Dogara, wanda yanzu shi ne shugaban NCGC, ya yi wannan jawabi ne a Abuja yayin wani taro da Majalisar Wakilai ta shirya. Ya ce matakan tattalin arzikin da aka ɗauka a lokacin gwamnatin Buhari sun jefa ƙasar cikin mawuyacin hali, musamman ta hanyar buga kuɗi. Dogara ya bayyana cewa sama da Naira Tiriliyan 22.7 aka buga aka zuba cikin tattalin arziki a lokacin Muhammadu Buhari. Ya ƙara da cewa, tsarin musayar kuɗi da aka yi a baya ya…

20 Sep

Darajar Naira ta ƙaru akan Dala

ukarofiLabarai

Daga MAHDI MUSA MUHAMMAD Bayanan Babban Bankin Nijeriya (CBN) sun nuna cewa Naira ta lallasa dalar Amurka zuwa N1,497.46 kan kowane dala, saɓanin N1,501.49 da aka yi cinikinta a baya. Wannan na nufin cewa Naira ta ƙara daraja da kashi 0.27, karon farko da kuɗin Nijeriyar ya tumurmusa dalar Amurka a kasuwar canji a cikin watanni bakwai. A watan Fabrairun 2025 ne aka yi cinikin Naira a aasa da N1,500 a kasuwar musayar kuɗi ta hukuma, amma tun lokacin, dalar Amurka ke tashi sama. Wannan farfaɗowar da Naira ta yi ta zo ne bayan mako guda da darajarta ta ke…

20 Sep

Gwamnatin Tarayya ta nemi JICA ta jawo jarin ‘yan Japan a Nijeriya

ukarofiLabarai

Daga JAMIL GULMA a Kebbi Ministan Tsare-tsaren Kasafi da Tattalin Arziki, Sanata Abubakar Atiku Bagudu, ya roƙi Hukumar Haɗin Gwiwar Jirgin Sama ta ƙasa da ƙasa ta Japan (JICA) da ta ƙara ƙoƙari wajen jawo hankalin ‘yan kasuwa masu zuba jari daga Japan zuwa Nijeriya. Bagudu ya yi wannan magana ne a lokacin da sabon wakilin JICA a Nijeriya, Mista Ishigame Keiji, ya kai masa ziyarar ban girma. Keiji ya maye gurbin Mista Yuzurio Susumu, wanda ya shafe shekaru uku da watanni shida yana aiki a matsayin Wakilin JICA a Nijeriya. Muna son masu zuba jari su shigo Nijeriya domin…

20 Sep

Kotu ta kori ƙarar da aka shigar don hana ICPC bincikar zargin badaƙala a tallafin karatu na gwamnatin Kano

ukarofiLabarai

Daga IBRAHIM HAMISU a Kano Babbar Kotun Abuja ta kori ƙarar da wasu jami'an gwamnatin jihar Kano su ka shigar gaban ta da ta hana Hukumar Yaƙi da Cin-hanci da Rashawa da Dangogin su (ICPC) bincike kan zargin badaƙala a harkar tallafi karatu na jihar. A wata sanarwa da ta wallafa a shafin ta na yanar gizo, ICPC ta ce batun binciken ya zo ne sakamakon wani korafi da aka kai mata, ana zargin badaƙala a kuɗaɗen tallafin karatu na jihar Kano. A sanarwar, ICPC ta ce bayan karɓar ƙorafin, ta gayyaci jami'ai a ma'aikatar ilimi mai zurfi da kuma…

20 Sep

Ban zo don kawar da ma’aikata ba, cewar ministar AI na Albaniya

ukarofiLabarai

Daga SANI AHMAD GIWA a Abuja Sabuwar mutum-mutumi ta fasahar AI da aka ƙirƙira kuma aka naɗa muƙamin minista a ƙasar Albaniya ta yi jawabi a karon farko a gaban majalisar dokokin ƙasar. A ranar Alhamis ce dai ministan ya bayyana gaban majalisar, inda ya kare rawar da zai taka a gwamnati, yana mai cewa, “Ban zo don na maye gurbin mutane ba, sai dai don taimaka musu.” Wannan minista ta AI wacce aka sanya mata suna Diella, ma’ana “rana” a harshen Albaniya, ita ce ministar gwamnati ta farko a duniya da aka ƙirƙira ta hanyar fasahar AI. Firaministan Albania,…

20 Sep

Hukumar NDE ta fara aikin horar da mutane 41,000 sana’o’i

ukarofiLabarai

Daga MUAZU HRɗAWA a Bauchi Hukumar Samar da Ayyukan Yi ta ƙasa (National Directorate of Employment (NDE) za ta horas da mutane dubu 41 a Nijeriya, yadda mutane 1032 suka samu shiga cikin shirin daga jihar Bauchi, domin amfana daga nau'in sana'o'i sama 30 da za su taimakawa mutane wajen samun dogaro da kai. Cikin jawabinsa Kodinetan hukumar ta NDE a jihar Bauchi Alhaji Ilya Yakubu Ilela wanda ya karanta jawabin shugaban hukumar na ƙasa Mr. Silas Ali Agara, ya bayyana cewa shirin an fara ƙaddamar da shi a matakin ƙasa ranar 6 ga watan Disamba, 2024 a karon farko…