Labarai - Manhaja - Blueprint Hausa version

16 Nov

Mun zama bayin ‘yan bindiga – Jama’ar Birnin Gwari

ukarofiLabarai

Daga SANI AHMAD GIWA a Abuja Wasu da ake zargin 'yan bindiga ne sun cinnawa gonakin mutane da dama wuta inda suka ƙona dukkan amfanin gona, a ƙaramar Hukumar Birnin Gwari da ke jihar Kaduna a yankin Arewa maso yammacin Nijeriya. Hakan na zuwa ne bayan da aka yi wani zaman sulhu tsakanin 'yan bindigar da al’ummar yankin na Birnin Gwari da zummar kawo ƙarshen ɓarnar da suke yi. Maharan sun cinnawa gonakin masara da wake wuta ne a tsakar dare, inda suka ƙona gonaki da dama, abinda kuma ya haifar da hasara mai ɗimbin yawa. Wasu daga cikin manoman…

16 Nov

Lakurawa: Muna buƙatar taimakon Sakkwatawa — Hafsan Sojin ƙasa

ukarofiLabarai

Daga SANI AHMAD GIWA a Abuja Muƙaddashin Babban Hafsan Sojin ƙasa, Laftanar Janar Olufemi Oluyede, ya yi kira ga al’ummar Jihar Sakkwato da su taimaka wa dakarun rundunar da bayanai, bayan ɓullar ’yan ta’addan ‘Lakurawa’. Yayin ziyarar da ya kai Jihar Sakkwato, Janar Oluyede ya bayyana cewa, manufarsa ita ce duba shirin sojoji a jihar don tabbatar da suna cikin shiri. “Na zo ne don ganin sojojina, na duba shirinsu na aiki, da kuma ƙarfafa musu gwiwa su ci gaba da aiki tuƙuru don kare ƙasar nan,” inji shi. Babban Hafsan ya ziyarci ƙaramar Hukumar Tangaza, ɗaya daga cikin yankuna…

16 Nov

Wulaƙanta Naira: EFCC ta wanke ɗiyar Sanata ɗanjuma Goje

ukarofiLabarai

Daga SANI AHMAD GIWA a Abuja Hukumar Yaƙi da yi wa Tattalin Arzikin ƙasa Ta’annati (EFCC) ta wanke Fauziya ɗanjuma Goje, ɗiyar Sanata ɗanjuma Goje, daga zargin wulaƙanta Naira. Hakan na ƙunshe ne a cikin wata sanarwa da hukumar EFCC ta fitar a ranar Litinin, bayan wani faifan bidiyo da ke nuna yadda ake liƙi da Naira a wajen wani biki a Kano a ranar Juma’a 24 ga watan Oktoba, 2024. Hukumar ta EFCC ta ce, “Dukkan zargin ‘yan Nijeriya daga sassa daban-daban na ƙasar ne ke tuhumar Fauziya ɗanjuma Goje na wulaƙanta kuɗin Naira. “A matsayinta na hukumar yaƙi…

16 Nov

Sojoji sun tafka ƙazamin artabu da Bello Turji a Sakkwato

ukarofiLabarai

Daga SANI AHMAD GIWA a Abuja Sojoji da maharba sun yi musayar wuta da ƙasurgumin ɗan bindiga, Bello Turji, a garin Gatawa da ke ƙaramar Hukumar Sabon Birni a Jihar Sakkwato. Wasu mazauna Gatawa sun shaida wa Manhaja cewa an fara musayar wutar ne da misalin ƙarfe 6 na safiyar ranar Talata. Wani daga cikin majiyoyin, wanda ya nemi a sakaya sunansa, ya ce ‘yan bindigar sun yi ƙoƙarin kai hari garin, amma sojoji da maharba suka daƙile su. “Muna tunanin cewa Bello Turji ne da kansa ya jagoranci kai harin. An fara musayar wuta da ƙarfe 6 na safe,…

16 Nov

’Yan ta’adda sun ƙona gonaki shida kafin a girbe abincin da aka noma a Kaduna

ukarofiLabarai

Daga SANI AHMAD GIWA a Abuja ’Yan fashin daji sun kona wasu gonakin masarar shida kafin a girbe su a ƙauyukan Kwaga da Unguwar Zako da ke ƙaramar Hukumar Birnin Gwari a Jihar Kaduna. Danyen aikin ’yan ta’addan ya girgiza al’ummar ƙauyukan, musamman masu gonakin da abin ya shafa, inda suka rika nuna alhini. Wakilinmu ya ga bidiyon irin ɓarnar da wutar da ’yan fashin dajin suka cinna ta yi a gonakin. Daya daga cikin masu gonakin, Malam Kabiru Halilu Kwaga, ya shaida wa Manhaja cewa a bara ya noma buhu 160 na masara a gonar, kuma a bana yana…

16 Nov

Masu haƙar ma’adinai 13 sun rasu bayan ruftawar ƙasa a Filato

ukarofiLabarai

Daga SANI AHMAD GIWA a Abuja Aƙalla matasa 13 ne ake fargabar sun mutu bayan ruftawar ƙasa a wurin haƙar ma’adinai a ƙaramar Hukumar Bassa da ke Jihar Filato. Manhaja ta lura cewa yawancin masu haƙar ma’adinan da suka rasu matasa ne masu shekaru 18 zuwa 30. Shugaban ƙaramar hukumar, Dokta Joshua Riti, ya ce mutum bakwai daga cikin mamatan ’yan asalin ƙaramar hukumar ne. Ya bayana cewa wurin haƙar ma’adinan da abin ya faru, ya yana kan iyakan ƙananan hukumomin Bassa, Jos ta Kudu da kuma Jos ta Arewa. “Wannan abin takaici ne, matasa suna neman abin dogaro da…

16 Nov

NNPC na dab da ƙaddamar da shirin tashoshin iskar gas samfurin CNG 12 a Nijeriya – Kyari

ukarofiLabarai

Daga SANI AHMAD GIWA a Abuja Shugaban Kamfanin Man Fetur na ƙasa, NNPCL, Mele Kyari, ya jaddada aniyar kamfanin na magance matsalar makamashi da ‘yan Nijeriya ke fama da shi ta hanyar mai da hankali kan bunƙasa fannin makashin da samar da shi yadda ya kamata cikin farashi mai sauƙi. A cewar wata sanarwar da jami’in yaɗa labarai na kamfanin ya fitar a ranar Litinin, Olufemi Soneye, ya ce, shugaban kamfanin ya ba da wannan tabbaci ne a yayin buɗe taron shekara-shekara na ƙara wa juna sani karo na 42 na ƙungiyar Masana Harkar Man Fetur (NAPE) da ake yi…

16 Nov

Babu wani ƙauye da ke ƙarƙashin ikon ‘yan bindiga a Kebbi – Mataimakin Gwamna

ukarofiLabarai

Daga SANI AHMAD GIWA a Abuja Gwamnatin Kebbi ta ƙaryata labarin da kafafen yaɗa labarai na yanar gizo suka wallafa cewa ‘yan bindiga sun ƙwace wasu ƙauyuka da ƙwace ikon kotunan shari’a da kuma naɗa sarakunan gargajiya na jihar. Mataimakin gwamnan jihar Sanata Umar Abubakar-Tafida, ya ƙaryata rahoton a wani taron manema labarai a ofishinsa da ke Birnin Kebbi a ranar Talata. “Babu wani ƙauye guda ɗaya, a faɗin jihar Kebbi, inda ‘yan fashi ke da hurumin kotunan Shari’a ko kuma suka naɗa shugabannin ƙauyukan da suke so. “Rahoton ƙarya ne, babu gaskiya a ciki; wannan shine kawai tunanin marubutan…

16 Nov

‘Yan majalisun tarayya su daina mara wa dokokin da za su ƙuntata wa rayuwar talaka – Ɗanpass

ukarofiLabarai

Daga IBRAHIM MUHAMMAD a Kano An yi kira ga 'yan majalisun dattawa da na tarayyar ƙasar nan musamman na Arewa su daina yarda da amince wa duk wata doka da za a kawo domin ƙuntatawa rayuwar talakawa ta wuce. ɗan Saran Kano, Alhaji Gambo Muhammad ɗanpass ne ya bayyana hakan da yake zantawa da yan jarida, ya ce dole gwamnoni da da 'yan majalisu su sani ba a zaman lafiya da ƙuncin rayuwa da talauci kuma haraji da ake son ƙaƙabawa mutane ba abinda zai haifar sai ƙarin talauci. Ya ce abin takaici idan aka daka ta 'yan majalisun dattawa…

16 Nov

Tinubu ya karrama ‘yan ƙabilar Ogoni da suka mutu wajen kare muradun yankin

ukarofiLabarai

Daga SANI AHMAD GIWA a Abuja Shugaban ƙasa Bola Tinubu ya jaddada aniyar gwamnatinsa na samar da tattaunawa, sulhu, da zaman lafiya a tsakanin dukkanin ƙabilun ƙasar. Shugaban ƙasar ya bayyana haka ne a wani saƙo na musamman domin tunawa da ranar shahidan Ogoni na shekarar 2024, Bayo Onanuga, mai magana da yawunsa, ya bayyana hakan a wata sanarwa da ya fitar ranar Litinin. “Shugaba Tinubu ya tsaya tsayin daka da ƙungiyar matasan Ogoni ta ƙasa (NYCOP) da ɗaukacin ‘yan ƙabilar Ogoni domin karrama waɗanda suka sadaukar da kai wajen kare muradun ƙasar Ogoni. "Bikin na wannan shekara, mai taken:…