Labarai - Manhaja - Blueprint Hausa version

27 May

An maka gwamnonin Nijeriya a kotu kan rashin sakar wa ƙananan hukumomi mara

EditorBabban Labari, Labarai

Gwamnatin Tarayya ta maka Gwamoni 36 na Jihohin Nijeriya a Kotun Ƙoli kan tauye haƙƙoƙin Shugabannin Ƙananan Hukumomi. Ministan Shari'a kuma Babban Lauyan Gwamnatin Tarayya, Lateef Fagbemi ne ya tabbatar da hakan. Lateef ya ce, Gwamnatin Tarayya ta ƙudiri aniyar ƙwato wa shugabannin ƙananan hukumomi 'yancinsu a hannun gwmanoni, tare da ba su cikakken ikon cin gashin kansu. Kazalika, Gwamnatin ta kuma buƙaci Kotu da ta bayar da umarnin haramta wa gwamnoni sauke zaɓaɓɓun shugabannin ƙananan hukumomi ba bisa ƙa'ida ba. Ta kuma buƙaci Kotun ta ba damar da za a tiƙa tura wa ƙananan hukumomin kuɗaɗen kai-tsaye daga asusun…

26 May

Ana fagarbar mutane da dama sun mutu sakamakon ruftawar masallaci a Legas

EditorLabarai

Ana fargabar mutane da dama sun mutu sanan wasu da ya yawa sun jikkata sakamakon ruftawar ginin masallaci wanda ya auku Papa Ajao, Jihar Legas. Bayanai sun ce ruftawar da auku ne ranar Lahadi yayin da masallata ke tsaka da sallar Azahar. Manhaja ta kalato cewar, an gano wasu gawarwaki da ma waɗanda suka suka jikkata a ƙarƙashin ɓuguzan ginin, kuma ana fargabar akwai wasu da dama da suka maƙale. Ya zuwa kammala haɗa wannan labari, babu wani bayani a hukumance a kan lamarin.

26 May

Gwamnatin Tinubu na goyon bayan bai wa ƙananan hukumomi ‘yancin cin gashin kai – Akume

EditorLabarai

Daga SANI AHMAD GIWA a Abuja Sakataren Gwamnatin Tarayya, George Akume, ya bayyana cewa gwamnatin Shugaban Ƙasa Bola Tinubu ta na goyon bayan a bai wa ƙananan hukumomi 774 na faɗin ƙasar nan ‘yancin cin gashin kan su, kai-tsaye daga asusun gwamnatin tarayya. Akume ya bayyana haka lokacin da yake wa manema labarai jawabi bayan kammala taron Majalisar Zartaswa a ranar Laraba, a Abuja. An yi taron domin tattauna cikar Gwamnatin Tinubu shekara ɗaya da kafuwa. Akume ya ce Shugaba Tinubu ya maida hankali sosai wajen bin doka da oda da tsarin mulkin ƙasa tun da ya hau mulki. Ya…

26 May

CISLAC ta yi kira a wanzar da zaman lafiya a Kano

EditorLabarai

Daga IBRAHIM HAMISU a Kano Cibiyar Rajin Kyautata Ayyukan Majalisun Dokokin da Yaƙi da Rashawa a Nijeriya (CISLAC), ta bayyana damuwarta game da abubuwan da ke faruwa a Kano dangane da batun sauya sarki a jihar. CISLAC ta yi gargaɗin cewa irin abubuwan da ke faruwa a jihar ta Kano na barazana ga zaman lafiyar jihar. Babban Darakta a cibiyar, Auwal Musa Rafsanjani, ya fitar da tsattsauran gargaɗi a kan duk wani yunƙuri na amfani da yanayin da ake ciki a jihar domin ayyana dokar ta ɓaci, Ya ce, ” Irin waɗannan ayyuka ana kallonsu ne a matsayin ganganci da…

26 May

Shekara guda: Ku nuna wa ’yan Nijeriya ayyukanku – Tinubu ga ministocinsa

EditorLabarai

Daga SANI AHMAD GIWA a Abuja A taron tunawa da cikarsa shekara ta farko kan karagar mulki, Shugaba Bola Tinubu ya umurci ministocinsa da su gabatar da rahoton ayyukansu ga ‘yan Nijeriya. Ministan yaɗa labarai da wayar da kan jama’a na kasa, Mohammed Idris, yayin da ya bayyana hakan a wani taron manema labarai a Abuja ranar Laraba, ya ce za a gudanar da bukukuwan murnar zagayowar ranar haihuwar qananan yara tare da gabatar da jawabai a ɓangarori da dama na ministocin tarayya 47 daga ranar Alhamis (jiya). Idris ya samu halartar taron manema labarai na ranar Laraba da sakataren…

26 May

Tsohon Shugaban EFCC, Ibrahim Lamorde ya kwanta dama

EditorLabarai

Bayanan da suka cim mana na nuni da cewa, tsohon Shugaban Hukunar EFCC, Ibrahim Lamorde, ya kwanta dama. Majiyarmu ta ce marigayin ya rasu ne a ƙasar Masar inda ya tafi jinya, kuma ya bar duniya yana da shekara 61. An haifi marigayin ne a ranar 20 ga Disamban 1962, sannan ya shiga aikin ɗan sanda a 1986 inda ya yi ritaya a matsayin Mataimakin Sufeto Janar na 'Yan Sanda 2021. A halin rayuwarsa, ya riƙe muƙamin Shugaban EFCC daga 2011 zuwa 2015 bayan da Shugaba Goodluck Jonathan ya tsige Farida Waziri a muƙamin shugabancin hukumar.

26 May

‘Yan majalisa sun amince da dokar komawa ga tsohon Taken Ƙasa

EditorLabarai

Daga SANI AHMAD GIWA a Abuja Majalisar wakilai ta zartar da wani ƙudirin doka da ya bukaci al’ummar ƙasar su koma rera tsohuwar waƙar taken Nijeriya. Kafin a fara zaman majalisar, majalisar ta shiga wani zama na zartaswa wanda ya kwashe kusan mintuna 40 ana tattaunawa a kan batutuwan da suka wajaba kuma ana kyautata zaton cewa dokar ta taken ƙasar ce ta haifar da batutuwan da aka tattauna. An gabatar da ƙudirin dokar da shugaban majalisar Julius Ihonvbare ya gabatar a karo na farko da kuma karatu na biyu a ranar Alhamis, wanda kwamitin baki ɗaya ya amince da…

26 May

Yadda hayaƙin janareta ya kashe mutum bakwai a Bayelsa

EditorLabarai

Daga SANI AHMAD GIWA a Abuja Mutum bakwai sun mutu sakamakon hayaƙin injin janareto da ya mamaye ɗakin da suke kwance a Yenagoa, babban birnin jihar Bayelsa. Jaridar Punch a Nijeriya ta ruwaito cewa an samu gawarwakin mutanen galibinsu ɗaliban Jami'ar Neja Delta a cikin ɗakin Kiɗe-kiɗe watau 'studio' ranar Talata da safe, bayan sun shaƙi hayaƙin injin. Jaridar ta ce sutudiyan na ɗaya daga cikin mutanen da suka mutun ne. An ce a ranar Litinin da daddare ne marigayan suka fara aiki a sutudiyan, sai barci ya ɗauke su sakamakon gajiyar da suka yi, ba tare da sun kashe…

26 May

Ɗan sanda ya bindige abokin aikinsa a ƙoƙarin razana masu zanga-zanga

EditorLabarai

Daga MAHDI M. MUHAMMAD An tabbatar da mutuwar wani jami’in rundunar ’yan sandan Nijeriya tare da wasu mutane biyar da suka jikkata a wani rikici da ya varke a yayin aikin samar da zaman lafiya a kasuwar Jos da ke jihar Filato. Rahotanni sun nuna cewa rundunar hadin gwiwa da ta kunshi jami’an ’yan sanda, da ma’aikatan gwamnati, jami’an NSCDC, da jani'an hukumar shige da fice da Operation Rainbow da ke da alhakin tabbatar da tsafta a kasuwa, inda suka fuskanci turjiya mai tsanani daga jama'a. A ci gaba da aikin tabbatar da zaman lafiya wani jami'i ɗaya ya yi…

26 May

Kotu ta ƙi amincewa da tsawaita wa’adin shugabannin ƙananan hukumomi a Ribas

EditorLabarai

Daga MAHDI M. MUHAMMAD Babbar Kotun Jihar Ribas da ke zamanta a Fatakwal ta bayyana tsawaita wa’adin shugabannin ƙananan hukumomin jihar na tsawon watanni shida da ’yan majalisar dokokin jihar ƙarƙashin jagorancin Martins Amaewhule suka bukata, wanda ya savawa Kundin Tsarin Mulkin ƙasar, kuma ba shi da wani tasiri. ’Yan majalisa 27 da ke sansanin Ministan Babban Birnin Tarayya, Cif Nyesom Wike, a bana, sun kafa dokar da ta tsawaita wa’adin shugabannin ƙananan hukumomi na tsawon shekaru uku da watanni uku.Sai dai a hukuncin da kotun ta yanke a ranar Talata, ta ce sabuwar dokar ta saba wa Kundin Tsarin…