Labarai - Manhaja - Blueprint Hausa version

20 Jul

Gwamnan Zamfara ya yi wa Dahiru Mangal ta’aziyyar rasuwar matarsa a Katsina

EditorLabarai

Daga WAKILINMU Gwamnan Jihar Zamfara, Dauda Lawal, ya ziyarci Katsina don yin ta'aziyya ga Shugaban Kamfanin Jirgin Max, Alhaji Dahiru Barau Mangal bisa rasuwar matarsa. Shahararren ɗan kasuwar ya rasa matarsa Aisha ne a ranar Asabar ɗin da ta gabata a babban birnin tarayya, Abuja. Gwamna Lawal a wata takardar manema labarai da mai magana da yawunsa, Sulaiman Bala Idris, ya fitar, ya bayyana marigayiyar a matsayin uwa wacce iyalanta za su yi kewar rashinta matuƙa. Haka nan ya yi addu'ar Allah Ya yi wa marigayiyar sakamako da masauki a Aljannah. "Mun zo ne domin yin jaje da ta'aziyya na…

20 Jul

Raɗɗa ya miƙa wa majalisa sunayen kwamishinoni don tantance su

EditorLabarai

Daga UMAR GARBA a Katsina Gwamnan Jihar Katsina Malam Dikko Umar Raɗɗa, ya miƙa wa Majalisar Dokokin jihar jerin sunayen mutane 20 domin tantance su a matsayin waɗanda za su shugabanci ma'aikatu daban-daban a jihar. Sunayen wanda mai taimaka wa gwamnan kan kafofin yaɗa labarai ya aike wa Majalisar a ranar Laraba sun haɗa da tsoffin kwamishinoni biyar na gwamnatin da ta gabata. A yayin zaman majalisar ƙarƙashin jagorancin Kakakinta, Rt. Hon. Nasir Yahaya Daura, an bayyana sunayen kwamishinoni 20 da kuma wasu shugabannin hukumomi biyu da suka haɗa da hukumar tattara kuɗin haraji ta jiha wadda aka bayar da…

19 Jul

Tallafin N8000: Tinubu ya ba da umarnin sake fasalin rabo

EditorLabarai

Daga BASHIR ISAH Shugaban Ƙasa Bola Ahmed Tinubu ya ba da umarnin gaggawa kan sake fasalin rabon tallafin N8000 da yake shirin raba wa 'yan ƙasa sakamakon cire tallafin mai. Wannan umarni na ƙunshe ne cikin sanarwar da Tinibun ya fitar ranar Talata daddare ta bakin mashawarcinsa Dele Alake. Alake ya ce Tinubu ya sake ba da umarnin a bayyana wa 'yan Nijeriya tanadin da gwamnati ta yi don rage wa 'yan ƙasa raɗaɗin cire tallafin mai. Sanarwar ta ce Tinubu ya ba da umarnin waiwayar tallafin ne saboda yadda 'yan Nijeriya suka bayyana ra'ayoyinsu kan batun. A ranar 13…

19 Jul

Jihohin Kano, Jigawa, Oyo da sauransu sun ba da hutun sabuwar shekarar Musulunci

EditorLabarai

Daga IBRAHIM HAMISU a Kano Gwamnatocin jihohin Kano da Oyo da Jigawa da sauransu, sun ayyana Laraba, 19 ga watan Yuli a matsayin ranar hutu domin murnar shiga sabuwar shekarar Musulunci ta 1445. Wannan na ƙunshe ne cikin sanarwa mabambanta da jihohin suka fitar a ranar Talata. Gwamna Abba Kabira na Jihar Kano, ta fitar da tasa sanarwar ce ta nakin Kwamishinan Yaɗa Labarai na Jihar, Baba Halilu Dantiye. Inda Gwamnan ya taya al’ummar musulmin duniya murnar shigowar sabuwar shekara ta Musulunci, ya kuma buƙaci ma’aikatan gwamnati da sauran al’ummar jihar da su yi addu’ar Allah Ya kawo zaman lafiya…

19 Jul

Yau take sabuwar shekarar Musulunci, 1445

EditorBabban Labari, Labarai

Daga BASHIR ISAH A wannan Larabar aka shiga sabuwar shekarar Musulunci ta 1445. A ranar Talata Mai Alfarma Sarkin Musulmi, Alhaji Muhammad Sa’ad Abubakar, ya ayyana Laraba, 19 ga Yulin 2023 a matsayin 1 ga watan Muharram na sabuwar shekarar ta 1445H. Kafin wannan lokaci, Basaraken ya buƙaci al’ummar Musulmi da su nemi jinjirin watan Muharram a ranar Litinin da ta gabata. Watan Muharram shi ne watan farko a kalandar Musulunci, kuma ɗaya daga cikin muhimman watannin da Musulunci yake bai wa fifiko. A wannan wata ne al’ummar Musulmin duniya kan yi azumin nafila a ranakun 9 da 10 ga…

18 Jul

Yanayin kasuwa ya haifar da ƙarin farashin fetur – Kyari

EditorBabban Labari, Labarai

Daga BASHIR ISAH Shugaban Kamfanin Fetur na Nijeriya (NNPCL), Mele Kyari, ya ce yanayin kasuwa ne ya haifar da ƙarin farashin fetur da aka fuskanta a ranar Talata. Kyari ya bayyana haka ne yayin ganawarsu da Mataimakin Shugaban Ƙasa, Kashim Shettima, ranar Talata a Fadar Shugaban Ƙasa da ke Abuja. Ya ce sakar wa ɓangaren mai mara da aka yi, hakan zai sa a riƙa fuskantar hawa da saukar farashin man lokaci-lokaci. Shugaban na NNPCL ya ce batun ƙarin farashin fetur daga N540 zuwa N617 da aka fuskanta ba wai don ƙarancin fetur ba ne, tare da tabbatar wa 'yan…

18 Jul

Sarkin Musulmi ya ayyana farkon shekarar Musulunci ta 1445

EditorLabarai

Daga BASHIR ISAH Mai Alfarma Sarkin Musulmi, Alhaji Muhammad Sa’ad Abubakar, ya ayyana Laraba, 19 ga Yulin 2023 a matsayin 1 ga watan Muharram na sabuwar shekarar 1445H. Kafin wannan lokaci, Basaraken ya buƙaci al'ummar Musulmi da su nemi jinjirin watan Muharram a ranar Litinin da ta gabata. Watan Muharram shi ne watan farko a kalandar Musulunci, kuma ɗaya daga cikin muhimman watannin da Musulunci yake bai wa fifiko. A wannan wata ne al'ummar Musulmin duniya kan yi azumin nafila a ranakun 9 da 10 ga watan, wato Tasu'a da Ashura don neman kusnci ga Allah Madaukakin Sarki.

18 Jul

Ƙungiyar masu gidajen burodi za su ƙara kuɗi a Nijeriya

EditorLabarai

Daga MAHDI M. MUHAMMAD Ƙungiyar Masu Gidajen Burodi a Nijeriya ta ce za ta ƙara farashin burodi da kashi 15 cikin ɗari daga ranar 24 ga watan Juli. A cikin wata sanarwa da ta fitar, bayan kammala taron shugabanninta na ƙasa, ƙungiyar ta 'Association of Master Bakers and Caterers of Nigeria' ta ce ta ɗauki matakin ne bayan la'akari da nunnukawar farashin kayan aiki. Sanarwar wadda ta samu sa hannun shugaban ƙungiyar na ƙasa, Alhaji Mansur Umar ta ce tashin farashin ya biyo bayan cire tallafin man fetur da gwamnatin Tarayya ta yi. A ranar 29 ga watan Mayun 2023…

17 Jul

Shugaba Tinubu ya dawo daga taron ƙasashen Afirka

EditorLabarai

Daga BASHIR ISAH Shugaban Ƙasa Bola Tinubu ya dawo daga taron ƙungiyar ƙasashen Afrika (AU) da ya halarta a ƙasar Kenya. Bayanai daga birnin tarayya, Abuja, sun ce jirgin da ya dawo da Tinubu da tawagarsa ya sauka Babban Filin Jirgin Saman Nnamdi Azikiwe da ke Abuja ne da misalin ƙarfe 4:20 na ranar Litinin. Manyan jami'an gwamnati ƙarƙashin Sakataren Gwamnatin Tarayya, Sanata George Akume ne suka tarbi Tinubu a filin jirgin saman. Cikin waɗanda suka yi wa Tinubu rakiya har da Shugaban Ma'aikatan Fadar Shugaban Ƙasa, Femi Gbajabiamila; Gwamnan Imo; Hope Uzodinnma da kuma tsohon Gwamnan Jihar Kano, Dr…

17 Jul

Sojoji sun kama babbar mota ɗauke da alburusai da aka yi nufin kai su Anambra

EditorLabarai

Daga BASHIR ISAH Sojojin Nijeriya sun kama wata babbar motar ɗaukar kaya ɗauke da alburusai da nufin kai su Jihar Anambra. Rundunar sojin ta ce dakarun Bataliya ta 192 da ke yankin Dibishan 81 su ne suka kama motar ranar Asabar a daidai lokacin da aka yi amfani da ita wajen yin fasakwaurin alburusan. Rundunar ta ce an gano motar ce mai lamba ENU 697 XY a hanyar Ajilete-Owode cikin Ƙaramar Hukumar Yewa ta Arewa, Jihar Ogun, ɗauke da katan 720 na alburusai. Ga ƙarin hotuna: