Labarai - Manhaja - Blueprint Hausa version

16 Jun

Sabon Kakakin Majalisar Jihar Nasarawa ya buƙaci al’umma su riƙa mara wa shugabannin su baya

EditorLabarai

Daga JOHN D. WADA a Lafiya Sabon zaɓaɓɓen shugaban majalisar dokokin jihar Nasarawa da aka sake zave karo na 3 Honorabul Ibrahim Balarabe Abdullahi ya taya al’ummar jihar Nasarawa da ƙasa baki ɗaya murnar sake zagayowar ranar dimukaraɗiyya na bana wadda aka gudanar ranar Litinin 12 ga watan Yunin shekarar 2023 a faɗin ƙasar nan baki ɗaya. Honorabul Ibrahim Balarabe Abdullahi ya taya ‘yan Nijeriya murnar ranar ne a wani takardar sanarwa na musamman da mataimakinsa na fannin yaɗa labarai Alhaji Jibrin Gwamna ya sanya hannu aka raba wa manema labarai ciki har da wakilin mu a birnin Lafiya. Kakakin…

16 Jun

Gwamna Sule ya naɗa Garba Rosha sakataren din-din-din

EditorLabarai

Daga JOHN D. WADA a Lafiya A ranar Talata na wannan mako wato 13 ga watan Yunin shekarar 2023 da ake ciki ne Gwamnan Jihar Nasarawa, Injiniya Abdullahi Sule ya naɗa wa Honorabul Garba Rosha muƙamin babban sakatare na din-din-din wato Permanent Secretary a turance a majalisar zartaswarsa. Jim kaɗan bayan babban bikin naɗin nasa wadda aka gudanar a gidan gwamnatin jihar dake Lafiya babban birnin jihar, wakilin mu ya samu damar ganawa da shi sabon sakataren din-din-din, Honorabul Garba Rosha dangane da naɗin nasa, inda ya fara da miƙa godiyarsa ta musamman ga gwamna Abdullahi Sule game da karamcin.…

16 Jun

Zulum ya raba wa manoma taraktoci 442 da takin zamani

EditorLabarai

Daga SANI AHMAD GIWA a Abuja Gwamnan Borno, Babagana Umara Zulum, ya raba taraktoci 442 da injinan noma da garmuna guda 312 da kuma takin zamani nau’in MPK ga manoman jihar. Gwamnan ya bada umarnin bai wa kowacce daga ƙananan hukumomin jihar 27 taraktoci 5, da kuma guda ɗaya ga kowacce daga gundumomi 312 na jihar domin sayar wa manoma a kan rabin farashin da gwamnati ta sayi motocin. Ya bayyana cewa za a sayar wa manoma taraktocin ne ta hannun ƙungiyoyin haɗin gwiwar manoma. Da ya ke jawabi yayin ƙaddamar da motocin na noma a Maiduguri, Zulum ya ce,…

16 Jun

An tantance mutum miliyan ɗaya don yin aikin ƙidaya — NPC

EditorLabarai

Daga SANI AHMAD GIWA a Abuja Kwamishinar Hukumar Ƙidaya ta Ƙasa (NPC) mai wakiltar Jihar Benuwai, Patricia Kupchi, ta ce kimanin ma’aikata miliyan ɗaya aka tantance domin yin aikin ƙidayar 2023. An ɗage ƙidayar, wadda aka shirya yi a watan Mayu, sai dai har yanzu ba a bayyana ranar da za a yi ba. Kupchi, a jawabinta da ta gabatar a wajen wani taro kan yadda aka sake tsara ƙidayar yawan jama’a da gidaje na 2023 a Makurdi, ta ce hukumar za ta ci gaba da wayar da kan jama’a har sai an sanar da sabuwar ranar yin ƙidayar. “An…

14 Jun

Bisa shawarwarin ƙwararru muka rushe shataletalen gidan gwamnati – Abba Kabir

EditorLabarai

Daga BASHIR ISAH Gwamnan Jihar Kano, Abba Kabir Yusuf, ya bayyana cewa domin amfanin 'yan jihar aka rushe randabawul ɗin gidan gwamnati da ke jihar. Sanarwar da Sakataren Yaɗa Labarai ga Gwamnan, Sanusi Bature Dawakin, ya fitar aka kuma raba wa manema labarai a ranar Laraba ta ce, gwamnati ba ta ɗauki matakin rushe randabawul ɗin ba sai da ta tuntuɓi masana inda aka tabbatar mata lallai ginin shataletalen ba shi da inƙanci, kuma akwai yiwuwar ya ruguje tsakanin 2023 da 2024. Sanarwar ta ce, “An cika wa aikin ƙasa maimakon kankaren siminti da aka sani. “Sannan ginin ya yi…

14 Jun

Gbajabiamila ya yi murabus daga Majalisar Wakilai

EditorLabarai

Daga BASHIR ISAH Tsohon Shugaban Majalisar Wakilai, Femi Gbajabiamila, ya yi murabus daga Majalisar Wakilai domin kama aiki a matsayin sabon Shugaban Ma'aikata na Fadar Shugaban Ƙasa. An gabatar da wasiƙar tasa ga Majalisar ne inda Shugaban Majalisar, Tajudeen Abbas, ya karanto. Tun farko rahotanni sun nuna dole Gbajabiamila ya sauka daga matsayin shugabancin majalisar domin ba shi damar fuskantar aikin sabuwar gwamnati. Da ma dai wasu 'yan ƙasar sun nuna damuwa kan yadda yake gudanar da muƙamai guda biyu a kansa, wato a matsayinsa na Shugaban Ma'aikatan Fadar Shugaban Ƙasa da kuma ɗan majalisa wanda har an rantsar da…

14 Jun

Gwamnatin Kano ta rushe shataletalen Gidan Gwamnati

EditorLabarai

Daga IBRAHIM HAMISU a Kano Gwamnatin Jihar Kano ƙarƙashin jagorancin Engr. Abba Kabir Yusuf, ta ci gaba da aikin rusau da take gudanarwa a cikin garin Kano, Inda a ranar Talata da daddare aikin rusau ɗin ya dira kan shataletalen da ke daura da Fadar Gwamnatin jihar. Bidiyon lamarin da ya karaɗe gari, ya nuna yadda motar rusau ɗin ta yi rugu-rugu da randabawul ɗin. Rusau da Gwamnatin Abba Kabir Yusurf ta Jam’iyyar NNPP ke ci gaba da yi a jihar na ci gaba da jawo ce-ce-ku-ce tsakanin ɓangarorin da ke ganin dacewarsa da kuma masu ganin rashin kyautatuwar hakan,…

14 Jun

Yanzu lokaci ne na yi wa Zamfara aiki bilhaƙƙi, cewar Gwamna Dauda ga ‘yan majalisar jihar

EditorLabarai

Daga BASHIR ISAH Gwamnan Jihar Zamfara, Dauda Lawal, ya yi kira ga sabbin 'yan Majalisar Dokokin jihar da su haɗe kai da yin aiki tare don cigaban jihar. Lawal ya yi wannan kira ne yayin ganawar da ya yi da sabbin mambobin majalisar a zauren Majalisar a ranar Talata. A ranar Talata ta wannan makon aka rantsar da 'yan majalisar Jihar Zamfara karo na bakwai. Sanarwa da mai bai wa Gwamna Dauda shawara kan lamurran yaɗa labarai da hulɗa da jama'a, Sulaiman Bala Idris, ya fitar a ranar Laraba ta ce, Hon. Bilyaminu Ibrahim Moriki ne aka zaɓa a matsayin…

14 Jun

Mutum 100 sun mutu a hatsarin jirgin ruwa a Kwara

EditorLabarai

Daga BASHIR ISAH Aƙalla mutum 100 aka ruwaito sun mutu a wani hatsarin jirgin ruwa da ya auku ranar Litinin a Jihar Kwara. Bayanai sun ce hatsarin ya auku a yankin ƙauyen Egbu da ke cikin Ƙaramar Hukumar Patigi a jihar. An ce hatsarin ya auku ne a lokacin da waɗanda iftila'in ya rutsa da su a lokacin da suke hanyar komowa gida daga bikin aure da suka halarta a Jihar Neja mai maƙwabtaka da jiharsu. Tuni Gwmnan jihar, Abdulrahman Abdulrazaq, ya bayyana alhini da ta'aziyya ga 'yan uwan waɗanda suka rasu a hatsarin. Sanarwar da Sakataren Yaɗa Labarai ga…

13 Jun

Sbugaban Majalisar Dattawa ya ziyarci Tinubu bayan rantsar da shi

EditorLabarai

Daga BASHIR ISAH Shugaban Majalisar Dattawa, Godswill Akpabio, ya ziyarci Shugaban Ƙasa Bola Tinubu a fadarsa da ke Abuja. A ranar Talata sanatoci suka zaɓi Akpabio na Jam'iyyar APC daga Jihar Akwa Ibom tare kuma da rantsar da shi a matsayin Shugaban Majalisar Dattawa zubi na 10. Akpabio ya lashe zaɓen ne da ƙuri'u 66 inda ya doke babban abokin hamayyarsa, Abdullazeez Yari na Jam'iyyar APC daga Zamfara, wabda ya samu ƙuri'u 43.