Labarai - Manhaja - Blueprint Hausa version

12 Mar

Ta rasu ran jajibirin aurenta

EditorLabarai

Daga BASHIR ISAH Bisa sahihan bayanan da Blueprint Manhaja ta samu, a yau Asabar ne ranar da aka tsayar don ɗaura auren Hajara wadda Allah Ya yi wa rasuwa a jiya Juma'a. Marigayiya Hajara mazaunin yankin Masaƙa ce cikin ƙaramar hukumar Karu, jihar Nasarawa, ta rasu ne bayan gajeriyar jinya. Kafin rasuwarta, Hajara 'Nurse' ce wadda al'umma ke amfana da ita. 'Yan'uwa, masoya da abokai na ci gaba da nuna alhinin wannan rashi tare da yi wa marigayiyar fatan samun Aljanna Firdausi.

12 Mar

Dakarun NDLEA sun kama ƙwayoyin Turamol 294,440 a jihohin Bauchi da Delta

EditorLabarai

Daga BAKURA MUHAMMAD a Bauchi Dakarun Hukumar Yaƙi da Sha da Fatauci da Miyagun Ƙwayopyi (NDLEA) sun cafke ƙwayoyi masu yawan 294, 440 na Tramadol, Diazepam, Swinol, Rohyphnol da Exol-5, haɗe kuma da wasu muggan ƙwayoyin daban a samamen da suka yi a jihohin Delta da Bauchi da kuma filin sauka da tashin jiragen sama na Murtala Muhammed dake Ikeja ta Legas. Jimlar mutanen da ake zargi 41 da ta’ammali da ƙwayoyin aka cafke a yayin farmakin daban-daban, kamar yadda jami’in hulɗa da jama’a na hukumar, Femi Babafemi ya bayyana a cikin wata sanarwa a ranar Lahadi da ta gabata.…

12 Mar

Ƙaramin kwamitin siyasa da diflomasiyya na babban kwamitin tsakanin Sin da Nijeriya ya gudanar da taronsa na farko

EditorLabarai

Daga CMG HAUSA A ranar 10 ga watan Maris, ƙaramin kwamitin siyasa da diflomasiyya na babban kwamitin tsakanin ƙasashen Sin da Najeriya ya gudanar da taronsa na farko ta kafar bidiyo, wanda Deng Li, mataimakin ministan harkokin wajen ƙasar Sin, da Zubairu Dada, karamin ministan harkokin wajen Najeriya suka jagoranta. Ɓangarorin biyu sun yi nazari kan ci gaban da aka samu game da hulɗar dake tsakanin ƙasashen biyu, da kuma haɗin gwiwarsu a fannoni daban-daban, inda suka yi musayar ra’ayoyi kan batun aiwatar da sakamakon da aka samu a taron ministoci karo na 8 na taron dandalin tattaunawar haɗin gwiwar…

11 Mar

Gwamnatin Tarayya ta horas da matasa kan dabarun kula da abincin ‘yan gudun hijira a Keffi

EditorLabarai

Daga BASHIR ISAH A ranar Larabar da ta gabata Hukumar Kula da 'Yan Gudun Hijira da Waɗanda Rikici ya Ɗaiɗaita (NCFRMI) ta kammala shirin horar da gomman matasa a garin Keffi, jihar Nasarawa kan dabarun girke-girke don amfanin waɗanda rikici ya ɗaiɗaita. Shirin ya gudana ne a ƙarƙashin kulawar Kwamishinar Tarayya a ma'aikatar NCFRMI, Hajiya Imaan Sulaiman Ibrahim, inda aka horas da matasa kan dabarun sarrafa abinci ga waɗanda rikici ya ɗaiɗaita da suke zaune a garin Keffi. Shirin bada horon ya gudana ne na tsawon kwanaki biyar, wanda bayan kammalawa aka miƙa wa kowannensu shahadarsa tare da kayan aiki…

11 Mar

Babban taro: INEC ta ankarar da APC wasu dokoki

EditorLabarai

Daga SANI AHMAD GIWA a Abuja Hukumar Zaɓe mai Zaman Kanta ta Ƙasa (INEC) ta yi fatali da wasiƙar gayyata zuwa wajen taron Majalisar Zartaswa (NEC) na gaggawa na jam'iyyar All Progressives Congress, (APC). Hukumar INEC ta bayyana cewa ta yi watsi da takardar ne saboda ba ta ga sa hannun Shugaban Riƙon Jam'iyyar APC da na Sakataren sa ba. Da yiwuwar yunƙurin cire Mai Mala Buni ƙarfi da yaji ya haifar da matsala a babban taron ƙasa da jam'iyyar ta shirya za ta yi a ƙarshen watan Maris ɗin nan. INEC, a wasiƙar da ta aike ranar 9 ga…

11 Mar

Hana mata muƙaman gwamnati koma-baya ne ga siyasar Nijeriya – Ibrahim Haruna

EditorLabarai

Daga ABUBAKAR A. BOLARI a Gombe Wani matashin ɗan siyasa a jihar Gombe kuma mai kishin ganin an bai wa mata wannan kaso na 35 cikin ɗari da suke hanƙoron nema a muƙaman gwamnati daban-daban da na siyasa, Alhaji Ibrahim Haruna Tukulma, shugaban ƙungiyar nan da ba ta gwamnati ba ta Arewar mu duniyar mu, ya ce hana su matsayin zai mayar da siyasar Nijeriya baya. Alhaji Ibrahim Haruna wanda har ila yau shi ne Sarkin Hausawan Tukulma, ya bayyana hakan ne a wani taron manema labarai da ya kira a Gombe, inda ya ce mata ba ƙashin yasarwa ba…

10 Mar

An samu haɗarin tankar mai a Legas

EditorLabarai

Daga WAKILINMU Haɗarin ya auku ne a ranar Alhamis a yankin Cocin MFM da ke kan babbar hanyar Legas zuwa Ibadan. Bayanai sun tabbatar cewa an samu hasarar rayuka sakamakon haɗarin wanda ba a kai ga tantance adadinsu ba. Ko a Larabar da ta gaba an samun makamancin wannan haɗarin a Legas inda gobara ta tashi ta laƙume wani gidan mai a daidai lokacin da ake sauke mai daga tankar mai.

10 Mar

Mun horar da masu ruwa da tsaki kan ilimin dabarun kare kai – DPRC

EditorLabarai

Daga MUHAMMAD MUJITABA a Kano Cibiyar Cigaba da Ayyuka na Musamman da Binkice akan Harkar Ilimi (DPRC), sun shirya bita ta musamman ga masu ruwa da tsaki kan ilimin dabarun kare kai daga matsalar tsaro da garkuwa da mutane a makarantu da maaikatu da sauransu, waɗanda suka futo daga jihar Kano da Jigawa kamar yadda jamii mai bada shawara da dabaru a wannan cibiya Sulaiman Muhammad ya bayyana a wajen wannan bita wanda aka gabatar a Birnin Kanon Dabo a eanar Alhamis ɗin makon jiya. Har ila yau ya ce wannan cibiya tana yin wannan ayyuka na wayar da kai…

09 Mar

Yadda gobara ta kaƙume gidan mai a Legas

EditorLabarai

Daga BASHIR ISAH A ranar Laraba aka samu tashin gobara a gidan man Mobil da ke Alakara, Idi Oro, Mushin a birnin Legas. Bayanai sun nuna gobarar ta tashi ne da tsakar rana daidai lokacin da ake ƙoƙarin sauke fetur da aka kawo wa gidan man. An ce gobarar ta faɗaɗa har zuwa wani bene mai hawa uku da ke kusa da gidan man. A cewar Hukumar Bada Agajin Gaggawa (NEMA), babu wanda ya ji ciwo, haka ma babu hasarar rai sakamakon gobarar. Ya zuwa haɗa wannan labari, an ga jami'an kwana-kwana suna ta ƙoƙarin kashe gobarar a nan gidan…

09 Mar

Gyaran Dokar Zaɓe: Sanatoci sun ƙi amincewa da buƙatar Buhari

EditorLabarai

Daga BASHIR ISAH A zamanta na ranar Laraba, Majalisar Dattawa ta ƙi amincewa da buƙatar Shugaban Ƙasa Muhammadu Buhari ta neman yi wa Sashe na 84(12) na Dokar Zaɓe kwaskwarima, sashen dokar da ya hana masu riƙe da muƙaman siyasa tsyawa takarar fidda gwani ba tare da sun ajiye muƙaman nasu ba. Bayan da Jagoran Majalisar, Yahaya Abdullahi (APC Kebbi ta Arewa) ya jagoranci muhawarar nazarin dokar a karo na biyu, a nan aka samu da yawa daga cikin sanatocin suka ƙi amincewa da buƙatar bayan da Shugaban Majalisar, Ahmad Lawan ya gabatar musu da batun don yin ƙuri'a.