Labarai - Manhaja - Blueprint Hausa version

08 Mar

Jamhuriyar Benin za ta cigaba da tsare Igboho a asibiti

EditorLabarai

Daga MAHDI M. MUHAMMAD Ɗan gwagwarmayar ƙabilar Yarbawa, Cif Sunday Adeyemo, wanda aka fi sani da Igboho Oosha, ya sake samun ’yancinsa bayan da hukumomin jamhuriyar Benin suka sake shi, bayan ya shafe kimanin watanni takwas a gidan yari. Babban Lauyan Igboho, Cif Yomi Alliyu SAN, ya tabbatar da hakan a ranar Litinin da yamma. Alliyu ya bayyana a cikin saƙon cewa Sunday Igboho ya sake samun ’yancin ne amma da sharaɗi zama a asibiti domin a kula da lafiyarsa a cikin Cotonou. Ya kuma bayyana cewa, sakin Igboho na cikin yarjejeniyar cewa kada ya bar cibiyar kiwon lafiya ko…

07 Mar

Kotu ta sake tsare Abba Kyari da wasu mutane shida

EditorLabarai

Daga SANI AHMAD GIWA a Abuja Alƙalin Babbar Kotun Tarayya da ke Abuja, Emeka Nwite wanda ke sauraren ƙara da Hukumar Hana Sha da Fataucin Miyagun Ƙwayoyi (NDLEA) ta shigar tana tuhumar babban jami'in ɗan sanda Abba Kyari da wasu mutum shida ta ƙi amincewa da buƙatar da lauyoyinsa suka miƙa mata na a bayar da belinsa. Sai dai kotun ta ce za ta saurari buƙatar a zamanta na gaba. Lauyan Abba Kyari, Kanu Agabi ya shaida wa manema labarai a gaban kotun cewa kotun ta ɗage zamanta zuwa ranar Litinin 14 ga watan Maris domin sake duba batun belin.…

07 Mar

Ministan Ƙwadago ya bada tabbacin samun daidaito tsakanin gwamnati da ƙungiyar ASUU

EditorLabarai

Daga SANI AHMAD GIWA a Abuja Ministan Kwadago da Samar da Ayyukan yi a Nijeriya, Mista Chris Ngige ya na sa ran ƙungiyar ASUU ba za ta shafe tsawon wata guda tana yajin aiki ba. Dr. Chris Ngige yi wannan bayanin ne ga manema labarai bayan ya tashi daga wani taro da ya yi da shugabannin ASUU a Abuja. Dr. Chris Ngige ya ce sun cin ma matsaya a kan wasu abubuwa da dama, kuma an tsaida lokacin da za a aiwatar da alƙawuran da gwamnati ta yi wa ƙungiyar. A cewar ministan, wakilan ASUU sun yarda su tuntuɓi ‘ya‘yansu…

07 Mar

Yajin aikin ASUU: Zaman sasantawa ya tunzura ministan ilimi

EditorLabarai

Daga BAKURA MUHAMMAD a Bauchi Ministan Ilimi na Ƙasa, Mallam Adamu Adamu a ranar Litinin ce da ta gabata ya nuna tuzurin fushi, tare da fita daga ɗakin taron sasantawa tare da wakilan ɗaliban ƙasar nan (NANS) waɗanda suke yin bore bisa yawan shiga yajin aiki da ƙungiyar jami’o’in ƙasar nan (ASUU) suke yi. Ministan dai, ya shirya wani taro ne na ba-za-ta da shugabannin ƙungiyar ɗalibai ta ƙasa (NANS), waɗanda suka yi cincirindo a mashigar ma’aikatar Ilimi ta tarayya (FME) da ke Abuja a ranar Linitin da ta gabata. Ɗaliban na ƙasa, sun nemi ministan ne da ya rufe…

07 Mar

Yadda gyaran Kundin Tsarin Mulkin Nijeriya ke cigaba da kankama a majalisa

EditorLabarai

Daga MAHDI M. MUHAMMAD A ranar Talatar da ta gabata ne Majalisar Dattawan Nijeriya ta kaɗa ƙuri’a kan wasu sassa sittin da takwas na kundin tsarin mulkin ƙasar na 1999 da suka ƙi amincewa da ƙirƙirar wa mata kujera na musamman. “Ƙudirin ya nemi a samar da muƙamai na musamman ga mata a Majalisar Dattawa, Wakilai da Majalisar Jiha ta hanyar samar da kujeru guda na musamman a kowace jiha ta tarayya da kuma Babban Birnin Tarayya da aka keɓe wa mata kaɗai ba tare da la’akari da cancantarsu ta tsayawa takara ta kujerun sanatoci a kowace jiha da Abuja…

06 Mar

HOTUNA: Buhari ya tafi London duba lafiyarsa

EditorLabarai

06 Mar

Saudiyya ta ɗage haramcin zirga-zirgar jiragen saman Nijeriya

EditorLabarai

Daga MAHDI M. MUHAMMAD Masarautar Saudiyya ta ɗage dakatar da zirga-zirgar jiragen saman Nijeriya a ƙasarta watanni uku bayan da ta sanya dokar hana fita sakamakon ɓullar cutar Korona. Sanarwar da ta ɗage haramcin an ba da ta ne a ranar Asabar inda Masarautar ta kuma cire takunkumin annobar Korona da yawa ta yadda za ta ba da damar aikin Hajji na 2022. A cewar sanarwar da aka gani a shafin Twitter na Saudi Gazette, Masarautar ta kuma ɗage dakatar da zirga-zirgar jiragen sama kai tsaye da shigowa daga wasu ƙasashe 17. Waɗannan sun haɗa da Afirka ta Kudu, Namibiya,…

06 Mar

Nijeriya za ta biya bashin dala biliyan 3.5 ga Chana a shekarar 2047

EditorLabarai

Daga MAHDI M. MUHAMMAD Daga shekarar 2023, gwamnatin tarayya, a ƙarƙashin zaɓaɓɓun shugabannin ƙasa bakwai da za a yi a gaba, za ta ɗauki sama da shekaru 24 tana biyan bashin dala biliyan 3,593.42 da Nijeriya ta ciwo daga bankin Exim na ƙasar Sin a halin yanzu. Sai dai kuma, hakan zai yiwu ne kawai idan har Nijeriya ba ta sake karɓar wani lamuni daga ƙasashen Asiya ba kafin ƙarshen wa'adin mulkin wannan gwamnati da kuma wasu na gabanta. Fwamnatoci biyar da za a yi: Gwamnatocin da za su fara mulki daga 2023, 2027, 2031, 2035, 2039, 2043, da kuma…

06 Mar

Za a sake ba wa al’ummar Katsina damar rajistar tallafin Korona

EditorLabarai

Daga UMAR GARBA a Katsina Za a sake ba wa al'ummar Jihar Katsina damar yin rajistar gaggawa ta tatallafin annobar cutar Korona wato 'Rapid Response Register" a turance musamman ga mutanen da ba su samu damar yi ba tun da farko, inda za a fara rajistar ranar Litanin 7 ga Maris, 2022. Bayanin haka na ƙunshe ne cikin wata sanarwa da jami’in yaɗa labarai na ofishin kula da rajistar mutane marasa ƙarfi na jihar wato SOCU, Marwana Abubakar Darma, ya fitar a madadin babban jami’in shirin a Jihar Katsina, Aliyu Isa Girka. Sanarwa ta bayyana cewa, mutanen da ke da…

05 Mar

Matar Abdulmalik Tanko da ake zargi da kisan Hanifa, ta nemi mijin ya sawwaƙe mata

EditorLabarai

Daga SANI AHMAD GIWA a Abuja Matar Abdulmalik Tanko wanda ake zargi da garkuwa da kuma kashe Hanifa a Jihar Kano, Jamila Muhammad Sani, ta ce tana son mijin nata ya rubuta mata takardar saki. A jiya Juma'a ne dai aka gurfanar da Jamila, mai shekara 30 da haihuwa a Kotun Majistare 12 da ke zamanta a Gidan Murtala, bisa zargin haɗin baki da ita a ɓoye Marigayiya Hanifa. Gurfanar da Jamila ɗin ya zo ne bayan da a ranar Alhamis ta bayyana a gaban Babbar Kotun jiha 5, a bisa jagorancin Mai Shari'a Usman Na-abba, ta bada shaida a…