Labarai - Manhaja - Blueprint Hausa version

01 Jul

Sojoji sun kashe mayaƙan Boko Haram 73 a cikin makonni biyu – Hedikwatar Tsaro

EditorLabarai

Daga UMAR M. GOMBE Babban Ofishin Tsaro da ke Abuja ya ce an samu kashe mayaƙan Boko Haram guda 73 a tsakanin makonni biyu a yankin Arewa-maso-gabas. Daraktan yaɗa labarai na rundunar tsaro na ƙasa, Bernard Onyeuko, shi ne ya bayyana haka ran Alhamis, yana mai cewa rundunar shirin Operation Haɗin Kai ce ta samu wannan gagarumar nasarar. Jami'in ya ƙara da cewa sojojin sun ƙwato makamai masu tarin yawa daga sassa daban-daban a wajen 'yan ta'addan Ya ce a ranar 27 na Yunin da ya gabata, sojojin sun karɓi wasu 'yan Boko Haram su 55 da suka yi saranda…

01 Jul

Sun kashe ɗan majalisar Zamfara sun yi garkuwa da ɗansa

EditorLabarai

Daga WAKILINMU Wasu 'yan bindiga da ake zargin 'yan fashin daji ne sun kashe ɗan majalisar dokoki na jihar Zamfara mai wakiltar mazaɓar Shinkafi, Hon.Muhmmad Ahmad. An kashe Ahmad ne ran Talata da daddare a kan hanyarsa ta zuwa Kano bayan ya halarci gangamin karɓar Gwamna Matawalle na jihar Zamfara zuwa APC sakamakon sauya sheƙa da ya yi ya bar PDP. Daraktan Yaɗa Labarai da Hulɗa da Jama'a na majalisar, Malam Mustafa Jafaru-Kaura, ya shaida wa manema labarai cewa baya ga halaka ɗan majalisar da 'yan bindigar suka yi, sun kuma sace ɗansa da direbansa. Ya ce lamarin ya faru…

30 Jun

‘Yan bindiga sun farmaki tawagar motocin Ganduje, ‘yan sanda uku sun jikkata

EditorLabarai

Daga IBRAHIM HAMISU 'Yan bindiga sun kai wa tawagar motocin Gwamnan Kano, Abdullahi Umar Ganduje, hari ran Talata da daddare a kan hanyarsu ta komawa Kano daga Zamfara. Wata majiya mai tushe ta bayyana cewa harin ya yi sanadiyar jikkata wasu 'yan sanda uku daga tawagar. Bayanai sun nuna yayin harin, Gwamna Ganduje na cikin motar gwamnan Jigawa, Muhammad Badaru tare da shi. Majiyar Manjaha ta bayyana cewa an yi musayar wuta tsakanin jami'an tsaron da ke cikin tawagar da kuma 'yan bindigar inda wasu 'yan sanda uku suka ji rauni sakamakon harbin bindiga.

30 Jun

Fursunoni huɗu sun samu shaidar digiri bayan kammala karatu a NOUN

EditorLabarai

Daga BASHIR ISAH Wasu fursunoni huɗu daga gidan gyaran hali da ke yankin Kuje a birnin tarayya Abuja, kowannensu ya samu shaidar digiri bayan kammala karatu a Buɗaɗɗiyar Jami'ar Nijeriya (NOUN). Kwanturola mai kula da gidan gyaran hali na Abuja, Abdul-rahman Maiyaki ne ya bayyana hakan yayin bikin yaye ɗaliban wanda ya gudana a Talatar da ta gabata a Abuja. Tare da cewa cibiyoyin gyaran hali wurare ne da ake gayara ɗabi'un fursunoni don kyautata musu rayuwa. Maiyaki ya ƙara da cewa cibiyar wuri ne da ake gyara halayen fursunoni domin su koma su zama nagartattu a cikin al'umma. Daga…

30 Jun

Minista ta raba takardun kama aiki da komfutoci 172 ga masu sa ido kan ayyukan inganta rayuwa a Sokoto

EditorLabarai

Daga UMAR M. GOMBE Ministar Harkokin Jinƙai, Agaji da Inganta Rayuwa, Hajiya Sadiya Umar Farouq, ta miƙa takardun kama aiki da ƙananan komfutoci ga ma'aikata 172 waɗanda aka ɗauka domin su sanya ido kan ayyukan inganta rayuwa da ma'aikatar ta ke aiwatarwa a Jihar Sokoto. A wajen taron raba takardun da komfutocin, ministar ta ce, “Wannan ma'aikata ta ƙaddamar da horas da ma'aikata 5,000 masu zaman kan su da za su sa ido kan ayyukan shirin Haɓaka Rayuwar Al'umma (National Social Investment Programme, NSIP) a Abuja a ranar Alhamis, 4 ga Fabrairu, 2021. An gudanar da horaswar a duk faɗin…

29 Jun

Gwamnati ta rusa gidajen masu garkuwa da mutane a Binuwai

EditorLabarai

Daga WAKILINMU Bayanai daga Jihar Binuwai sun nuna gwamnatin jihar ta rusa wasu gidaje guda biyu waɗanda ake zargin mallakar wani mai harkar satar mutane ne mai suna Aondofa Cephas Chekele wanda aka fi sani da Azonto. A ranar Litinin da ta gabata gwamnatin jihar ta ɗauki matakin rusa gidajen domin ya zama gargaɗi ga waɗanda ke hana zaman lafiya zama da gidinta a jihar. Binciken Manhaja ya gano cewa Azonto shi ne mataimakin gawurtacen ɗan bindigar nan da aka kashe a jihar a Satumban 2020, wato Terwase Akwaza da aka fi sani da Gana. 'Yan sanda ne suka jagoranci…

29 Jun

Nnamdi Kanu ya sake faɗawa komar Gwamnatin Nijeriya

EditorLabarai

Daga AISHA ASAS Gwamnatin Nijeriya ta sake cafke jagoran masu rajin kafa Biafra (IPOB), Nnamdi Kanu. Bayanai sun nuna an samu nasarar cafke Kanu ne albarkacin wani aikin haɗin gwiwa da aka yi tsakanin Nijeriya da hukumomin tsaron ƙetare. Kafin wannan lokaci dai, Nijeriya ta shafe shekaru biyu tana neman Nnamdi Kanu ruwa a jallo inda ya tsare neman mafaka a ƙetare. Babbabn lauyan Nijeriya kuma Ministan Shari'a, Abubakar Malami, ya tabbatar da kama Nnamdi Kanu a ranar Talata yayin wani taron manema labarai na gaggawa da ya gudana a ofishinsa da ke Abuja. Kanu wanda ke fuskantar shari'a kan…

29 Jun

Majalisar Wakilai ta karɓi buƙatar Buhari kan neman ƙarin kasafi na bilyan N896

EditorLabarai

Daga AMINA YUSUF ALI A ranar Talata Majalisar Wakilai ta Tarayya ta karɓi bukatar Shugaban Ƙasa Muhammadu kan buƙatar neman ƙarin kasafin 2021 da ya gabatar. Buhari ya buƙaci ƙarin kasafi na Naira bilyan 895.8 ne domin yauƙaƙa kasafin 2021. An ce ƙarin kasafin da Buhari ya nema za a a yi amfani da shi ne wajen ƙara wa sojoji kayan aiki da bunƙasa shirin rigakafin korona da na yaƙi da cutar HIV. A makon da ya gabata Majalisar Datawa ta yi nazarin buƙatar ƙarin kasafin da Shugaba Buhari ya gabatar mata a mataki na biyu.

28 Jun

Sun harbe mai juna-biyu sun yi garkuwa da mijinta a Kwara

EditorLabarai

Daga AISHA ASAS Rahotanni daga jihar Kwara sun tabbatar cewa a ranar Asabar da ta gabata, wasu 'yan bindiga sun harbe wata mai juna-biyu har lahira kana suka yi garkuwa da magidanta. Lamarin wanda ya auku a yankin ƙaramar hukumar Offa na jihar, an ce 'yan bindigar sun harbe Hawa ɗauke da juna-biyu sanan suka yi awon gaba da maigidanta, Lukman Ibrahim. Bayanan da Manhaja ta kalato sun nuna mummunan al'amarin ya auku ne a daidai lokacin da Lukman da surikinsa da matar tasa da kuma wani ɗansa suke mota za su koma gida ran Asabar da daddare. Sahaidu sun…

28 Jun

NDLEA ta cafke masu fataucin miyagun ƙwayoyi 363 a Jigawa

EditorLabarai

Daga UMAR AKILU MAJERI a Dutse Hukumar Hana Sha da Safarar Miyagun Ƙwayoyi ta Ƙasa (NDLEA) reshen jahar jigawa, ta sami nasarar kama masu shaye-shaye mutun 363 a faɗin jahar. Kwamandar hukumar a jihar Jigawa, Hania Maryam Gambo Sani, ita ce ta tabbatar faruwar hakan, inda ta ce sun cafke masu laifin ne tsakanin Yulin shekarar da ta gabata zuwa 15 ga Yunin 2021. Maryam ta bayyana haka ne awani taron manema labarai da ta kira a ranar Asabar da ta gabata a matsayin wani ɓangare na abikin ranar hana shan miyagun ƙwayoyi ta duniya da aka gabatar a Dutse,…