Labarai - Manhaja - Blueprint Hausa version

29 Jan

Buhari ya jaddada bukatar hadin kan kasashen duniya wajen magance matsalolin duniya

EditorLabarai

Daga BASHIR ISAH Shugaban Kasa Muhammadu Buhari ya jaddada bukatar da ke akwai na kasashen duniya su hada kawunansu su yaki annobar korona da sauran manyan matsalolin da suka addabi duniya. Buhari ya yi wannan furuci ne a fadarsa da ke Abuja, sa'ilin da yake karbar wasikun shaida daga sabbin jakadun Masar da Saudiyya da kuma Argentina a Nijeriya. A cewarsa, "Matsaloli iri guda ne ke ci wa kasashenmu tuwo a kwarya, ciki har da matsalar ta'addanci da tabarbarewar tsaro da sauyin yanayi da karuwar yawan al'umma da safarar mutane da rashawa da talauci da kuma safarar makamai manya da…

29 Jan

Bankwana: Buratai ya zayyano nasarorin da ya samu a tsakanin watanni 66

EditorLabarai

Daga AISHA ASAS Tsohon Babban Hafsan Hafsoshin Nijeriya, Lt. Gen. Tukur Yusuf Buratai ya ce, watanni 66 da ya shafe a matsayin shugaban rundunar sojoji abin a yaba ne. Ya ce, a zamaninsa fannin sojin kasar nan ya samu nasarori da daman gaske tsakanin 2015 zuwa Janairun 2021. Buratai ya fadi haka ne a jawabinsa na bankwana da ya yi yayin da yake mika ragamar aiki ga magajinsa Maj. Gen Ibrahim Attahiru, a Alhamis da ta gabata a Abuja. Kafin nada Attahiru a matsayin sabon shugaban sojojin Nijeriya da Shugaba Buhari a Talatar da ta gabata, Buratai ya kasance Babban…

29 Jan

Kiris ya rage Obasanjo ya yi mini ritaya daga aiki – Buratai

EditorBabban Labari, Labarai

Daga UMAR M. GOMBE Tsohon shugaban rundunar sojan Nijeriya, Lt. Gen. Tukur Buratai, ya bayyana cewa, kiris ya rage tsohon Shugaban Kasa Olusegun Obasanjo ya yi masa ritaya daga aikin soja shekaru 21 da suka gabata. Ya ce, wannan ya faru ne a lokacin yana matsayin Manjo, tare da bayyana samun zarafin kaiwa matsayin 'Lieutenant General' da kuma Babban Hafsan Hafsoshi da ya yi a matsayin al'amari da ya shiga tarihi. Buratai, ya yi wadannan bayanan ne yayin da yake jawabin bankwana wajen mika ragamar aiki ga magajinsa Maj. Gen. Ibrahim Attahiru a babban ofishin sojoji da ke Abuja a…

28 Jan

Yadda mafarauci ya hallaka ahalinsa a Anambra

EditorLabarai

Daga WAKILINMU Rahotanni daga yankin Amanuke a karamar hukumar Awka ta Arewa a jihar Anambra, sun nuna wani mafarauci mai suna Uchechukwu Nweke, ya harbe matarsa Mrs Patricia da bindiga har lahira sannan ya banka wa gidansu wuta tare dansa Mr Obinna a ciki a bisa dalilan da ba a kai ga ganowa ba. Mai magana da yawun 'yan sandan jihar CSP Haruna Muhammed ya tabbatar da aukuwar lamarin. Inda ya ce wanda ake zargi, ya aikata ta'asar ne a safiyar Alhamis, 28 ga Janairun 2021 kana daga bisani shi ma ya harbe kansa. CSP Muhammed ya ce, "'Yan bijilantin…

28 Jan

Inganta fannin lafiya shi ya fi muhimmanci ga Nijeriya bisa ga sayo rigakafin korona – Gates

EditorBabban Labari, Labarai

Daga FATUHU MUSTAPHA Hamshakin dan kasuwar nan na Kasar Amurka, Bill Gates, ya shawarci Nijeriya da ta karkatar da hankalinta zuwa ga inganta fannin lafiyarta maimakon kashe makudan kudade wajen sayo allurar rigakafin cutar korona. Gates ya ba da shawar ne a lokacin da yake ganawa da manema labarai ta bidiyo a Talatar da ta gabata, inda ya yi kira ga Nijeriya da kada ta yi amfani da 'yan kudaden da ta ware don kula da fannin lafiyarta wajen sayen rigakafin COVID-19 mai tsadar gaske. Jaridar Manhaja ta kalato dan kasuwar na cewa, “Ina mai bada shawarar a bai wa…

27 Jan

Za a fara allurar rigakafin korona a Nijeriya cikin Maris

EditorBabban Labari, Labarai

Daga AISHA ASAS, Abuja Gwamnatin Tarayya ta ce, ana sa ran a soma allurar rigakafin cutar korona ya zuwa karshen Maris ko Afrilun 2021.Ministan Lafiya, Osagie Ehanire ne ya bayyana haka sa'ilin da Kwamitin Shugaban Kasa Kan Yaki da COVID-19 (PTF) ke gabatar da bayanin ayyukankasa, Litinin da ta gabata a Abuja. Ehanire ya ce, "Adadin maganin da Nijeriya ta yi odar sa ta AVATT na Hukumar Hada Kan Afirka, ya danganci daidai adadin da ake bukata ne don gundun barna." Ya ci gaba da cewa, Nijeriya na yin dukkan maiyiwuwa don tabbatar da an yi wa akalla kashi 70…

27 Jan

Gwamnatin Tarayya ta kama hanyar kula da ilimin yara marasa galihu

EditorLabarai

Daga UMAR M. GOMBE a Abuja Shugaban Kasa Muhammadu Buhari ya wakilta Ma'aikatar Jinkai da Agaji da Kyautata Rayuwa ta Kasa, kan ta kula da shirin gwamnati na kokarin kula da yaran da suka daina tafiya makaranta a fadin kasa. Da yake kaddamar da kwamitin mutum 18 da zai ja ragamar shirin a Talatar da ta gabata, Shugaba Buhari ya bayyana cewa ba daidai ba ne ganin yara suna gararamba a tituna da kasuwanni da sauran wurare, ba tare da suna zuwa makaranta ba. Kwamitin zai yi aikinsa ne karkashin jagorancin Ministar Jinkai da Agaji Hajiya Sadiya Umar Farouq tare…

27 Jan

Cutar korona: NOA ta bukaci ‘yan Nijeriya su ba da hadin kai game da allurar riga-kafin korona

EditorBabban Labari, Labarai

Daga FATUHU MUSTAPHA Hukumar Wayar da Kan 'Yan Kasa ta yi kira ga 'yan Nijeriya da su daina yarda da ra'ayoyi mara tushe da ake yadawa dangane da allurar riga-kafin cutar korona kan cewa maganin na tattare da wasu illoli. Babban Daraktan hukumar, Garba Abari ne ya yi wannan kira a lokacin bayanin kore zargin da wasu ke yi cewa ana so a yi amfani da allurar ne wajen takaita yawan al'umma, lamarin da Abari ya ce ba gaskiya ba ne. Yana mai cewa, "Babu wata allurar riga-kafin da za a bari a shigo da ita Nijeriya ko a yi…

27 Jan

Kotu ta dage shari’ar El-Zakzaky zuwa 8 ga Maris

EditorBabban Labari, Labarai

Kotu ta dage shri'ar El-Zakzaky zuwa 8 ga watan Maris Daga AISHA ASAS A Talatar da ta gabata babbar Kotun Jihar Kaduna da ke shari'ar jagoran Harkar Musulunci a Nijeriya Ibrahim El-Zakzaky da matarsa Zeenat, ta dage ci gaba da shari'ar ya zuwa ranar 8 da 9 ga watan Maris mai zuwa. Kotun ta dage shari'ar ne biyo bayan hukuncin da Alkali Gideon Kurada ya yanke dangane da neman kotu ta ba shi lokaci da lauyan El-Zakzaky Mr Femi Falana ya yi a bisa wakilcin Mr Eddie Inegedu, domin ba shi damar nazarin wani bidiyo da wasu shaidu biyu suka…

26 Jan

Matsalar Tsaro: Makarfi ya gargadi ‘yan Nijeriya

EditorLabarai, Mata A Yau

Daga Aisha Asas Tsohon gwamnan Jihar Kaduna Sanata Ahmed Mohammed Makarfi, ya ja hankulan 'yan Nijeriya a kan su daina barin son zuciyarsu yana tasiri wajen daukar matakai wanda hakan ka iya haifar da rikici. Makarfi ya nuna bukatar da ke akwai 'yan Nijeriya su fahimci cewa matsalar tsaron da ke addabar kasar nan aba ce da ke bukatar a yi mata taron dangi domin dakile ta. Yana mai cewa, "Wannan matsala ce da ta shafe mu baki daya." Makarfi ya yi wadannan bayanan ne a wata sanarwa da ya fitar inda ya nuna damuwarsa kan tabarbarewar sha'anin tsaron Nijeriya.…