Daga WAKILINMU
A tsakanin watannin Yuni da Yulin bara ya kamata a yi gasar, amma annobar Korona ta sa aka ɗage zuwa bana.
Hukumar Ƙwallon Ƙafa ta nahiyar Afirka CAF ta ce kashi 60 zuwa 80 na ’yan kallo za a bari su shiga filayen wasanni da za a kara gasar cin kofin nahiyar na AFCON.
Matakin a cewar hukumar na da nasaba da annobar COVID-19.
Cikin wata sanarwa da ta fitar, CAF ta ce bayan wata tattaunawa da ta yi da hukumomin cikin gida na Kamaru, sun cimma matsaya akan cewa kowanne filin wasa za a bar ‘yan kallo kashi 60 ne zuwa 80 su shiga kallo.
A ranar 9 ga watan nan na Janairu za a buɗe gasar ta cin kofin nahiyar Afirka, wacce Kamaru ke karɓar baƙunci.
Za kuma a kammala a ranar 6 ga watan Fabrairu kamar yadda jadawali gasar ya nuna.
A tsakanin watannin Yuni da Yulin bara ya kamata a yi gasar, amma annobar COVID ta sa aka xage zuwa bana.
Qasar Aljeriya ce ke riqe da kofin gasar.