Babaji

5684 Posts

Sojoji sun ceto ‘yar shekara 11 da aka kai Borno don aikin tsegumi

Daga BELLO A. BABAJI a Abuja Dakarun Sojoji a Jihar Borno, sun yi nasara ceto wata yarinya mai kimanin shekaru 11 da aka yi zargin 'yan ta'adda sun yi garkuwa da ita zuwa jihar da nufin samar da bayanai kan sojoji. Sojojin Shiyya ta 82 ta Task Force Battalion ne suka samo yarinyar mai suna Aisha Mustapha yayin wani sintiri a yankin Armuda General da ke Ƙaramar Hukumar Gwoza. Majiyoyin tsaro sun shaida wa Zagazola Makama cewa al'amarin ya faru ne da misalin ƙarfe 1:41 na daren ranar 4 ga Satumba, 2026. Sun yi zargin cewa, Aisha tana ɗaya daga…
Read More

‘Yan daba sun farmaki ‘yan jarida bayan gangamin APC a Kano

Daga BELLO A. BABAJI a Abuja A ranar Asabar wasu da ake zargin 'yan daba ne suka ƙaddamar da farmaki akan 'yan jarida guda biyar da 'yan sanda uku a Jihar Kano jim-kaɗan bayan ɗaukar rahoton gangamin jam'iyyar APC. Al'amarin ya auku ne a yankin Ƙofar Nassarawa ta bayan farfajiyar Jami'ar Maitama Sule, wadda aka fi sani da North West University yayin da 'yan jaridar suke kan hanyar koma wa ofisoshinsu daga filin wasa na Sani Abacha, inda aka gudanar da taron. An yi zargin cewa maharan sun kai wa mutanen farmakin ne da adduna da wuƙaƙe, inda suka yi…
Read More

Gangamin APC a Kano taron tsintsiya ne ba shara, inji kakakin PDP

Daga BELLO A. BABAJI a Abuja Jam'iyyar PDP a Jihar Kano, ta ce taron siyasar da jam'iyyar APC ta gudanar a ranar Asabar ba ya nufin cin mutunci, barazana ko karya gwiwa ga magoyanta da ke faɗin jihar. PDP ta bayyana cewa, tana sane da halin matsin tattalin arziƙi da al'umma suke fuskanta a jihar, yayin da bayan shekaru da dama na halin talauci da matsi a lokacin da aka kawo wani tallafi, za a ga 'yan ƙasa suna halarta domin su amfana da dukkan wani abin da za a bayar, don haka ta ce kada a ɗauki halartar taron…
Read More

Yadda kungiyar Triple R ta gudanar da taron Maulidi a Kano

Daga KHALID IMAM A ranar Talata, 2 ga Satumba, 2026, ƙungiyar Triple R Kannywood Renewed Hope, ƙarƙashin jagorancin Alhaji Dauda Adamu Abdullahi Kahutu Rarara, ta shirya gagarumin taron Maulidin Annabi (SAW) a harabar filin bajekoli na Aminu Ɗantata da ke Kano. Alhaji Aminu Alfandaj, Shugaban Kwamitin Shirya Taron (LOC), ne ya jagoranci taron. An fara taron da karatun Alƙur’ani Mai Girma, sannan PRO na Triple R Kannywood Renewed Hope, Tijjani Asase, ya gabatar da jawabin maraba. Taron ya ƙunshi nasihohi da tunasarwa masu ilmantarwa da jan hankali game da darajojin Annabi Muhammad Sallallahu alaihi Wasallama daga bakunan manyan malamai. An…
Read More

JAMB ta fitar da sakamakon UTME ga ɗaliban ƙasa da shekara 16

Daga BELLO A. BABAJI a Abuja Hukumar Shirya Jarrabawar Neman shiga Manyan Makarantu JAMB, fitar da sakamakon jarrabawar UTME ga ɗaliban da shekarunsu bai kai yadda aka iyakance wa masu son shiga manyan makarantu ba. Saidai hukumar ta ce kasancewar ta fitar da sakamakon, hakan ba ya nufin ɗaliban sun cancanci samun gurbi a makarantun ba ne, kamar yadda rahotanni suka bayyana. A wata sanarwa da Daraktan hulɗa da jama'ar hukumar, Fabian Benjamin a ranar Asabar, hukumar ta ce ta fitar da sakamakon ne domin bai wa ɗalibai da iyayensu damar sanin makin da suka samu a UTME. Ta kuma…
Read More

Kano: Gobara ta lalata shaguna da rumbuna a kasuwar Ƙofar Wambai

Daga BELLO A. BABAJI a Abuja Wata gobarar tsakar dare ta yi sanadiyyar lalata shaguna, rumbuna da gidaje guda shida a kasuwar Ƙofar Wambai da ke Jihar Kano, lamarin da ya jefa ƙananan 'yan kasuwa da mazauna cikin asara. Al'amarin ya faru ne a daren Asabar a yankin Babban Layi, sashen 'Yan Robobi na sananniyar kasuwar, inda aka samu jami'an kashe gobara sun yi ƙoƙarin daƙile cigaba da yaɗuwar gobarar zuwa wasu sassan kasuwar. A cewar jami'in hulɗa da jama'a na hukumar kashe gobara ta jihar, Saminu Abdullahi, sashen agajin gaggawa na hukumar ya samu kiran gaggawa da misalin ƙarfe…
Read More

Gwamnatin Filato ta rufe makarantu kan ɓarkewar cutar mashaƙo

Daga BELLO A. BABAJI a Abuja Gwamnatin Jihar Filato ta umarci a rufe dukkan makarantun firamare da sakandare na gwamnati da masu zaman kansu a faɗin jihar, a matsayin ɓangare na matakin gaggawa domin rage cigaba da yaɗuwar cutar mashaƙo. Rahotanni sun ce, umarnin na zuwa ne yayin da al'ummar jihar ke cigaba da fuskantar yaɗuwar rahoton cutar mashaƙo, inda a saboda haka ne hukumomin lafiya suka fitar da rahotannin cutar da waɗanda suka rasu a sanadiyyarta, musamman a Jos ta Arewa da wasu yankuna. A wata sanarwa da Kwamishinar Yaɗa Labaran jihar, Joyce Ramnap ta fitar, ta ce umarnin…
Read More

Raunin Osimhen ya haifar wa Super Eagles tsaiko yayin da Iheanacho da Usor ke ƙoƙarin koma wa tawagar

Daga BELLO A. BABAJI a Abuja Kocin Nijeriya, Eric Chelle ya shiga mawuyacin hali a ranar Juma'a bayan da Victor Osimhen ya samu wani rauni da ya tilasta masa fita daga fili yayin da ake tsaka da wasa, a daidai lokacin da Kelechi Iheanacho da Moses Usor suke cigaba da matsawa domin ganin Super Eagles ta kira su. An fitar da Osimhen ne daga filin wasa a minti na 33 yayin da Galatasaray ta doke Istanbul Basaksehir da ci 3 da 2 a karawarsu ta gasar Super Lig, jim-kaɗan bayan zura ƙwallonsa na shida a wannan kakar. Ana ganin hakan…
Read More

Majalisar Ɗinkin Duniya na neman a daidaita taswirar Afirka ta gaskiya

Daga BELLO A. BABAJI a Abuja A ranar Juma'a Majalisar Ɗinkin Duniya ta gudanar da zaɓe don nuna goyon baya ga wani yunƙuri na ƙasashen Afirka da dama da ke neman a daidaita taswirar nahiyar ta gaskiya da kuma rage arewacin Amurka da Turai. Hakan na da nufin gabatarwa ta daidai akan faɗin ƙasa, inda aka samu ƙasashe 164 sun nuna goyon baya yayin da Amurka da wasu shida suka ƙi bayar da goyon baya. Wannan matsaya ta nuna cewa sabuwar taswirar wadda aka sani da "The Equal Earth cartographic projection", zaɓi ne kan inganta haƙiƙanin gabatarwar taswirar duniya. Ta…
Read More

Ku daina raba babura a matsayin tallafi – Gargaɗin Ministan Tsaro ga gwamnoni

Daga BELLO A. BABAJI a Abuja Ministan Tsaro, Janar Christopher Musa (mai ritaya), ya yi kira ga gwamnoni da su daina bayar da kyautar babura a matsayin tallafi ga al'umma, yana mai gargaɗin hakan a wasu lokutan na shiga hannun 'yan bindiga waɗanda suke amfani da su wajen aikata miyagun ayyukansu. Janar Musa ya bayyana haka ne yayin wata hira da gidan talabijin na Channels a ranar Alhamis, inda ya kuma ce Nijeriya ta samu wasu nasarori a fannin tsaro a ƙarƙashin gwamnatin Shugaba Bola Tinubu, sakamakon samun sauƙin ƙaddamar da hare-hare a sassanta. Ya ce, babura musamman masu tsada,…
Read More