ukarofi - Manhaja - Blueprint Hausa version

03 Aug

Dole a bar mana kujerar mataimakin shugaban ƙasa – Tsagin ANPP

ukarofiSiyasa

Daga SANI AHMAD GIWA a Abuja Tsagin tsohuwar jam'iyyar All Nigeria Peoples Party wato ANPP da ke cikin babbar jam'iyyar APC da ke mulki a Nijeriya sun ce lallai ne a bar musu kujerar mataimakin shugaban ƙasa a zaɓen shekarar 2027, inda suka buƙaci shugaban ƙasar, Bola Tinubu ya yi watsi da buƙatar nemo wani daban. Tsagin ANPP ɗin sun ce su ne na biyu wajen ƙarfi a haɗakar da aka yi a shekarar 2013 da ta haifar da jam'iyyar APC, inda suka yi barazanar cewa yin watsi da su a tikitin takarar zaɓen 2027 zai iya tilasta musu su…

03 Aug

LP za ta ceto Nijeriya daga halin da APC ta jefa ta — Nenadi Usman

ukarofiLabarai

Daga SANI AHMAD GIWA a Abuja Shugabar riƙo ta Jam’iyyar Labour (LP) ta ƙasa, Sanata Nenadi Usman, ta ce jam’iyyarsu ta shirya tsaf domin gyara manyan kura-kurai da gazawar da gwamnatin jam’iyyar APC mai mulki ta jefa Nijeriya a ciki. Sanata Usman ta bayyana hakan ne a wata ganawa da manema labarai a ƙarshen mako a Jihar Kaduna dangane da abinda da ke faruwa a cikin jam’iyyar LP. Sanatar ta buƙaci ‘yan Nijeriya da su ci gaba da goya musu baya domin a cewarta, jam’iyyar LP ce za ta farfaɗo da fatan da al’umma ke da shi da kuma ɗaga…

03 Aug

2027: Peter Obi na shirin komawa PDP don tikitin takarar shugaban ƙasa – Modu Sheriff

ukarofiLabarai

Daga SANI AHMAD GIWA a Abuja Sanata Ali Modu Sheriff, tsohon gwamnan jihar Borno, ya yi iƙirarin cewaɗan takarar shugaban ƙasa na jam’iyyar Labour a zaɓen 2023, Peter Obi, na kan hanyarsa ta komawa jam’iyyar PDP. Tsohon shugaban jam’iyyar PDP na ƙasa ya yi wannan jawabi ne a ranar Litinin yayin wata hira da aka yi da shi a wani shiri na gidan Talabijin na Channels na Siyasa a Yau. Obi, tsohon gwamnan Anambra, ya fice daga PDP a ranar 25 ga Mayu, 2022, gabanin zaɓen 2023. Obi ya bar jam'iyyar PDP kwanaki kafin zaɓen fidda gwani na shugaban ƙasa,…

03 Aug

ADC ta zargi Gwamnatin Tarayya da yi wa gwamnoni barazana kan shiga jam’iyyar haɗaka

ukarofiLabarai

Daga SANI AHMAD GIWA a Abuja Jam’iyyar African Democratic Congress (ADC) ta yi iƙirarin cewa tursasawa da matsin lamba da gwamnatin tarayya ke wa gwamnoni masu ci na kada su shiga cikin haɗakar siyasar da ke tasowa da nufin kawar da Shugaban ƙasa Bola Ahmed Tinubu a 2027. Da yake jawabi a babban taro karo na uku na ƙungiyar tuntuɓa ta ‘yan siyasar Arewa a Abuja ranar Asabar, Sakataren Yaɗa Labarai na Jam’iyyar ADC, Malam Bolaji Abdullahi, ya ce tsoro da matsin lamba ne ke hana gwamnonin haɗa kai da ‘yan adawa. "Babu wani gwamna mai ci da zai yi…

03 Aug

Shugabannin jam’iyyu 23 a Kaduna sun sauya sheƙa zuwa PDP

ukarofiLabarai

Daga SANI AHMAD GIWA a Abuja Jam’iyyar PDP a jihar Kaduna ta samu gagarumar kamu, yayin da shugabannin jam’iyyu guda ashirin da uku (23) daga ƙananan hukumomin Maƙarfi da Kudan suka sauya sheƙa zuwa jam’iyyar tare da dubban magoya bayansu. Sabbin 'yan jam’iyyar sun fito daga jam’iyyun adawa APC, NNPP, LP da wasu ƙananan jam’iyyu. Taron sauya sheƙar ya gudana a wani gagarumin gangami da aka shirya a Maƙarfi, ƙarƙashin jagorancin Hon. Umar Shehu Ajilo, ɗan majalisar wakilai mai wakiltar Maƙarfi/Kudan a Majalisar Tarayya. A wajen taron, Hon Ajilo ya bayyana cewa sauya shekar ya nuna karara yadda jama’a ke…

03 Aug

Ƙungiyar masu kiwon kaji za ta rage farashin ƙwai

ukarofiLabarai

Daga MAHDI MUSA MUHAMMAD A wani mataki na sauƙaƙa tsadar kayan abinci, masu kiwon kaji a jihar Legas sun bayyana shirin rage farashin kwai ta hanyar sayar da shi kai tsaye ga masu saye a faɗin ƙananan hukumomi. ƙungiyar Masu Kiwon Kaji ta Nijeriya (PAN) reshen Legas ta bayyana cewa shirin na da nufin kawar da baba-keren ’yan kasuwar tsakiya da ke janyo hauhawa farashin kayayyaki, wanda hakan ya sa ƙwai ke yin tsada. A halin yanzu, masu saye da sayarwa su na biyan N6,500 a kowane kiret, duk da cewa farashin sari na tsakanin N5,000 zuwa 5,500. Domin ɗinke…

03 Aug

Mun yi asarar shanu 340 a hannun ɓarayi a watan Yuli — Miyetti Allah

ukarofiLabarai

Daga MAHDI MUSA MUHAMMAD Kungiyar Makiyaya ta Miyetti Allah ta Nijeriya reshen Jihar Benuwe, a ranar Alhamis, ta bayyana cewa aƙalla shanu 340 na mambobinta ne aka sace a cikin watan Yuli na 2025. Hakan na ƙunshe ne a cikin wata sanarwa da sakataren ƙungiyar na jiha, Ibrahim Galma ya fitar kuma aka rabawa manema labarai a Makurdi. A cewar sanarwar, lamarin ya faru ne a garin Agatu da wasu sassan Ƙaramar hukumar Guma da ke Jihar Benuwe. Galma ya kuma yi zargin cewa, ɓarayin shanu da ke afkawa jama’a a ƙaramar Hukumar Agatu sun faɗaɗa hare-harensu zuwa sassan Jihar…

03 Aug

Mene ne laifin ’yan jaridarmu na cikin gida?

ukarofiRa'ayi

Daga ABBA ABUBAKAR YAKUBU Muhawara ta ɓarke tsakanin ’yan Nijeriya, musamman mazauna arewacin ƙasar nan, dangane da kwarmaton da ɗan jaridar nan, kuma ɗan gwagwarmaya, Dr Bello Galadanci da aka fi sani da ɗan Bello ya yi, dangane da halin da wasu makarantun gwamnati a Jihar Kano ke ciki. A dalilin wannan bidiyon da ɗan Bello ya yi na fallasa halin taɓarɓarewar da ilimi ke ciki a Jihar, wanda ya watsu a kafofin sada zumunta, an ga Gwamnan Jihar Kano, Abba Kabir Yusuf da tawagarsa sun ziyarci wasu daga cikin makarantun da aka ambata, tare da ba da umarnin gyara…

03 Aug

Sarkin Gusau ya yaba wa al’ummar Ibo kan cigaban kasuwanci

ukarofiLabarai

Daga SANUSI MUHAMMAD a Gusau Sabon Sarkin Gusau a Jihar Zamfara, Mai Martaba Alhaji Abdulkadir Ibrahim Bello, ya yabawa al’ummar Igbo mazauna masarautar sa bisa jajircewar da suke yi na bunƙasa harkokin kasuwanci a Jihar Zamfara, musamman Gusau babban birnin jihar. Sarkin ya yi yabon ne a lokacin da ya karɓi baƙuncin mambobin ƙungiyar Eze Igbo na Gusau, ƙarƙashin jagorancin Cif Egbuna Obijiaku, da shugabannin kungiyar ‘yan ƙabilar Igbo (ICA), waɗanda suka kai masa ziyarar taya murna da naɗin da aka yi masa a matsayin Sarkin Gusau na 16 da kuma ta’aziyyar rasuwar mahaifinsa Marigayi Sarki Ibrahim Bello wanda ya…

03 Aug

Jami’an tsaron Katsina sun daƙile hare-haren ‘yan bindiga har kashi biyu a Faskari

ukarofiLabarai

Daga ABDULLAHI MUHAMMAD a Katsina Haɗin gwiwa na jami'an tsaro da suka haɗa da sojojin sama, 'yan Sanda, CWC da 'yan banga sun daƙile yunƙurin kai wasu hare hare a ƙauyen Faskari. Jami'in hulɗa da jama'a na rundunar yan sanda DSP Abubakar Sadiq Aliyu ya fitar da sanarwar haka,aka kuma rabawa manema labarai a Katsina. Ya bayyana cewa bayan samun bayanan sirri na yunƙurin kai hari a ƙauyen Unguwar Daudu,"jami'an tsaro ƙarƙashin jagorancin DPO na Faskari suka tunkari ƙauyukan,"inji DSP Sadiq. "Nan take jami'an tsaron suka sami nasarar fatattakar yan bindiga ba tare da an kashe kowa ba,"ya ce. A…