Labarai - Manhaja - Blueprint Hausa version

11 Jan

NAFDAC ta yi gargaɗi akan yaɗuwar maganin cutar kansa na jabu

ukarofiLabarai

Daga MAHDI MUSA MUHAMMAD Hukumar Kula da Ingancin Abinci da Magunguna ta Qasa (NAFDAC) ta fitar da sanarwar gaggawa ga ma’aikatan kiwon lafiya da sauran jama’a game da wani maganin da ake zargin na jabu ne na maganin daji mai suna "Phesgo 600mg/600mg/10ml", mai ɗauke da lamba C5290S20. Wannan gargaɗin ya biyo bayan rahoton wani likita a Asibitin Koyarwa na Jami’ar Legas (LUTH) wanda ya nuna damuwa game da maganin bayan wani majiyyaci ya kawo masa. Bayan bincike, an gano cewa wannan magani ya yi kama da wani na jabun da aka saka wa alama a baya, C3809C51. A cewar…

11 Jan

Wike ya sha alwashin gurfanar da ɓarayin murafun magudanan ruwan Abuja

ukarofiLabarai

Daga MAHDI MUSA MUHAMMAD Ministan Babban Birnin Tarayya (FCT), Nyesom Wike, ya sha alwashin gurfanar da mutane 50 da ake tsare da su bisa laifin sace murafun magudanan ruwan titunan Abuja. Kamfanin Dillancin Labaran Nijeriya ya bayar da rahoton cewa, a ranar Litinin ɗin da ta gabata, rundunar ‘yan sandan Nijeriya a babban birnin tarayya Abuja ta sanar da tsare wasu mutane 50 da ake zargi da aikata ɓarna, waɗanda aka kama da murafai 25 da fitilun tituna masu amfani da hasken rana. Da yake mayar da martani game da lamarin, Wike ya ce waɗanda ake zargin za su fuskanci…

11 Jan

Gwamnan Kano ya buƙaci Gwamnatin Tarayya ta rage kuɗin aikin hajji

ukarofiLabarai

Daga MAHDI MUSA MUHAMMAD Gwamnan Jihar Kano, Abba Yusuf ya buƙaci Gwamnatin Tarayya da ta rage kuɗin aikin hajjin 2025 don bai wa mahajjata damar gudanar da ibada. Gwamnan ya ce, kiran ya zama wajibi bisa la’akari da ƙalubalen tattalin arziki da ‘yan ƙasar ke fuskanta. Hakan na ƙunshe ne cikin wata sanarwa da mai taimaka masa kan harkokin yaɗa labarai, Sanusi Bature, ya fitar ranar Talata a Kano. Yusuf ya bayyana haka ne a wani taron da Hukumar Jin Daɗin Alhazai ta jihar ta shirya, domin mayar da kuɗaɗen da hukumomin ƙasar Saudiyya suka aika sakamakon wani tsaiko da…

11 Jan

Za mu fitar da Afrika daga ƙangin talauci, inji Tinubu

ukarofiLabarai

Daga MAHDI MUSA MUHAMMAD Shugaban ƙasa Bola Tinubu a ranar Talata ya ce, shugabannin Afirka sun ci gaba da jajircewa wajen fitar da al’ummarsu daga ƙangin talauci da gina tattalin arzikinsu a matakan da suka dace. Tinubu, wanda ya kasance babban baƙo na musamman, ya bayyana haka ne a wajen rantsar da shugaba John Mahama a birnin Accra na ƙasar Ghana. “Ba mu da wani abin da za mu tabbatar wa kowa sai kanmu. Mun samu hanya mai muhimmanci don samun nasarar mu. Za mu fitar da al'ummarmu daga ƙangin talauci, mu gina tattalin arziki mai ɗorewa. "A yau, na…

11 Jan

Karatu ta yanar gizo ne makomar neman ilimi – Shugaban NOUN

ukarofiLabarai

Daga MAHDI MUSA MUHAMMAD Shugaban Jami’ar Karatu Daga Gida ta Nijeriya (NOUN), Farfesa Olufemi Peters, ya bayyana cewa tsarin karatu daga gida (ODL) ya kasance makomar ilimi a duniya. Hakan dai ya zo ne kamar yadda jami’ar ta yi wa sabbin ɗalibai 23,344 rajista waɗanda suka yi rajistar karatun digiri daban-daban da na digirin digirgir. Peters ya bayyana haka ne a wajen bikin kammala karatun digiri karo na 27 a ranar Laraba, 8 ga watan Janairu, 2025, inda ya tarɓi ɗaliban da suka shiga jami’ar. Bikin wanda aka gudanar a kusan kuma a cibiyoyin karatu na NOUN a duk faɗin…

11 Jan

Kalmomin Nijeriya 20 sun shiga ƙamus na Oxford

ukarofiLabarai

Daga MAHDI MUSA MUHAMMAD Fitaccen ƙamus ɗin Turancin na duniya, wato Oxford, ya faɗaɗa kansa, inda ya shigar da ƙarin wasu kalmomi guda 20 da ake amfani da su a Nijeriya. Sabbin kalmomin da aka shigar sun haɗa da shahararrun kalmomi kamar "japa," "agero," "eba," "419," da "abi," da sauransu. Waɗannan kalmomi, waɗanda suka yi ƙaurin suna a cikin rayuwar yau da kullum na ’yan Nijeriya, sun nuna tasirin Turancin Pidgin, da kalaman al’adun Nijeriya da ke ƙara samun karɓuwa a duniya. Musamman ma, wasu kalmomin, kamar su “japa” da “jand,” suna bayyana matsayin sunaye ne a cikin ƙamus. An…

11 Jan

Yarabawa miliyan 60 sun shirya ficewa daga Nijeriya – Akintoye

ukarofiLabarai

Daga SANI AHMAD GIWA a Abuja Shugaban ƙungiyar ƙudirin samar da 'yancin kai ta Yarbawa, Farfesa Banji Akintoye, ya jaddada cewa ƙungiyar ba za ta janye daga neman kafa ƙasar Yarabawa ba. A cewar Akintoye, kimanin Yarabawa miliyan 60 ciki har da mazauna gida da 'yan ƙasashen waje, suna goyon bayan ƙudirinsa na kafa ƙasar Yarbawa a matsayin ƙasa mai cin gashin kanta. Da ya ke tattaunawa da jaridar The Punch a ranar Litinin, Akintoye ya ce, “Ba za mu koma baya ba. Dole ne mu fice daga Nijeriya, ko kuma ƙasarmu za ta shiga matsala. “Ba kwa jin muryar…

11 Jan

Ribaɗu da wasu fitattun ‘yan Nijeriya sun bayyana cikin jerin mutum 100 mafi shahara a Afirka

ukarofiLabarai

Daga SANI AHMAD GIWA a Abuja Mai ba shugaban ƙasa shawara ta musamman kan tsaro, (NSA), Malam Nuhu Ribado da Fasto Enoch Adeboye mai kula da cocin Redeemed Christian, sun shiga jerin mutane 100 mafiya shahara da fice a nahiyar Afirka ta shekarar 2025. Kamfanin Dillancin Labarai na ƙasa (NAN) ya rawaito cewa an saki jerin sunayen ne a ranar Lahadi inda wata ƙungiya mai suna Reputation Poll International (RPI), tare da haɗin guiwar takararta ta Global Reputation Forum, suka bayyana sunayen fitattun ‘yan Nijeriya. NAN ta kuma rawaito cewa, wannan ƙiyasi ya kuma ƙunshi sunayen maza da mata daga…

11 Jan

Mun samu nasarori da dama a yaƙi da ta’addanci a 2024 – NAF

ukarofiLabarai

Daga SANI AHMAD GIWA a Abuja Kwamandan rundunar sojin sama NAF dake jihar Kaduna AɓM Abubakar Abdullahi ya ce rundunar ta samu nasarori da dama a yaƙin da take yi da ta’addanci a jihar Kaduna da yankin Arewa maso Yamma. Abdullahi ya faɗi haka ne a taron da suka yi da Gwamna Uba Sani a ranar Asabar ɗin makon jiya a garin Kaduna. Ya shaida cewa duk da ƙalubalan da suka yi fama da su shekarar 2024 shekara ce da rundunar ta samu nasarori a aiyukkanta na samar da tsaro a jihar. Abdullahi ya ce a cikin shekarar da ya…

11 Jan

APC na takura wa ‘yan adawa – Atiku

ukarofiLabarai

Daga SANI AHMAD GIWA a Abuja Tsohon Mataimakin Shugaban ƙasa, Atiku Abubakar, ya zargi Jam'iyyar APC mai mulki da takura wa 'yan adawa a Nijeriya. Ya yi wannan martanin ne bayan kalaman da Kakakin Yaɗa Labarai na APC, Feliɗ Morka, ya yi kan ɗan takarar shugaban ƙasa na jam’iyyar Labour Party a zaɓen da ya gabata, Peter Obi. A ranar Litinin, Obi ya yi zargin cewa saƙon sabuwar shekararsa game da halin da ƙasar ke ciki ƙarƙashin gwamnatin Shugaba Bola Ahmed Tinubu ya jawo barazana ga rayuwarsa da iyalinsa. Ya bayyana wannan ne bayan da Morka, a wata hira da…