Labarai - Manhaja - Blueprint Hausa version

28 Jun

Sabon kocin Napoli ya amince da ficewar Osimhen daga ƙungiyar

BabajiLabarai

Daga BELLO ABUBAKAR BABAJI Kocin ƙungiyar ƙwallon ƙafa ta Napoli, Antonio Conte ya ce ya amince da buƙatar Victor Osimhen na son barin ƙungiyar a kakar wasan bana. Conte ya faɗi hakan ne kasancewar akwai yarjejeniya tsakanin ɗan wasan Nijeriyan da kuma Napoli. Ƙwararren ɗan jaridan wasannin, Fabrizio Romano ya ruwaito cewa, Conte ya ce yana sane da yarjejeniyar da ke tsakanin ɗan wasan da kulob ɗin saɓanin sauran ƴan wasa. Ganin haka ke da wuya, ake ta jita-jitar cewa Conte na son kawo ɗan wasan ƙasar Baljika, Rumelu Lukaku domin maye gurbin Osimhen.

28 Jun

Zafin rana ya sa an taƙaita huɗubar sallar juma’a a Saudiyya da Dubai

BabajiLabarai

Daga BELLO ABUBAKAR BABAJI Ƙasashen Saudiya da Haɗaɗɗiyar Daular Larabawa, sun sanar da rage adadin lokacin gudanar da huɗubobin sallar jumma'a a masallatai saboda tsananin zafin rana da su ke fama da shi. Al'ummar musulmi a ƙasashe da dama na duniya kan gabatar da sallar jumma'a ne da rana wacce masallata ke zama domin sauraron ta ciki da wajen masallaci da wuraren da babun rumfuna, don haka ƙasashen biyu suka yanke hukuncin hakan domin sauƙaƙa mu su kamar yadda addinin Musulunci ya karantar. Shugaban ma'aikatar kula da harkokin addini na ƙasar Saudiyya ya ce, sun rage adadin lokacin huɗubar zuwa…

28 Jun

Wike zai tashi kasuwar ‘Mechanic Village’ zuwa Wassa

BabajiLabarai

Daga KHADIJA ABUBAKAR Majalisar kula da ayyukan birnin tarayya, AMMC ƙarƙashin ofishin ministan Abuja, Nyesom Wike, ta ce za ta sauya wa makanikai da ƴan kasuwan kan hanya na 'Mechanic Village' dake yankin Apo wajen aiki zuwa Wassa. Sanarwar ta fito ne daga shugaban Majalisar, Felix Obuah a wata hira da manema labarai bayan ganawa da wikilan makanikan da na ƴan kasuwan da abin ya shafa, a ranar Talata. Obuah, ya ce Wike ya tabbatar da aikin wanda aka shirya shi musamman don ƴan kasusuwar kan hanya da makamantansu kuma ya ce za'a fara korar su nan da wata ɗaya…

28 Jun

El-Rufai ya karɓi baƙuncin Kwankwaso kwanaki bayan kai wa Buhari ziyara

BabajiLabarai

Daga FAROUK ABBAS Tsohon gwamnan Jihar Kaduna, Malam Nasiru El-Rufa'i ya karbi baƙuncin Sanata Rabi'u Musa Kwankwaso a gidansa da ke Abuja a ranar Alhamis, kwanaki kaɗan bayan kai wa tsohon shugaban ƙasa, Muhammadu Buhari ziyara a Daura, Jihar Katsina. A ƴan kwanakin nan ne El-Rufa'i na jam'iyyar APC, ya yi ta ganawa abokanan hamayyarsu na siyasa ciki har da ɗan takarar shugaban ƙasa na NNPP, Injiniya Rabi'u Musa Kwankwaso da kuma ziyartar shugaban jam'iyyar SDP na ƙasa a Abuja da ya yi. El-Rufa'i, wanda tsohon ministan Abuja ne, na ɗaya daga cikin waɗanda aka zaɓa za a basu muƙaman…

28 Jun

Dogo Giɗe na ba manoma kariya a Zamfara

ukarofiLabarai

Mazauna garin Magami dake ƙaramar hukumar Gusau sun yi murna sosai saboda dawowar Dogo Giɗe wannan yankin. Giɗe ya ba yan garin umarnin su koma gonakin su ba tare da tsoron wani zai kama su ba. Dogo Giɗe shine shahararen ɗan bindigar nan, wanda dashi a cikin wanda suka sace yara yan makaranta na garin Kuriga dake jihar Kaduna. Bayan artabun shi da sojoji, Giɗe ya dawo wani gari da ake kira Kizara, wanda yake gabashin Magami. A nan ne yace mutane su koma gonakin su zai basu kariya.

28 Jun

Filisɗine ta yi kira ga Najeriya ta amince da ita a matsayin ƙasa mai cin gashin kanta

ukarofiLabarai

Filisɗine ta aika wa gwamnatin najeriya wata takarda a ranar 27 ga watan Yuni, inda ta buƙaci Najeriya ta aminta da Filisɗine a matsayin ƙasa mai cin gashin kanta. Bayan nan, sun yi kira ga ƙasashe da su taimaka wajen ganin an gurfanar da Isra'ila gaban kotun duniya sabida laifuka yaƙi da suka tabka a harin da suke kaiwa Filisɗine din wanda ya shafe watanni ana fama dashi. A cewar takardar, kullum alƙaluman da ke fitowa daga Filisɗine abun tsoro ne. Kuma sun koka da yadda cewa duk wani dokar ƙasa da ƙasa baya aiki in dai ƙasashen yamma sun…

28 Jun

Yunwa ce ta tilasta mani kai wa ɓarayin daji harsashin bindiga – Aisha

ukarofiLabarai

Daga Umar Garba a Katsina Matar nan mai suna Ai'sha Abubakar da jami'an tsaro suka cafke ɗauke da tarin harsashin bindiga ta ce yunwa ce ta jefa ta harkar yi wa 'yan bindiga safarar harsasai. A ƙarshen makon da ya gabata Blueprint Manhaja ta rawaito cewar jami'an tsaron dake sintiri a kan hanyar Abuja sun kama wata mata da ta hau motar sufuri ta jihar Katsina wato KTSTA daga jihar Nassarawa zuwa jihar Katsina. An kama ta ne ɗauke da harsashin bindiga da ba a ƙididdiƙe yawansa ba cikin buhu a ƙoƙarinta na kai wa 'yan bindigar dake ta'addanci a…

27 Jun

Ƙananun ma’aikatan gidan yari sun koka kan dokar sabon kaya a jarrabawar ƙarin girma

BabajiLabarai

Daga BELLO ABUBAKAR BABAJI Ƙananan jami'an hukumar gidajen yari ta NCS, sun koka kan yadda ta gagara raba musu sabon kayan sa wa na hukumar a kyauta bayan bai wa manyan jami'anta. Jami'an sun ce abun da ya ƙara dagula lamarin shi ne yadda hukumar ta sanya mallakar sabon kayan a matsayin ɗaya daga cikin rukunan jararbawar ƙarin girma da ta yi, wanda za'a gudanar daga ranar 1 zuwa 6 ga watan Yuli, 2024. Wani jami'i da bai yadda a faɗi sunansa ba, ya ce a ayyukan da ake sanya inifom, a kan bai wa manyan jami'ai kyauta, amma ƙananan…

27 Jun

Tinubu ya amince da bayar da tallafin 50,000 ga magidanta 100,000 na tsawon watanni uku

BabajiLabarai

Daga KHADIJA ABUBAKAR Shugaban ƙasa, Bola Ahmed Tinubu ya tabbatar da shirin gina ƙasa da tallafawa magidanta a yayin wani zama da Majilisar kula da harkokin tattalin arziƙin ƙasa, NEC a Abuja. Wani jawabi da ya fito daga ofishin mai magana da yawunsa, Ajuri Ngelale ya ce manufar shirin su ne dan a inganta harkokin noma da tattalin arziƙi gami da bada tallafi domin rage raɗaɗin talauci ga ƴan Najeriya. Shirin wanda ya samu goyon bayan Majalisar ta NEC, ya ƙunshi rarraba kuɗaɗe da yin ayyukan more rayuwa a dukkan shiyyoyin ƙasarnan guda shida, inda za a bada tallafin Naira…

27 Jun

Mutum biyu sun kamu da kwalara a Katsina, 118 kuma na karɓar kulawa

BabajiLabarai

Daga Naziru Adam Ibrahim Hukumar kula da kiwon lafiya a matakin farko ta Jihar Katsina, ta ce an tabbatar da cutar kwalara ta kama mutum biyu a ƙaramar hukumar Kusada, da ke jihar tare da wasu 118 da a ke binciken lafiyarsu. A cewar hukumar, tuni an ɗauki matakan fara amfani da tsarin kula da al’amuran da ke faruwa domin hana yaɗuwar cutar da sauran cutukan da za a iya rigakafinsu a jihar. Daraktan kula da cutuka na hukumar, Dakta Kabir Sulaiman, a wani taron manema labarai a cibiyar bayar da agajin gaggawa ta hukumar, ya bayyana cewa gwamnatin…