Labarai - Manhaja - Blueprint Hausa version

13 Jun

Cire tallafin fetur: Gwamnatocin jihohi za su iya biyan mafi ƙarancin albashi, inji Falana

ukarofiLabarai

Daga MAHDI M. MUHAMMAD A yawan shiga yajin aikin ƙungiyoyin qwadago, Femi Falana (SAN) ya ce babu wata jiha da za ta ce ba za ta iya biyan mafi ƙarancin albashi ba biyo bayan cire tallafin da Gwamnatin Tarayya ta yi.Ya bayyana hakan ne a wata hira da gidan Talabijin na Channels TV Brief, inda ya ƙara da cewa gwamnati ba za ta iya hana 'yan ƙwadago shiga yajin aiki ba."Babu wata jiha a Nijeriya a yau da ba za ta iya biyan fiye da mafi qarancin albashi ba saboda gwamnati ta cire tallafin man fetur a shekarar da ta…

13 Jun

CBN ya soke lasisin bankin Heritage

ukarofiLabarai

Daga MAHDI M. MUHAMMAD Babban Bankin Nijeriya, CBN, ya ce ya ƙwace lasisin gudanar da aiki na bankin Heritage da ke ƙasar.A cikin wata sanarwa da bankin ya fitar, ya ce ya ɗauki matakin ne "domin tabbatar da ingantaccen tsarin kuɗi a ƙasar, kuma ya yi hakan ne a ƙarqashin sashe na 12 na dokar bankuna da sauran harkokin kuɗi (BOFIA) ta 2020". Babban Bankin ya ce, soke lasisin ya zama wajibi bayan da bankin na Heritage ya cigaba da saɓawa sashe na 12 (1) na BOFIA 2020 da gazawarsa wajen inganta ayyukansa na kuɗi inda yake haifar da babbar…

12 Jun

Shugaba Tinubu Mutum ne kamar kowa: Gwamnatin Tarayya

BabajiLabarai

Daga BELLO ABUBAKAR BABAJI Mai taimakawa shugaban ƙasa kan harkokin yaɗa labarai na musamman, Bayo Onanuga ya kare shugaba Tinubu biyo bayan tuntuɓe da ya yi a filin taron 'Eagle Square' dake Abuja a ranar Laraba. A yau ne demokradiyyar Najeriya ke cika shekaru 25 inda shugaba Tinubu ya haɗu da jarabawar faɗuwa gabannin fara jawabinsa a filin taron Bayo, ya ce faruwar hakan kan auku da kowa kuma a kowane lokaci inda ya bada misali da Biden da Obama na Amurka waɗanda irin haka ya sha faruwa da su, dan haka lamarin bai da tasiri wajen gudanar da ayyukan…

12 Jun

Kotunan shari’ar Masarautar Kano za su zauna rana guda

ukarofiLabarai

Daga NASIR S. GWANGWAZO Daga dukkan alamu kotunan da ke sauraron taƙaddama kan gadon kagarar Masarautar Kano za su zauna a rana guda ne bayan da a jiya Babbar Kotun Tarayya da ke Kano ƙarƙashin jagorancin Mai Shari’a Abdullahi Muhammad Liman ta sanya ranar 13 ga Yuni, 2024, a matsayin ranar da za ta yanke hukunci game da taƙaddama kan huruminta na sauraron shari’a kan masarautar. Wannan rana da Babbar Kotun Tarayya ta sanya ya zo daidai da ranar Babbar Kotun Jihar Kano a ƙarƙashin jagorancin Mai Shari’a Amina Adamu Aliyu ne a ranar 28 ga Mayu, 2024.Idan za a…

12 Jun

Babban Sakataren Ma’aikatar ƙasashen wajen ya musanta zargin cin zarafi

ukarofiLabarai

Babban Sakataren Ma'aikatar Ƙasashen waje ya musanta zargin cin zarafi da minista yayi masa a wata takarda da ministan ya aikewa shugabar ma'aikatan Najeriya ta hanyar lauyoyinsa. Wasu waɗanda suka nemi a ɓoye sunayensu sun shaida cewa wannan tuhumar kawai faɗa ne tsakanin Ministan da Babban sakataren. Kuma sun shaidawa jaridar PR Nigeria cewa zargin cin zarafin ba zai yiyu ya zama gaskiya ba. Wani cikin wanda ya nemi a sakaya sunan shi ya ce mataimakiyar Ministan ta nemi wasu alfarma ne wanda shi Babban sakataren ya hana wanda yake tunani shine sanadin yi masa wannan bita da ƙullin. Kamar…

12 Jun

Shugaba Tinubu yayi tuntuɓe a ‘Eagle Square’

BabajiLabarai

Daga BELLO ABUBAKAR BABAJI Yayin da ake bikin cikar demokradiyya shekaru 25 a Najeriya, shugaba Bola Ahmed Tinubu yayi faɗuwar ba zata a lokacin da yake ƙoƙarin hawa matakalar motar zagaye a filin taro na 'Eagle Square' dake Abuja. Rahotanni sun bayyana cewa, babu wani rauni ko ɗimuwa da Tinubu ya samu a lokacin aukuwar lamarin inda nan-da-nan aka ga ya cigaba da jawabi kan al'amurran da suka shafi taron da sauran abubuwa. A wani rubutu da mai taimaka masa kan harkokin yaɗa labarai a kafafan sada zumunta, Dada Olusegun yayi, an samu ƙarin haske kan batun inda ya ce…

12 Jun

Majalisar Tarayya zata karɓi ƙudurin dokar sabon mafi ƙarancin albashi nan ba da jimawa ba- Tinubu

ukarofiLabarai

Shugaba Tinubu ya ba da tabbacin cewa nan bada jimawa ba zai tura ƙudurin mafi ƙarancin Albashi zuwa Majalisar Tarayya. Ya faɗi haka ne a yayin jawabin sa na ranar dimukraɗiya a ranar 12 ga watan Yuni. " a cikin mutuntawa tare da ƙungiyoyin Ƙwadago, mun tattauna a kan sabon tsarin albashi mafi ƙaranci. Nan ba da jimawa ba zamu aika da ƙudurin zuwa majalisa domin ya zama doka na shekara biyar ko ƙarancin haka" Ya ƙara da cewa babu ko ɗaya cikin jagororin Ƙungiyar Ƙwadago da aka tsangwama ko aka kama a dalilin yajin aikin da suka yi ranar…

12 Jun

Ƴan bindiga sun harbe yan sanda biyu da farar hula ɗaya a Jihar Imo

ukarofiLabarai

Wasu yan bindiga sun harbe yan sanda biyu da farar hula daya a Akabu, ƙaramar hukumar Ikedurun Jihar Imo a safiyar Talata. Wasu shaidun gani da ido sun shaida cewa harin ya faru ne a wani shinge dake kan titin Owerri-Okigwe-Enugu.Yan bindigar waɗanda ke tuƙa mota ƙirar siena sun shammaci yan sanda ne daga baya kuma suka tsere bayan sun gama. Mai magana da yawun yan sandan Jihar Imo, ASP Henry Okoye ya tabbatar da faruwar wannan al'amari.

12 Jun

Ado Bayero ya gayyaci Hakimai bikin durbar

BabajiLabarai

Daga BELLO ABUBAKAR BABAJI Sarkin Kano na 15, Aminu Ado Bayero wanda gwamnatin Jihar ta sauke daga karagar mulki, ya gayyaci tawagar hakiman Jihar zuwa bikin wasan doki na durbar da ake gabatarwa a lokutan Sallah da ma wasu bukukuwan. Galadiman Kano, Alhaji Abbas Sanusi ya fitar da sanarwar a wata takarda dake ɗauke da sa hannunsa a ranar Talata inda take umurtan dukkan masarautun Jihar da su halarci taron da Hakimai da masukunta da kuma mawakansu a lokacin bikin sallah babba. Bayanin takardar, ya ƙara da cewa tana kira ga dukkan Hakiman masarautu da su hallara a fadar Aminu…

12 Jun

DSS ta gargaɗi masu zanga-zangar ‘June 12’

BabajiLabarai

Daga BELLO ABUBAKAR BABAJI An gargaɗi mutane da su ƙauracewa dukkan nau'o'in zanga-zanga da ka iya haifar da tashin-tashina a tsakanin al'umma yayin gudanar da shagulan bikin murnar ranar demokradiyya wanda ake yi a ranar 12 ga watan Yunin kowace shekara. Sanarwar ta fito daga bakin mai magana da yawun hukumar 'ƴan sandan farin kaya ta DSS, Dakta Peter Afunanya inda ya ce hukumar ba zata amince da dukkan nau'in tada-zaune-tsaye gami da karya doka da odar ƙasa ba. Peter ya ce, sun samu rahotanni dake batun cewa akwai mutane daban-daban da suka shirya gudanar da zanga-zanga a wurare da…