Labarai - Manhaja - Blueprint Hausa version

06 May

WAEC ta bayyana ranar da za a yi jarrabawar 2023

EditorLabarai

Daga MAHDI M. MUHAMMAD Hukumar Shirya Jarrabawa ta Afirka ta Yamma (WAEC) ta sanar da cewa za a gudanar da jarrabawar kammala Sakandare ta Yammacin Afirka ta 2023 (WASSCE) na tsawon makonni bakwai, tsakanin 8 ga Mayu zuwa 23 ga Yuni, 2023. Shugaban hukumar na ƙasa, Patrick Areghan ne ya bayyana hakan a lokacin da ya ke ganawa da manema labarai gabanin jarrabawar a Legas a ranar Alhamis, 4 ga Mayu, 2023. Areghan ya ce, jarabawar za ta ƙunshi mutane 1,621,853 daga makarantun gwamnati da masu zaman kansu 20,851.

06 May

Ba zan maida wani yanki na Nijeriya saniyar-ware ba – Tinubu

EditorLabarai

Daga SANI AHMAD GIWA a Abuja Zaɓaɓɓen Shugaban Ƙasa, Bola Ahmed Tinubu, ya yi alƙawarin yi wa ƙasa ayyukan ci gaba daidai-wa-daida ba tare da nuna wariya ga wani vangare na ƙasar ba. Tinubu, wanda za a rantsar da shi a matsayin shugaban ƙasa a ranar 29 ga Mayu, ya bayyana hakan ne a jiya Laraba a Fatakwal, babban birnin jihar Ribas. A sanarwar da Abdulaziz Abdulaziz, mataimaki ga zaɓaɓɓen shugaban ƙasa kan harkokin yaɗa labarai ya aikowa Daily Nigerian Hausa a yau Alhamis, Tinubu ya fadi hakan ne yayin ziyarar aiki ta kwanaki biyu a jihar, domin ƙaddamar da…

06 May

‘Yan sanda sun cafke ‘yan ƙungiyar asiri 55 a Ribas

EditorLabarai

Daga SANI AHMAD GIWA a Abuja Rundunar ‘Yan Sandan Jihar Ribas, sun kama mutanen da ake zargin ‘yan ƙungiyar asiri ne 55 da ke aikata ta’asa a yankin Diobu da ke a garin Fatakwal babban birnin jihar. An cafke su ne a wata mavoyarsu da ke yankin Diobu a ranar Talata. Wata majiya da ta buƙaci a sakaya sunanta, ta bayyana cewa, tawagar ‘yan sanda da ke yaƙi da ‘yan ƙungiyar asiri da ke caji ofis ɗin ‘yan sanda na Mile 1 ne suka kama su. Manhaja ta lura da cewa, kai samamen da kuma kamun an yi ne bayan…

06 May

Kamfani Max Air zai yi jigilar Mahajjatan Kano – NAHCON

EditorLabarai

Daga SANI AHMAD GIWA a Abuja Hukumar Alhazai ta Nijeriya, NAHCON, ta naɗa kamfanin Max Air a matsayin kamfanin jigilar maniyyatan Jihar Kano 5,917 zuwa ƙasar Saudiyya a lokacin aikin Hajjin bana. Babban Sakataren Hukumar Jin Daɗin Alhazai ta Jihar Kano, Muhammad Abba Ɗambatta ne ya bayyana hakan a wani taron manema labarai da ya kira a Kano. Ya ƙara da cewa, kamfanin yana da inganci kuma yana da jiragen sama uku masu ƙarfin iya jigilar mahajjata sama da 1000 kowanne. Jaridar ta tuna cewa hukumar jin daɗin alhazai ta jihar Kano da gwamnatin jihar sun yi maraba da matakin…

05 May

Da Ɗumi-ɗumi: Kotun Birtaniya ta ɗaure Ekweremadu shekara 10 a kurkuku

EditorLabarai

*Matarsa, Beatrice za ta shafe shekara shida a gidan yari Kotun Birtaniya ta ɗaure tsohon Shugaban Majalisar Dattawa, Sanata Ike Ekweremadu, shekara 10 a gidan yari kan yunƙurin cire sannan mutum. Kazalika, kotun ta yanke wa matarsa, Beatrice, ɗaurin shekara shida a kurkuku. Kotun ta kama Ike Ekweremadu da matarsa Beatrice da Dr Obinna Obeta, da laifin safarar sassan mutum ƙarƙashin Dokar Safarar Bayi na Zamani. Kotun ta same su da laifin haɗin baki wajen ɗaukar wani matashi ɗan shekara 21 daga Legas zuwa wani asibitin London don cire masa ƙodar da za a dasa wa 'yar Ekweremadun, Sonia. Da…

05 May

Buhari ya karvi baƙuncin fitaccen ɗan kasuwa, Ummaru Shagalinku a Abuja

EditorLabarai

Daga NASIR S. GWANGWAZO a Abuja Shahararren fitaccen ɗan kasuwaa Nijeriya, Alhaji (Dakta) Ummaru Shagalinku, mamallakin gidan abinin nan mai suna Shagalinku a fadin Arewa, ya kai ziyarar ban-girma da gaisuwar sallah ga Shugaban Ƙasa kuma Kwamandan Askarawan Nijeriya, Muhammad Buhari, a fadarsa dake babban birni tarayya Abuja radar 23 ga Afrilu, 2023. Bayan gaisuwar sallah, Shugaba Buhari ya tattauna da ɗan kasuwar muhimman batutuwa, musamman akan fannin kasuwanci, inda bayan kammala ganawar nasu ne Alhaji Ummaru Shagalinku ya bayyana wa manema labarai farin cikinsa ciki har da Wakilin Blueprint Manhaja a ciki. Alhaji Ummaru ya kuma taya al’umma Musulmai…

05 May

Buhari ya mayar da Nijeriya shekara 100 baya – Buba Galadima

EditorLabarai

Daga SANI AHMAD GIWA a Abuja Ƙusa a Jam’iyyar NNPP, Buba Galadima, ya soki ƙwazon Shugaban Ƙasa Muhammadu Buhari da ya yi a shekaru takwas na mulkinsa. Galadima, wanda tsohon abokin siyasar Buhari ne, ya kuma yi iƙirarin cewa shugaban na Nijeriya ya mayar da ƙasar shekaru 100 baya. Da ya ke magana yayin wata tattaunawa da ya yi da tashar talabijin ta Arise a ranar Laraba, Galadima ya kuma nuna rashin amincewa da furucin da mai magana da yawun shugaban ƙasa, Femi Adesina ya yi, wanda ya yi iƙirarin cewa shugaban zai bar Nijeriya mafi kyau kan yadda ya…

05 May

Sabbin masarautun Kano sun kafu daram ba za su rushe ba, Ganduje ga Kwankwaso

EditorLabarai

Daga SANI AHMAD GIWA a Abuja Gwamnan Jihar Kano, Abdullahi Umar Ganduje, ya ce sabbin masarautu huɗu da gwamnatinsa ta ƙirƙiro sun zo kenan ba rushewa. A makon da ya gabata ne Shugaban Jam’iyyar New Nigerian Peoples Party, NNPP na Ƙasa, Rabi’u Kwankwaso, ya yi nuni da cewa gwamnati mai jiran gado za ta yi nazari a kan tsige tsohon Sarki Muhammadu Sanusi II, da kuma rarraba masarautar. Amma yayin da ya ke jawabi a wajen bikin ranar ma’aikata ta 2023 da aka gudanar a filin wasa na Sani Abacha, Kano a ranar Litinin, Ganduje ya ce Allah ba zai…

05 May

Ranar ma’aikata: Ma’aikatan Nijeriya sun shiga tasku lokacin mulkin Buhari – NLC

EditorLabarai

Daga SANI AHMAD GIWA a Abuja Ƙungiyar Ƙwadago ta Nijeriya ta ce ma'aikatan ƙasar na cikin wani hali, kuma babu wani sauyin a zo a gani da aka samu tun bayan kama mulkin Shugaba Muhammadu Buhari. A wata tattaunawa da BBC, albarkacin ranar ƙwadago ta duniya, sakataren ƙungiyar ƙwadago ta Nijeriya, Kwamared Nasir Kabir ya ce ci gaba kaɗan ne kawai za a iya cewa ma'aikata sun samu a ƙarƙashin gwamnati mai ci. Ya ce "abin farin ciki ne sake zagayowar ranar ma'aikata ta duniya, amma maganar gaskiya al'amuran da ma'aikata (a Nijeriya) suke ciki da abubuwan da suke fama…

05 May

Gwamnatin Tarayya ta musanta nuna ƙabilanci wajen kwaso ’yan Nijeriya daga Sudan

EditorLabarai

Daga SANI AHMAD GIWA a Abuja Gwamnatin Tarayya ta yi watsi da zarginta da nuna ɓangaranci ko kuma ƙabilanci wurin kwaso ‘yan Nijeriyar da ke Sudan. A wani bidiyo da ya karaɗe shafukan sada zumunta, an ga wani mutum yana magana da harshen Igbo inda ya bayyana cewa an ƙi kwaso wasu daga cikinsu saboda ƙabilanci. Sai dai a wata sanarwa da Ma’aikatar Harkokin Wajen Nijeriya ta fitar, ta bayyana cewa babu ƙamshin gaskiya a iƙirarin da mutum ya yi. “Ma’aikatar ta yi bincike kan zarge-zargen da ya yi kuma tana tabbatar wa ‘yan Nijeriya cewa babu gaskiya a zarge-zargen…