Labarai - Manhaja - Blueprint Hausa version

01 Apr

Zaɓaɓɓen Gwamnan Jigawa ya karɓi shaidar lashe zaɓe, ya nemi haɗin kan al’ummar jihar

EditorLabarai

Daga ABUBAKAR M. TAHEER Zaɓaɓɓen Gwamnan Jihar Jigawa, Alhaji Umar Namadi Ɗan Modi, ya nemi haɗin kan al'ummar jihar Jigawa a lokacin da yake karɓan shedar lashe zaɓe daga hukumar INEC. Gwamnan Umar Namadi wanda ya bayyana haka a Hedkwatar hukumar INEC ta ƙasa da ke Dutse, ya ce a shirye yake domin sauke dukkanin alƙawuran da ya ɗauka lokacin gudanar da kamfe ɗinsa amma dole sai al'ummar jihar sun ba shi haɗin kai da goyon baya. Da yake jawabi Baturen Zaɓe na Jihar Jigawa, Farfesa Muhammad Lawan Bashir ya hori sabin shugabannin da su zama sun sauke nauyin al'umma…

01 Apr

Gwamnatinmu na da sauran lokaci a Kano, Ganduje ga Abba

EditorLabarai

Daga RABI'U SANUSI a Kano Gwamnat Jihar Kano ƙarƙashin jagorancin Uamar Abdullahi Ganduje, ta yi kira ga Gwamnan jihar mai jiran gado, Engr. Abba Kabir Yusuf, da ya yi haƙuri tare da daina fitar da sanarwa a hukumance ta hanyar ba da shawara ga jama’a domin kada a haifar da ruɗani da bai kamata ba a jihar. Hakan na ƙunshe ne a cikin wata sanarwa da Kwamishinan Yaɗa Labarai da Harkokin Cikin Gida, Malam Muhammad Garba, ya fitar a ranar Juma’a a matsayin martani ga umurnin da ofishin zababben gwamnan ya fitar, inda ya gargaɗi mutane, ƙungiyoyi da ƙungiyoyin da…

01 Apr

Matsalolin Nijeriya na hana ni barci – Sarkin Katsina

EditorLabarai

Daga UMAR GARBA a Katsina Mai Martaba Sarkin Katsina, Alhaji Abdulmumin Kabir Usman, ya bayyana cewar matsalolin da Nijeriya ke fuskanta na daga cikin abubuwan da ke hana shi bacci ido biyu rufe. Ya bayyana haka ne a fadarsa da ke Birnin Katsina, lokacin da yake ƙaddamar da gidauniyarsa mai laƙabin 'Gidauniyar Mai Martaba Sarkin Katsina'. "Matsalolin Nijeriya na daga cikin abubuwan da suka dame ni, har ta kai ina rasa bacci, nakan yi kwana uku zuwa bakwai ba na bacci," inji shi. Basarken ya kuma ce matsaloli gami da ƙalubalen ƙasar nan, su ne suka haddasa masa larura ta…

31 Mar

Chana ta yi fatali da buƙatar gwamnatin Buhari ta neman rancen Naira Tiriliyan 10.1

EditorLabarai

Daga AMINA YUSUF ALI Bankin Exim na ƙasar Chana ya kore buƙatar Nijeriya na neman rancen Naira tiriliyan 10.12 (Wato Dalar Amurka $22,798,446,773). Wannan rance dai majalisar dokoki ta amince wa Buhari ya yi shi, a kwanakin baya. Wannan rance dai an yi nufin a yi amfani da kuɗin wajen gudanar da aikin zamanantar da layin dogo/ gadar jirgin ƙasa ta Kano zuwa Kaduna. Amma sakamakon kasawar Nijeriya wajen biyan basussukan, da kuma tasirin annobar COVID-19 a kan aikin, Bankin Exim na ƙasar Chana ya janye tallafinsa. Haka, majalisar wakilai a zamanta na ranar Talata 28 ga Maris, 2023, ta…

31 Mar

PDP ta janye dakatarwar da ta yi wa wasu ƙusoshinta

EditorLabarai, Siyasa

Daga MAHDI M. MUHAMMAD Kwamitin Gudanarwa na Jam'iyyar PDP na Ƙasa (NWC) a ranar jiya Alhamis, ta janye dakatarwar da ta yi wa wasu jiga-jiganta. Mambobin da aka soke dakatarwarsu sun haza da tsohon gwamnan jihar Ekiti, Ayodele Fayose; Tsohon sakataren gwamnatin tarayya, Anyim Pius Anyim; Farfesa Dennis Ityavyar, Dakta Aslam Aliyu da Ibrahim Shema. Hakan na cikin wata sanarwar ne mai ɗauke da sa hannun sakataren watsa labarai na jam'iyyar na ƙasa, Debo Ologunaba. Ya ce, an ɗauki matakin hakan ne yayin taron na NWC a ranar Alhamis, inda mamabobin jam'iyyar suka yi tattaunawa mai zurfi kan abubuwan da…

31 Mar

Ma’aikatar Jinƙai ta sake horar da ma’aikata ƙwarewar aiki

EditorLabarai

Daga MAHDI M. MUHAMMAD Ma’aikatar Kula da Harkokin Jinƙai, Magance Bala’o’i da Cigaban Al’umma ta Nijeriya, a ranar Alhamis, ta gudanar da wani taron ƙarawa juna da kuma horar da mambobinta na ɓangaren shirye-shirye, da suka haɗa da jin daɗin jama’a da cigaba al’umma a cikin ma’aikatar, don ba su damar samun sabbin ƙwarewa da ilimin da zai iya inganta aikinsu da rayuwarsu. Da ya ke jawabi a wajen taron a Abuja, Babban Sakataren Ma’aikatar, Dakta Nasir Sani-Gwarzo, wanda ya samu wakilcin mataimaki na musamman kan harkokin aiki, Malam Mohammed Dauda, ya ce ƙwarewa da ilimin da ma’aikatan ma’aikatar suka…

31 Mar

INEC ta ware Naira biliyan uku don yaƙi a kotunan zaɓe

EditorLabarai

Daga AMINA YUSUF ALI Hukumar zaɓe mai zaman kanta (INEC) ta ware Naira Biliyan Uku, don kare sakamakon zaɓen Shugaban Ƙasa da na 'yan Majalisar Dokoki Ta Ƙasa na ranar 25 ga Fabrairu, 2023, da na gwamnoni da 'yan majalisun dokokin jiha na ranar 18 ga Maris, 2023. Idan za a iya tunawa dai, 'yan takara da dama da suka faɗi zaɓen Shugaban Ƙasa da ma jiha sun shigar da ƙararraki a kotunan zaɓe, don ƙalubalantar sakamakon waɗancan zaɓuɓɓuka da kuma neman a soke su. A yanzu haka dai akwai ƙararraki fiye da guda 100 a ƙasa waɗanda fusastattun 'yan takarkarun…

31 Mar

‘Yan sandan sun kama mutum 14 kan laifuka mabambanta a Kano

EditorLabarai

Daga RABI'U SANUSI a Kano Rundunar 'Yan Sandan Jihar Kano ƙarƙashin jagorancin CP Mamman Dauda, ta yi nasarar cafke wasu ɓata-gari kan zargin aikata laifuffuka daban-daban. Bayanin haka na ƙunshe ne a sanarwar da ta fito daga Kakakin rundunar 'yan sandan jihar, SP Haruna Abdullahi Kiyawa a ranar Alhamis. Sanarwar ta ce waɗanda aka kaman sun haɗar da 'yan fashi da makami, masu safarar migayun ƙwayoyi da ɓarayi tare da 'yan sara-suka, ƙarƙashin jagorancin CSP Bashir Musa Gwadabe. Ta ƙara da cewa CP Mamman Dauda ya ja daga da dukkan masu ta'ammali da miyagun ƙwayoyi da sace-sace da sauran laifuka.…

31 Mar

Zaɓen 2023: Jerin sunayen alƙalan da aka zaɓa don sauraren ƙararraki kan zaɓuɓɓukan da aka gudanar

EditorLabarai

Daga BASHIR ISAH Biyo bayan kammala zaɓukan 2023, an zaɓo alƙalai daga sassan ƙasar nan waɗanda za su saurari ƙararraki masu nasaba da zaɓukan. Mahaja ta fahimci an zaɓo alƙalan ne daga manyan kotunan jihohi da na tarayya da kuma kotun ma'aikata ta ƙasa. Ga cikakken sunayen alƙalan kamar haka: ABIA 1.Justice C.O. Onyeabo 2.Justice Ory Zik-Ikeorha 3.Justice C.H. Ahuchaogu 4.Justice A.O. Chijioke 5.Justice K.C.J. Okereke 6.Justice L.T.C. Eruba 7.Justice Benson Anya 8.Justice Nweke Philomena 9.Justuce A.O. Phoeba 10.Justice C.K. Nwankwo ADAMAWA 1.Justice H.N.H. Joda 2.Justice B.I. Ladukiya 3.Justice Musa Usman 4.Justice K.L. Samuel 5.Justice A.J. Balami 6.Justice K.Z.U. Modibbo…

31 Mar

Ni na kashe Ummita amma ba da gayya ba, inji Ɗan Chana

EditorBabban Labari, Labarai

Daga SANI AHMAD GIWA a Abuja Ɗan ƙasar Chanan nan mai suna Frank Geng Quangrong mai shekaru 47 da ake tuhuma da laifin kashe budurwarsa (Ummita) a jiya Alhamis ya tabbatar wa wata babbar kotu a Kano cewa ya dava wa budurwarsa ‘yar Nijeriya mai suna Ummukulsum Sani wadda aka fi sani da Ummita wuƙa, amma ba da niyyar kashe ta ba, a cewarsa. Wanda ake tuhumar, wanda ke zaune a Railway Quarters Kano, na ci gaba da gurfana ne a gaban kotun bisa laifin kisan kai. Frank da lauyan masu gabatar da ƙara ke yi masa tambayoyi, Darakta mai…