Labarai - Manhaja - Blueprint Hausa version

31 Mar

Kwamandan ISWAP ya kashe mataimakinsa saboda harin da sojoji suka kai musu

EditorLabarai

Daga SANI AHMAD GIWA a Abuja Wani Kwamandan ƙungiyar ISWAP, Abu Muhammed, ya kashe mataimakinsa, Abu Darda, bisa laifin yin sakacin da ya kai sojoji suka kai musu hari suka karkashe masa mayaƙa a sansanoninsu. An kai musu harin ne a sansanoninsu da ke ƙauyukan Mukdolo da Bonei wanda ya kai ga kashe mayaƙa 41, ciki har da Abu-Zahra Munzir. A rahoton da aka tattaro cewa kwamandan da ya fusata ya kashe Abu Darda a gaban sauran mayaƙan a ƙauyen Kajeri Dogumba da ke ƙaramar hukumar Mafa a jihar Borno. Majiyoyin leƙen asiri sun shaida wa Zagazola Makama cewa Abu…

31 Mar

‘Yan bindiga sun kashe jaririn da aka haifa a wajensu, sun saki mahaifiyarsa a Kaduna

EditorLabarai

Daga SANI AHMAD GIWA a Abuja Wasu ’yan bindiga da suka yi garkuwa da wata mata mai juna biyu a Ƙaramar Hukumar Kagarkon Jihar Kaduna sun sake ta bayan sun kashe jaririn da ta haifa a sansaninsu. Rahotanni sun ce maharan sun saki matar ce mai suna Shamsiyya Mustapha, wacce aka sace tare da mijinta da kuma ’yarsu mai shekara 16 a ƙauyen Janjala da ke Ƙaramar Hukumar ta Kagarko, ranar 5 ga watan Fabrairu. Sai dai daga bisani maharan sun saki mijin matar bayan karɓar kuɗin fansa Naira miliyan biyu da sabon babur da kayan abinci, amma suka ci…

31 Mar

Kano: Abba Kabir ya naɗa Sanusi Bature matsayin Babban Sakataren Yaɗa Labarai

EditorLabarai

Daga RABI'U SANUSI a Kano Gwamnan Jihar Kano mai jiran gado, Injiniya Abba Kabir Yusuf, ya amince da naɗa fitaccen ɗan jaridar nan, Sanusi Bature Dawakin Tofa, a matsayin Babban Sakataren Yaɗa Labaran sa. Naɗin na ƙunshe ne a wata sanarwa da kwamitin sabon gwamnan ya fitar a ranar Alhamis a madadin zaɓaɓɓen gwamnan. Sanarwar ta ce Gwamnan ya bayyana Sanusi Bature Dawakin Tofa a matsayin wanda ya cancanta sakamakon ƙwazonsa, haƙuri da kuma biyayya. Dawakin Tofa wanda ya kasance fitaccen ɗan jarida mai ƙwarewar aiki ta shekaru 19 a fagen aikin jarida, kuma yana cikin masu bada gudunmuwa mai…

31 Mar

Raɗɗa ya karɓi shaidar lashe zaɓen gwamnan Katsina

EditorLabarai, Siyasa

Daga UMAR GARBA a Katsina Hukumar Zaɓe Mai Zaman Kanta, INEC, ta ba wa zaɓaɓɓen Gwamnan Jihar Katsina, Dr. Dikko Umar Raɗɗa takardar shaidar lashe zaɓen gwamnan jihar a ranar Alhamis. Kwamishinan hukumar zave mai wakiltar Jihohin Kano, Katsina da Jigawa, Farfesa A. A Zuru ne ya miƙa shaidar cin zaɓen ga zaɓaɓɓen gwamnan da mataimakinsa da kuma 'yan majalisar dokoki na jihar su 31. Da yake jawabi, Dr. Dikko Raɗɗa, ya gode wa Allah bisa nasarar da ya samu na lashe zaɓen gwamnan jihar da aka gudanar ranar 18 ga Maris, 2023. Ya kuma yaba wa hukumar zaɓe mai…

31 Mar

Ku kira ni da ‘Malam Dikko Raɗɗa’ maimakon ‘Your Excellency’ – Raɗɗa

EditorLabarai

Daga UMAR GARBA a Katsina Zaɓaɓɓen gwamnan jihar Katsina, Dr. Dikko Umar Raɗɗa, ya bayyana dalilin da ya sa ba ya so a kira shi da kalmar ban girma, wato 'Your Excellency' bayan an rantsar da shi a matsayin gwamnan jihar. Raɗɗa ya bayyana cewar ba ya son a kira shi da 'Yallaɓai har zuwa ƙarshen wa'adin mulkinsa da zai fara ranar 29 ga watan Mayu mai zuwa. "Ba na son a kira ni 'Excellency' saboda za a iya kiran mutum kaɗai da 'Excellency' ne bayan ya kammala mulkinsa. "A wannan lokacin ne mutane za su tabbatar na cancanci a…

31 Mar

Tinubu na buƙatar addu’a don samun nasarar gudanar da mulki – Masari

EditorLabarai

Daga UMAR GARBA a Katsina Gwamnan Jihar Katsina, Aminu Bello Masari, ya bayyana cewar zaɓaɓɓen Shugaban Ƙasa, Bola Ahmed Tinubu, na buƙatar samun ƙarin addu'o'i daga 'yan Nijeriya, domin samun damar gudanar da mulki cikin nasara. Masari ya bayyana haka ne a Fadar Gwamnatin Jihar, lokacin da yake jawabi a wurin taron buɗa-baki wanda aka shirya albarkacin watan Ramadan. A cewar Masari, zaɓaɓɓen shugaban ƙasar kan shirya irin wannan taron don yin addu'o'i lokacin watan Ramadan. Kamfanin dillacin labarai na Nijeriya (NAN), ya ambato Masari yana cewa, "An shirya taron wannan shekarar domin yin godiya ga Allah kan nasarar da…

29 Mar

HOTUNA: Yadda masoya suka yi dandazo wurin karɓar shaidar lashe zaɓen Abba Kabir

EditorLabarai, Siyasa

A ranar Laraba Hukumar INEC ta miƙa wa 'yan takarar da suka lashe zaɓen gwamna a jihohinsu shaidar lashe zaɓen gwamnan da ya gudanar ranar 18 ga Maris, 2023. Haka ma lamarin ya kasance a Jihar Kano, inda ɗan takarar Jam'iyyar NNPP, Abba Kabir da Mataimakinsa, Aminu Abdussalam, suka karɓi shaidar lashe zaɓe a matsayin gwamna da mataimakinsa daga hannun INEC. Masoya daga sassan jihar suka fito don nuna goyon baya da murnar ga Gwamnan Kano mai jiran gado da mataimakinsa yayin da suka karɓi shaidar lashen zaɓen. Ga ƙarin hotunan irin wainar da aka toya daga Sani Maikatanga:

29 Mar

Buhari ya rantsar da Arase a matsayin Shugaban PSC

EditorLabarai

Daga BASHIR ISAH Shugaban Ƙasa Muhammadu Buhari ya rantsar da tsohon Sufeto-Janar na 'Yan Sanda, Solomon Arase, a matsayin sabon Shugaban Hukumar Kula da Harkokin 'Yan Sanda (PSC). Buhari ya rantsar da Arase ne gabanin zaman Majalisar Zartawa ranar Laraba a Abuja. Rantsarwar na zuwa ne bayan tabbatar da cancantarsa da Majalisar Dattawa ta yi watanni biyu da suka shuɗe. Buhari ya miƙa sunan Arase ga Majalisar Dattawa don neman yardarta kan naɗin daidai da sassa na 153 (1) da 154 (1) na kundin tsarin mulkin ƙasa wanda aka yi wa kwaskwarima. Arase, mai shekaru 65 da haihuwa, ya yi…

29 Mar

Da Ɗumi-ɗumi: Abba Kabir ya karɓi shaidar lashe zaɓen Gwamnan Kano

EditorLabarai, Siyasa

Daga RABI'U SANUSI a Kano Hukumar Zaɓe Mai Zaman Kanta ta Ƙasa (INEC) reshen Jihar Kano, ta miƙa wa zaɓaɓɓen gwamnan jihar ƙarƙashin jam'iyyar NNPP shaidar lashe zaɓen gwamnan jihar. Abba Kabir Yusuf da mataimakinsa, Kwamared Abdulsalam Gwarzo sun karbi satifiket ɗin ne ranar Laraba a babban ofishin INEC da ke Kano. Cikin waɗanda suka halarci taron miƙa shaidar, akwai Shugaban hukumar zaben na Kano, Ambasada Zango Abdu, Kwamishinan 'Yan Sandan Jihar Kano, CP Mamman Dauda da dai sauran jiga-jigan jam'iyyar NNPP na ciki da wajen jihar.

29 Mar

INEC ta fara miƙa shaidar lashe zaɓe ga zaɓaɓɓun gwamnoni

EditorLabarai

Daga BASHIR ISAH Hukumar Zaɓe ta Ƙasa, INEC, ta fara miƙa shaidar lashe zaɓe ga 'yan takarar da suka ci zaɓen gwamna a jihohinsu. Zaɓaɓɓun gwamnoni a jihohi 26 ne INEC ta tabbatar da nasarar da suka samu a zaɓen da ya gudana ranar 18 ga Maris, 2023. Kazalika, INEC za ta miƙa shaidar lashe zaɓe ga 'yan majalisar jihohi da suka samu nasarar yayin zaɓen a jihohi 36. Sanarwar da Kwamishinan INEC, Festus Okoye, ya fitar ranar Asabar, ta ce Sashe na 72(1) na Dokar Zaɓe na 2022 ya nuna haƙƙi ne a kan INEC ta miƙa shaidar lashe…