Labarai - Manhaja - Blueprint Hausa version

08 May

Bayyana ra’ayin takara: ’Yan Nijeriya na kira ga Buhari da ya tsige gwamnan CBN

EditorBabban Labari, Labarai

Daga MAHDI M. MUHAMMAD An buƙaci shugaban ƙasa Muhammadu Buhari da ya kori gwamnan babban bankin Nijeriya, Godwin Emefiele daga muƙaminsa kan nuna ra'ayinsa na tsayawa takarar shugaban ƙasa a zaɓen 2023. Idan za a iya tuna cewa, Emefiele wanda ya sha musanta burin zama shugaban Nijeriya a 2023, ya zaɓi fom ɗin tsayawa takara a ranar Juma'a. Rahotanni sun bayyana cewa, Gwamnan babban bankin na CBN ya karɓi fom ɗin Naira miliyan 100 daga hannun sakataren jam’iyyar na ƙasa (ICC) da ke Abuja. ’Yan Nijeriya da suka mayar da martani kan wannan lamari sun ce ba bisa ƙa’ida ba…

07 May

Ba zan manta da halaccin Sanata Lawan a rayuwata ba – Hon. Kaitafi

EditorLabarai

Daga MUHAMMAD AL-AMEEN, Damaturu Tsohon hadimin shugaban Majalisar Dattawan Nijeriya (SA Protocol) kuma dan takarar kujerar malajisar wakilai a kananan hukumomin Bade da Jakusko, Hon. Sani Ahmed Kaitafi ya ce ba zai taba mantawa da halascin da maigidan sa kuma shugaban Majalisar Dattawan Nijeriya- Sanata Ahmed Ibrahim Lawan ya yi masa ba a rayuwa ba, ya kara da cewa har abada zai ci gaba da tuna abubuwan alherin da ya shuka a rayuwarsa tare da ci gaba da mutunta shi a matsayin wanda shi ne sanadin duk wani ci gaban da ya samu a rayuwa, tare da ɗaukarsa a matsayin…

07 May

Mawallafin waƙar taken NYSC ya rasu yana da shekaru 74

EditorLabarai

Daga AMINA YUSUF ALI Mawallallafin waƙar nan mai daɗin ji ta taken 'yan bautar ƙasa (NYSC), Dakta Oluwole Adetiran ya kwanta dama. Dakta Oluwole Adetiran, ya rasu ranar Juma'a 6 ga watan Mayun shekarar nan ta 2022. Ya rasu yana da shekaru 74 da haihuwa. An samu tabbacin labarin rasuwar Marigayin ne daga wasu mambobi na majami'ar Celestial Church of Christ (CCC), wanda shi ma marigayin mamba ne na wannan majami'ar. Shi ma shugaban tsare-tsaren na NYSC a jihar Ogun, Dakta Belinda Faniyi ita ma ta ƙara tabbatar da labarin rasuwar. A cewar ta ma, a lokacin tana ƙoƙarin sanar…

07 May

Osinbanjo da Tinubu sun yi musabiha a taron fitar da ɗan takarar APC a yankin Yarabawa

EditorBabban Labari, Labarai

Daga SANI AHMAD GIWA a Abuja Karon farko tun bayan ayyana aniyar taka takarar kujeran Shugaban Ƙasa, Farfesa Yemi Osinbajo, ya yi ido huɗu da jagoran Jam'iyyar APC kuma maigidansa, Asiwaju Bola Ahmed Tinubu a jihar Legas. Jiga-jigan Jam'iyyar APCn biyu sun haɗu ne yayin wani taron zaman haɗin kai tsakanin 'yan takarar kujerar shugaban ƙasa ƙarƙashin Jam'iyyar APC daga yankin ƙabilar Yoruba. Dattawan yankin Kudu maso Yamma ne suka shirya zaman don ganin yadda za a haɗa kai da juna don tsayar da mutum guda cikinsu. Dattawan sun haɗa da tsohon gwamnan jihar Osun, Cif Bisi Akande, da tsohon…

07 May

Saudiyya ta cafke ‘yan Nijeriya bisa laifukan barbaza hotunan wani ɗan takara na Nijeriya

EditorLabarai

Daga BAKURA MUHAMMAD a Bauchi Hukumomin Ƙasar Saudiyya sun cafke ‘yan Nijeriya guda 20 bisa laifukan ta’ammali da baza hotunan wani mai neman shiga takarar shugabancin Nijeriya a harabobin Harami dake garin Makka ta ƙasa mai tsarki. A halin da ake ciki dai, waɗannan ‘yan Nijeriya suna damƙe a hannun mahukuntan ƙasar ta Saudiyya ƙarƙashin kulawa da askarawan ƙasar kafin gurfanar da su a gaban kuliya manta-sabo, inda za a yi masu hukunce-hukunce daidai da laifukan su. Wata majiya mai tushe ta shaidar da cewar, waɗannan ‘yan Nijeriya da suka shiga cikin halayyar aikata sharo ba shanu, za su ɗanɗana…

07 May

Sheikh Gumi ya ƙaddamar da ƙungiyar kare haƙƙin Fulani makiyaya

EditorLabarai

Daga SANI AHMAD GIWA a Abuja Shaharren malamin addinin Musuluncin nan da ke Kaduna, Sheikh Dr. Ahmad Abubakar Gumi ya kafa ƙungiyar da za ta kare haƙƙin Fulani makiyaya. Gumi ya sanar da kafa wannan ƙungiya da ya kira Nomadic Rights Concern, NORIC a taƙaice a yayin gudanar da tafsirin watan Ramadan a masallacin Sultan Bello da ke Kaduna a arewacin Nijeriya. Ya ce ƙungiyar za ta janyo hankali al’umma a game da cin zarafin Fulani makiyaya da ake yi. Ya bayyan Farfesa Umar Labbo a matsayin wanda zai jagoranci ƙungiyar, yana mai cewa NORIC za ta zama wata kafa…

07 May

NRC ta gyara layin dogon Abuja-Kaduna, ta gindaya sabbin sharaɗɗan sayen tikiti

EditorLabarai

Daga MAHDI M. MUHAMMAD Hukumar kula da zirga-zirgar jiragen ƙasa ta Nijeriya (NRC), ta ce, ta gyara ɓarnar da aka yi wa na’urorin layin dogon Abuja zuwa Kaduna, da kuma sanya sabbin sharuɗɗa na sayen tikiti. Har ila yau, ta tabbatar da cewa, fasinjojin da ke son shiga za su gabatar da Lambar Shaida ta Ɗan Ƙasa (NIN), a matsayin wani sharaɗi na sayen tikitin jirgin ƙasa. Rahotanni sun nuna cewa, an yi matuƙar lalata layin dogon a kwanan nan sakamakon harin da maharan suka kai. Manajan Daraktan NRC, Injiniya Fidet Okhiria ya bayyana hakan ne a wata sanarwa da…

07 May

Ranar Ma’aikata: Jihar Edo za ta fara biyan Naira 40,000 a matsayin mafi ƙarancin albashi

EditorLabarai

Daga SANI AHMAD GIWA a Abuja Gwamnan Jihar Edo da ke kudancin Nijeriya, Godwin Obaseki, ya ƙara albashi mafi ƙaranci a jihar zuwa Naira 40,000 sama da Naira 30,000 da Gwamnatin Tarayya ta saka wa ma'aikatanta. Obaseki ya sanar da ƙarin a ranar Lahadi yayin da ake bikin Ranar Ma'aikata ta Duniya. Kazalika wasu rahotanni na cewa tsoffin ma'aikatan jihar sun gudanar da zanga-zangar neman a biya su garatutinsu a ranar. "Kamar yadda muka sani, mafi ƙarancin albashi na Naira 30,000 da ƙyar zai iya riƙe iyali, rashin ɗa'a ne da tausayi mu ci gaba da basarwa cewa ba mu…

07 May

Har yanzu mata suna baya wajen samun madafun iko a Nijeriya – NBS

EditorLabarai

Daga SANI AHMAD GIWA a Abuja Hukumar Ƙididdiga ta Ƙasa, NBS, ta bayyana cewa har yanzu an bar mata a baya a Nijeriya wajen samun madafun iko, idan aka kwatanta su da maza a ƙasar. Wannan na ƙunshe ne a wani rahoto da ya fita ranar Lahadi a Abuja daga Kundin Ƙididdigar Jinsi na Watanni uku-uku, na wata ukun farko a 2022. Kundin rahoton ya maida hankali ne a kan wasu lamura uku da su ka haɗa da, mulki, madafar iko, lafiya, ƙididdigar al'umma da kuma ilimi. A cewar rahoton, ƙididdiga ta nuna cewa kashen mata da su ke fitowa…

07 May

Wa da ƙani sun rasu yayin ɗauko salula da ta faɗa masai a Kano

EditorLabarai

Daga SANI AHMAD GIWA a Abuja Wasu 'yan uwa guda biyu a Lahadin da ta gabata sun rasa rayukansu a ƙoƙarin ɗauko wayar salula da ta faɗa cikin masai a Jihar Kano. Rahotanni sun bayyana cewa mutum na farko, mai suna Haruna Abdullahi mai shekaru 30 da haihuwa, shi ya fara shiga cikin shaddar domin ya ɗauko wayarsa da ta faɗa. Lamarin dai ya afku ne a ƙauyen Aku da ke Ƙaramar Hukumar Gaya ta jihar. Rahotanni sun bayyana cewa yayin da Marigayi Abdullahi ya shiga shaddar domin ɗauko wayar ta sa, sai ya maƙale ya kasa fitowa, lamarin da…