Labarai - Manhaja - Blueprint Hausa version

19 Sep

Tsohon mataimakin shugaban Bankin CBN, Mailafia ya kwanta dama

EditorLabarai

Bayanan da suka riski MANHAJA a wannan lokaci, sun tabbatar da cewa tsohon mataimakin Babban Bankin Nijeriya (CBN), Obadiah Mailafia, ya kwanta dama. Mailafia ya rasu ne da safiyar Lahadi a Babbar Asibitin Ƙasa da ke Abuja, inda ya bar duniya yana da shekara 64. Marigayin wanda ɗan asalin yankin Kudancin Kaduna ne, masanin tattalin arziki ne wanda a halin rayuwarsa ya riƙe muƙamin mataimakin gwamnan Babban Bankin Ƙasa (CBN). A gaɓar ƙarshe ta rayuwarsa, Mailafia ya kasance 'yan kan gaba wajen sukar gwamnatin Shugaba Muhammadu Buhari da hukumomin tsaro a matsayin tasa gudunmawa a fagen yaƙi da matsalolin tsaro.…

18 Sep

An koka wa Gwamnan Bauchi kan yadda makaranta ta sukurkuce a Bogoro

EditorLabarai

Daga BAKURA K. MUHAMMAD a Bauchi Shugaban Ƙaramar Hukumar Bogoro a Jihar Bauchi, Mista Ilya Habila ya koka matuƙa gaya da cewar, makarantar sakandare ta kwana guda ɗaya ƙwal da ke cikin ƙaramar hukuma ta sukurkuce raga-raga babu gyara. Kamar yadda shugaban ya ce, illahirin gine-ginen da ke cikin makarantar da suka haɗa da gidajen malamai da ajujuwan da ake ɗaukar karatu kuma a koyar wa ciki, hatta dabbobi bai dace su kwana ciki ba. Habila, yana jawabin marhabun ne a bikin fara rarraba kayayyakin tallafi na sana’o’i, dama bayar da jarin kuɗaɗe da na dabbobi kyauta ƙarƙashin shirin farfaɗo…

18 Sep

Gwamnatin Kano ta horar da masu sana’ar sayar da kayan noma

EditorLabarai

Daga IBRAHIM HAMISU a Kano A makon da ya gabata ne shirin bunqasa harkar noma da kiwo na Jihar Kano da ake kira da KSDP ya horas da masu sayar da kayan noma, waɗanda suka haɗa da maganin ƙwari da na feshi, hanyoyin da za su bunƙasa sana’oinsu. Horarwa an yi ta ne a shiyyoyi daban-daban na faɗin jihar, inda maharta taron suka fito daga qananan hukumomin jihar daban-daban. A yayin bitar, an ja hankalin mahalarta taron hanyoyin da za su bi, domin su kare amfanin gona ta hanyar sayar da ingantattun kaya, domin su ne ginshiƙi wajen tabbatar da…

18 Sep

Albashin ‘yan majalisa ya yi matuƙar ƙazanta – Isyaku Ibrahim

EditorLabarai

Daga IBRAHIM HAMZA MUHAMMAD Ɗimbin kuɗin albashin da 'yan majalisun ƙasa suke ƙarawa kansu yana zama cin amana ne ga jama'a masu kaɗa ƙuri'a, don ya yi matukar ƙazanta. Alhaji Isyaku Ibrahim, wanda shine Tsohon Ma'ajin rusasshiyar Jam'iyyar NPN a Jamhuriya ta Biyu, watau a zamanin gwamnatin Marigayi Shehu Shagari, ya shaida wa Jaridar Manhaja cewa, "Babban cin amanar ƙasar Nijeriya ne, 'yan majalisa da talakawa suka wuni da yunwa da wahala suka zaɓe su, amma suna ta ƙara wa kansu zunzurutun albashi. "Bugu da ƙari, sun ƙi jajircewa don ganin an biya talakawa masu aikin albashi mafi ƙarancin albashi…

18 Sep

Pantami ya yi wuf da Shugaban EFCC, Abdurrasheed Bawa, lokacin da jiri ya kwashe shi

EditorLabarai

Daga SANI AHMAD GIWA a Abuja Rahotannin da Jaridar Manhaja ta samu ya sun nuna cewa, a lokacin da jiri ta kwashi Shugaban Hukumar Shugaban Hukumar Yaƙi da Masu Yi Wa Tattalin Arzikin Nijeriya Ta'annati, wato EFCC, Malam Abdurrasheed Bawa, Ministan Sadarwa, Sheikh Isah Ali Pantami ne ya yi wuf ya kawo masa agaji. Bayanan sun tabbatar da cewa, Abdulrashid Bawa, ya yanke jiki ya faɗi ne a Fadar Shugaban Ƙasa da ke Abuja ran Alhamis da ta gabata. Lamarin dai ya faru ne lokacin da ya ke gabatar da jawabi a wajen wani taro a fadar shugaban ƙasar. Kwatsam…

18 Sep

Wata matashiya ta shayar da ‘ya’yan mijinta guba a Yobe

EditorLabarai

Daga AMINA YUSUF ALI 'Yan sanda a jihar Yobe sun cafke wata mata mai shekaru 22 a kan zargin kashe 'ya'yan mijinta su 3. Matar mai suna Khadija Yakubu, ta sanya wa 'ya'yan mijinta su huɗu guba a garin Malariya Huta, da ke garin Potiskum ɗin Jahar Yobe. A ranar Juma'ar da ta gabata ne, Kakakin rundunar 'yan sandan jihar, ASP Dungus Abdulkareem, ya tabbatar da faruwar al'amarin inda ya ƙara da cewa, wacce ake zargin ta shayar da 'ya'yan mijinta na wajen uwargidansa su huɗu shayi wanda yake ɗauke da guba a ciki. Inda aka binne yara ukun da…

18 Sep

Harin NDA: Manjo Datong ya samu kuɓuta daga hannun masu garkuwa

EditorLabarai

Daga AMINA YUSUF ALI A yanzu haka dai Sojan nan mai muƙamin Manjo wato Manjo DL Talong wanda masu garkuwa suka sace a makarantar horas da sojoji ta NDA ya samu kuɓuta daga hannun masu satar mutane. Shi dai sojan an sace shi ne sakamakon wani hari da masu garkuwa da mutane suka kai makarantar horas da sojojin wacce take kaduna a ranar 24 ga watan Agustan da ya gabata. Inda a sakamakon harin ma har wasu manyan jami'an sojoji suka rasa rayukansu. Sai kuma a daren juma'ar ne nan da ta gabata ne, aka samu labarin cewa, Datong ya…

18 Sep

Kuntau Science Academy ta yi bikin yaye ɗalibai

EditorLabarai

Daga AMINA YUSUF ALI a Kano A ranar Asabar ɗin da ta gaba ne, shahararriyar makarantar nan ta Kuntau Science Academy (KSA) reshen court road, ta yi bikin yaye ɗalibanta waɗanda suka kammala sakandare, wasu firamare wasu kuma ƙaramar sakandare, a watan Agustan shekarar da muke ciki ta 2021. Taron wanda aka gudanar da shi a dandalin kasuwar baje koli da ke titin gidan Zoo, an shirya shi ne a ƙarƙashin shugabancin shugaban rukunin makarantun Kuntau, Farfesa Mustafa Karkarna. Taron ya samu halartar manya mutane, da iyayen yara da kuma shugabannin gudanarwa na rukunin makarantun Kuntau daban-daban da suke birjik a…

18 Sep

Janar Attahiru: An kammala rahoton binciken hatsarin jirgin da ya yi ajalinsa

EditorLabarai

Daga SANI AHMAD GIWA a Abuja Kwamishina kuma Babban Jami'i a Hukumar Binciken Hatsarin Jiragen Sama (AIB), Engr. Akin Olateru ya miƙa rahoton hatsarin jirgin sojin da ya yi ajalin Tsohon Babban Hafsan Sojin Ƙasa, na Laftanar Janar Ibrahim Attahiru wanda ya afku yayin da zai sauka a filin sauka da tashin jiragen sama na ƙasa da ke Kaduna. A ranar Laraba kwamitin biciken ya miqa rahonsa ga Babban Hasfan Sojin Sama, Air Marshal Oladayo Amao, wanda shi ne ya kafa kwamitin na ‘AIB’ da haɗin gwiwar rundunar domin gano musabbabin hatsarin. Laftanar Janar Ibrahim Attahiru ya rasu ne tare…

18 Sep

Masu garkuwa sun kashe shugaban ƙungiyar Miyetti Allah kan miliyan N20 a Kaduna

EditorLabarai

Masu garkuwa da mutane sun kashe shugaban ƙungiyar Fulani ta Miyyeti Allah Cattle Breeder (MACBAN), na reshen ƙaramar hukumar Lere a Jihar Kaduna, Abubakar Abdullahi Dambardi, saboda gazawa da ya yi wajen biyan fansar milyan N20 da aka buƙata ya biya kafin a sake shi. Sanarwar manema labarai da ta sami sa hannun shugaban ƙungiyar na jihar Kaduna, Haruna Usman Tugga, ta nuna ɓarayin sun halaka Dambardi ne da sanyin safiyar Juma'a a Lere. Tugga ya bayyana cewa, masu garkuwar sun buƙaci a biya su kuɗi har Naira miliyan 20 amma N250,000 ne marigayin ya iya samarwa ta hanyar rance,…