Labarai - Manhaja - Blueprint Hausa version

09 Jul

‘Yan bindiga sun kashe mutum 39 a harin ramuwar gayya a Zamfara

EditorLabarai

Daga SUNUSI MUHAMMAD, a Gusau Aƙalla mutane 39 ne 'yan bindiga suka kashe a wani harin ramuwar gayya a Faru da ke ƙaramar hukumar Maradun ta jihar Zamfara. A wata tattaunawa ta wayar tarho da wani mazaunin Faru mai suna Malam Lawali Ahmad Faru, ya ce, "'Yan bindigar sun afka wa garin ne da misalin ƙarfe 4:30 na yammacin ranar Alhamis inda suka fara harbin kan mai uwa da wabi da bindigogi a cikin mutanen da ba su ji ba ba su gani ba, wanda hakan ya yi ajalin mutane 39 wanda galibinsu maza ne." Ya ce 'yan taddan sun…

08 Jul

Matawalle ya sanya wa dokar cin gashin kai na ɓangaren sharia da Majalisar Dokoki hannu

EditorLabarai

Daga SANUSI MUHAMMAD, a GUSAU Gwamnan jihar Zamfara, Bello Mohammed Matawalle, ya ba da damar aiwatar da ƙudirin dokar cin gashin kai ga ɓangaren shari'a da majalisar dokokin jihar Zamfara. Babban Daraktan Wayar da Kan Jama'a da Sadarwa, Yusuf Idris, ya bayyana hakan a cikin wata sanarwa da ya raba wa manema labarai a Gusau ranar Alhamis. A cewarsa, Gwamnan ya rattaba hannu kan dokokin ne a wani takaitaccen biki wanda aka gudanar a Fadar Gamnatin jihar da ke Gusau, biyo bayan mahimmancin da gwamnan ya bai wa dokokin biyu, ya ce ba zai jira wani babban biki da za…

08 Jul

Yaƙi da matsalar tsaro: A tsawaita wa’adin NYSC zuwa shekara 2 tare da ba su horon soji – Ishaku

EditorLabarai

Daga AISHA ASAS Gwamnan Jihar Taraba, Darius Ishaku, ya yi ra'ayin cewa donmin samun ƙarin matakan yaƙi da matsalolin tsaron ƙasar nan, zai kyautu a tsawaita wa'adin shirin yi wa ƙasa hidima, wato National Youth Service Corps (NYSC), zuwa shekara biyu tare da bai wa 'yan yi wa ƙasa hidimar horo irin na sojoji. Gwamna Ishaku ya bayyana haka ne yayin wani shiri da aka yi da shi a tashar ChannelsTV a jiya Laraba. Gwamnantin Tarayya ta ƙirƙiro shirin NYSC ne a 1973 da nufin ƙarfafa wa matasan da suka kammala karatu a manyan makarantu gwiwa wajen gina ƙasa. Ishaku…

08 Jul

Buhari ya maƙala wa Yahaya sabon muƙaminsa

EditorLabarai

Daga UMAR M. GOMBE Shugaban Kasa Muhammadu Buhari ya maƙala wa Shugaban Rundunar Sojoji (COAS), Lt Gen Faruk Yahaya, sabon muƙaminsa a matsayin Lieutenant General. Buhari ya aiwatar da hakan ne tare da taimakon Mataimakin Shugaban Ƙasa, Yemi Osinbajo wanda ya gudana jim kaɗan kafin soma taron Majalisar Zartarwa na wannan makon da ya gudana a Larabar da ta gabata a Fadar Shugaban Kasa da ke Abuja. Da yake jawabi jim kaɗan bayan kammala maƙala masa sabon muƙamin nasa, Yahaya ya yaba wa Shugaban Ƙasa bisa damar da ya ba shi don yi wa ƙasa aiki da kuma jagorancin rundunar…

07 Jul

Yadda shirin N-Power ke zaburar da miliyoyin matasa taka tudun dogaro da kai

EditorLabarai

Daga ALIYU ALI KAWAJI Shamsuddeen Surajo ya daɗe ya na gaganiyar yadda zai samu hanyar dogaro da kai, maimakon zaman jiran aikin da bai san ranar samu ba. Faɗi nan, tashi can, har Allah ya sa ya yi gamo-da-katar ɗin samun aikin N-Power. Ɗan alawus ɗin da ya riƙa samu bai almubazzarantar da su ba. Sai ya riƙa tara ƙudin sa a banki. Bayan wa'adin aikin sa ya ƙare, Shamsuddeen ya nemi ƙarin gudunmawa wajen abokan sa, inda ya buɗe shagon ɗinki a Hausawa, Kano. "Wato a baya idan Sallah ta zo ko ɗinki ba na iya yi wa kai…

07 Jul

Gwamnatin Tarayya ta ɗau ma’aikata 159 don sa ido kan Shirin Haɓaka Rayuwa a Kebbi da Ondo

EditorLabarai

Daga WAKILINMU Gwamnatin Tarayya ta ɗauki ma'aikata 159 tare da ba su horo don sa ido kan ayyukan Shirin Haɓaka Rayuwa, wato 'National Social Investment Programmes' (NSIP) a jihohin Kebbi da Ondo. A yayin da aka ɗauki mutum 70 a Kebbi, a Ondo an ɗauki mutum 89. Ministar Harkokin Jinƙai, Agaji da Inganta Rayuwa, Hajiya Sadiya Umar Farouq, ita ce ta bayyana haka a wajen tarurrukan raba takardun kama aiki da na'urorin aikin ga ma'aikata masu zaman kan su da aka horas waɗanda aka yi a Birnin Kebbi da kuma garin Akure. A taron Birnin Kebbi, ministar ta bayyana cewa…

06 Jul

Matawalle ya sake naɗa wasu daga cikin mashawartansa da ya kora

EditorLabarai

Daga Sanusi Muhammad, a Gusau A Litinin da ta gabata, Gwamnan jihar Zamfara, Bello Matawalle, ya sake naɗa mutum takawas daga cikin masu ba shi shawara na musamma da ya sauke kwanan nan. Bayanin sake naɗa masu bai wa gwanan shawara na ƙunshe ne cikin wata sanarwa da ta fito ta hannun Babban Sakataren Harkokin Majalisar Gwamnan, Yakubu Haidara, a madadin sakataren riƙo na gwamnatin jihar, Alhaji Kabiru Balarabe Waɗanda naɗin ya shafa su ne; Aminu Abdullahi-Alkali, Ahmed Muktar-Mohammed, Junaidu Aminu-Kaura, Ibrahim Ma’aji-Gusau, Dr Aslam Aliyu, Yusuf Abubakar-Zugu, Danyaro Abdullahi-Wuya, da kuma Abubakar Musa (Mainera). Sanarwar ta nuna naɗin nasu…

06 Jul

Bidiyo: Yadda iyayen yaran da aka sace a Kaduna suka muzanta kwamishina

EditorLabarai

Iyayen yaran da 'yan bindiga suka sace a Makarantar Bethel Baptist High a Kaduna a Litinin da ta gabata, sun nuna wa Kwamishinan Tsaro na Cikin Gida na Jihar, Samuel Aruwan, ɓacin ransu inda suka yi masa ihu suka kore shi a lokacin da shi da tawagarsa suka ziyarce su a harabar makarantar da lamarin ya faru.

06 Jul

Sojoji sun kama kayayyakin Boko Haram a Barno

EditorLabarai

Daga AISHA ASAS A wani shirin tsaftace yankin Muna daga harkokin 'yan ta'adda a jihar Barno, rundunar bataliya ta 195 na shirin Operation HADIN KAI (OPHK), tare da haɗin gwiwar Civilian Joint Task Force (CJTF) ta kama 'yan Boko Haram biyu tare da ƙwace tarin kayayyakin da aka tanada don amfanin 'yan Boko Haram. Kayayyakin da sojojin suka kama sun haɗa da gatari, kekuna guda biyar, wayar salula biyu, man fetur, ƙwayoyin ƙara kuzari, kayan abinci da dai sauransu. Yayin samamen sojojin sun lalata sansanonin 'yan ta'addan da dama tare da tsaftace yankin daga harkokin 'yan bindiga. Cikin sanarwar da…

06 Jul

Za a yi wa Magu ƙarin girma duk da mummunan rahoton da kwamitin Salami ya shirya a kansa

EditorLabarai

*Fadar Shugaban Ƙasa ta nuna damuwarta kan lamarin Daga BASHIR ISAH Bayanan da Manhaja ta samu na nuni da Hukumar Aikin Ɗan Sanda (PSC) na shirin yi wa tsohon shugaban riƙo na Hukumar Yaƙi da yi wa Tattalin Arziki Zagon Ƙasa da Zambar Kuɗ'i, Ibrahim Magu, ƙarin girma a bakin aiki zuwa muƙamin Mataimakin Babban Sufeto (AIG). Sai dai Fadar Shugaban Ƙasa ta nuna damuwarta kan lamarin, saboda a ganinta tamkar PSC ta bijire wa mummunan rahoton da kwamitin bincike ƙarƙarshin Ayo Salami ya shirya a kan Magu ɗin ne, lamarin da ka iya ɗaukar hankalin 'yan ƙasa ya kuma…