Labarai - Manhaja - Blueprint Hausa version

10 Jun

IPOB, Boko Haram da ISWAP dangin juna ne – Soyinka

EditorLabarai

Daga AISHA ASAS Fitaccen marubucin nan Farfesa Wole Soyinka, ya bayya IPOB a matsayin ƙani ga Boko Haram. Soyinka ya bayyana haka ne duba da irin ɓarnar da 'yan IPOB ke yi ƙasa musamman ma a yankin Kudu-maso-gabas inda suke karkashe mutane da jami'an tsaro da lalata ofisoshin Hukumar Zaɓe ta Ƙasa (INEC) da sauransu. Da yake tsokaci kan batun haramta Tiwita a Nijeriya, Farfesan ya ce gwagwarmayar tsagerun IPOB ba halastacciya ba ce. Ya ce, "Ba na goyon bayan waɗanda suka ɓuge da ƙona ofisoshin 'yan sanda tare halaka jami'ansu, lalata ofisoshin zaɓe, yi wa 'yan siyasa kisan gilla…

10 Jun

Za a raba wa ‘yan Nijeriya miliyan ɗaya N5,000 kowanen su a tsawon wata 6

EditorLabarai

Daga UMAR M. GOMBE Gwamnatin Tarayya ta bayyana cewa 'yan Nijeriya miliyan ɗaya da matsalar cutar korona ta shafa za su riƙa karɓar N5,000 a kowane wata har tsawon watanni shida. Ta ce wannan ya na cikin wani sabon shiri ne da ya fara aiki a farkon wannan shekarar da mutum 3,115 a Legas da Abuja, wanda yanzu za a faɗaɗa shi zuwa sauran dukkan jihohi inda mutane za su fara amfana da shi su ma. Ministar Harkokin Jinƙai, Agaji da Inganta Rayuwa, Hajiya Sadiya Umar Farouq, ita ta bayyana haka a lokacin wani taron manema labarai da aka yi…

09 Jun

ASUP ta janye yajin aikin kwanaki 65

EditorLabarai

Daga BASHIR ISAH Ƙungiyar Malaman Kwalejojin Fasaha (ASUP), ta janye yajin aikin da ta shafe kwanaki 65 tana yi don bai wa gwamnati damar yin abin da ya kamata. Sanarwar da ASUP ɗin ta fitar a Laraba ta hannun sakatarenta na ƙasa, Comrade Abdullahi Yalwa, ta nuna cewa, "Bayan samun rahoton gwamnati ta soma aiwatar da buƙatun da ke ƙunshe cikin yarjejeniyar da aka cimma tsakanin ƙungiyar da gwamnatin tarayya, ƙungiyar ta yanke shawarar dakatar da yajin aikin da ta shafe kwanaki 65 tana yi daga ranar 10 ga Yunin 2021." ASUP ta ce “Dakatarwar ta watanni uku ne kawai domin…

09 Jun

Ba za mu bari a sake samun aukuwar yaƙi a ƙasa ba – Dattawan Arewa

EditorLabarai

Daga BASHIR ISAH Sakamakon tashin-tashinar da ke aukuwa a yankin Kudu-maso-gabas, Ƙungiyar Dattawan Arewa (NEF), ta yi kira ga shugabannin ƙabilar Igbo da su ja kunnen masu tada zaune tsaya a yankin da su maida wuƙaƙensu cikin kube domin hana sake aukuwar yaƙi a ƙasa. Ƙungiyar ta yi wannan furuci ne sa'ilin da take yi wa manema labarai bayani a Litinin da ta gabata a Abuja jim kaɗan bayan kammala wani taronta. NEF ta ce biris da shugabannin Igbon suka yi ba su ce komai ba hakan ya nuna ba su damu da kisan da ake yi wa 'yan Arewa…

09 Jun

Masu neman a kafa ƙasar Yarabawa wawaye ne, cewar Aregbesola

EditorLabarai

Daga UMAR M. GOMBE Ministan Harkokin Cikin Gida, Rauf Aregbesola, ya bayyana masu rajin kafa ƙasar Yarabawa da magoya bayansu a matsayin wawaye. Aregbesola ya bayyana haka ne a wajen taron bikin cikarsa shekara 64 da haihuwa wanda aka gudanar a Zenabab Hotel da ke Ilesha, jihar Osun a Asabar da ta gabata. Ministan ya gargaɗi masu wannan ƙudiri da su yi la'akari da yara ƙanana da mata da tsofoffi da masu fama da nakasa da ake da su a yankin. Ya ce Nijeriya ita ce ƙasar da za ta cire wa yankin Afirka kitse a wuta daga kowane irin…

09 Jun

HOTO: Yayin taron majalisar tsaro ƙarƙashin jagorancin Buhari

EditorLabarai

A Talatar da ta gabata Shugaban Ƙasa Muhammadu Buhari ya kira wani taron gaggawa tsakaninsa da shugabannin tsaro kan sha'nin tsaron ƙasa. Taron ya gudana ne a Fadar Shugaban Ƙasa da ke Abuja.

08 Jun

Matawalle ya dawo da wasu tuɓaɓɓun kwamishinonisa, ya dakatar da sarakuna biyu

EditorLabarai

Daga WAKILINMU Gwamnan Jihar Zamfara, Bello Matawalle, ya sake naɗa wasu daga cikin kwamishinonin da ya sauke a baya da kuma naɗa wasu shugabannin hukumomin gwamnati. Idan dai za a iya tunawa, a ranar 1 ga watan Yuni, 2021, Gwamna Matawalle ya sauke Sakataren Gwamnatin Jihar, Alhaji Bala Bello tare da kwamishinoni 23. Bayanin dawo da Kwamishinonin na ƙunshe ne cikin wata sanarwa da ta samu sa hannun Shugaban Ma'aikatan Jihar kuma Muƙaddashin Sakataren Gwamnatin Jihar, Kabiru Balarabe, a ran Talata a Gusau, babban birnin jihar. Kwamishinonin da aka sake dawo da su, su ne Alhaji Ibrahim Dosara a matsayin…

08 Jun

Labari da zafi-zafinsa: Buhari ya kira taron gaggawa kan sha’anin tsaron ƙasa

EditorLabarai

Yanzu haka Shugaban Ƙasa Muhammadu Buhari na kan ganawa da shugabannin tsaro a wani taron gaggawa da ya kira kan sha'anin tsaron ƙasa. Taron na gudana ne a Fadar Shugaban Ƙasa da ke Abuja. Mahalarta taron sun haɗa da Shugaban Ƙasa MuhammaduMBuhari da mataimakinsa Yemi Osinbajo, Shugaban Tsaro, General Lucky Irabor; Shugaban Sojijin Ruwa, Vice Admiral Awwal Zubairu, Shugaban Sojojin Sama, Air Marshal Isiaka Amoo da kuma sabon Shugaban Sojoji, Major General Farouk Yahaya. Sauran su ne, Babban Sufeton 'Yan Sanda, Usman Alkali Baba; Shugaban Cibiyar Tattara Bayanan Sirri (NIA), Ahmed Rufa’i; Darakta Janar na DSS, Yusuf Bichi, da sauran…

08 Jun

NBC ta buƙaci gidajen rediyo da talabijin su dai amfani da Tiwita

EditorLabarai

Daga WAKILINMU Hukumar Kula da Gidajen Rediyo da Talabijin ta Ƙasa (NBC), ta bai wa tashoshin rediyo da talabijin na faɗin Nijeriya umarnin dakatar da yin amfani da Tiwita. NBC ta ce ɗaukar wannan mataki ya biyo bayan dakatar da Tiwita a Nijeriya da Gwamnantin Taray ta yi kan yadda ta ce kafar ba ta mutunta Nijeriya. Hukumar ta buƙaci tashoshin da su hanzarta katse shafukansu a manhajar Tiwita a matsayin hanyar tattara bayanai da yaɗa harkokinsu. Muƙaddashin Babban Daraktan hukumar, Farfesa Armstrong Idachaba, shi ne ya ba da wannan umarni a Abuja a Litinin da ta gabata.

08 Jun

Cutar Korona: Ƙarin mutum 49 sun harbu a Nijeriya

EditorLabarai

Daga UMAR M. GOMBE Cibiyar Yaƙi da Yaɗuwar Cututtuka ta Nijeriya (NCDC) ta ce a halin yanzu adadin mutane da suka kamu da cutar korona a faɗin ƙasa ya kai 166,816 bayan da aka samu ƙarin mutum 49 da suka harbu da cutar a tsakanin sa'o'i 24 da suka gabata. NCDC ta ba da wannan bayani ne a shafinta na intanet. Inda ta ce ƙarin da aka samu ya shafi wasu jihohi ne da suka haɗa da Ondo mai mutum 30, Legas na da 15, Kaduna na da 2, sannan Gombe da Adamawa kowacce na da ɗai-ɗai. A cewar NCDC,…