Daga BELLO A. BABAJI a Abuja
Ana cigaba da jimamin rashin tsohon Shugaban Ƙasa Muhammadu Buhari a yau Talata, yayin da iyalansa ƙarƙashin jagorancin Fatima Buhari suka je wajen jana’izar a Daura.
An ga yadda Fatima ke zubar da ƙwalla a lokacin da ta isa gidansa dake garin, inda a nan ne za a yi jana’izar.
Haka kuma an ga yadda makusantanta suke lallashin ta yayin da suke tarbar su.
Sannan, gabannin haka ne sauran iyalan suka isa birnin domin gudanar da shirye-shiryen jana’izar.
A safiyar yau ne gawar ta bar Landon zuwa Nijeriya, wadda za a yi jana’izarta da misalin ƙarfe 2 na rana.
