Daga BELLO A. BABAJI a Abuja
Shugaba Bola Tinubu yana halin ganawa da jagororin hukumomin tsaron Nijeriya a Fadar Shugaban Ƙasa da ke Abuja.
Babban Hafsan Tsaro (CDS), Janar Olufemi Oluyede ne ya jagoranci tawagar a fadar.
Sauran waɗanda suka samu halartar zaman sun haɗa da Shugaban sojojin ƙasa (COAS), Lt. Janar W. Shaibu; Shugaban Sojin Sama, CAS, Air Marshal Sunday Aneke; da Shugaban Sojin Ruwa, CNS, Vice Admiral I. Abbas.
Haka kuma, akwai shugaban sashen leƙen asiri, CDI, Lt. Janar Emmanuel Undiandeye; Shugaban DSS, Adeola Ajayi, da Sufeto Janar na ƴan sanda, IGP, Kayode Egbetokun.
Amma ba a samu jin ainihin maƙasudi zaman ba, wanda wasu ke ganin ana yi ne bisa la’akari da taɓarɓarewar tsaro a sassan ƙasar.
A yammacin jiya Litinin ne Ministan Ilimi, Badaru Abubakar ya yi murabus daga muƙaminsa, yayin da a yau Shugaba Tinubu ya sanar da bada sunan tsohon babban hafsan tsaro, Janar Christopher Musa Gwabin ga Majalisar Dattawa domin tabbatar da shi a muƙamin.
