Editor - Manhaja - Blueprint Hausa version

08 Mar

ECOWAS za ta karrama Buhari kan bunƙasa dimokuraɗiyya

EditorBabban Labari

Daga BASHIR ISAH Ƙungiyar Bunƙasa Tattalin Arzikin Ƙasashen Afirka ta Yamma (ECOWAS), ta ce ta kammala shirinta don karrama Shugaban Ƙasa Muhammadu Buhari da lambar yabo saboda nasarorin da ya samu a fannin tsaro da dimokuraɗiyya. Wannan na zuwa ne yayin da Buhari yake shirin kammala wa'adin mulkinsa na biyu. Shugaban ECOWAS kuma Shugaban Ƙasar Guinea Bissau, Umaro Sissoco Embalo, shi ne ya bayyana haka a wajen taron ƙawancen da suka yi yayin da suka haɗu a wajen Babban Taron Majalisar Ɗinkin Duniya da aka gudanar a Doha, babban birnin Qatar. Shugaba Embalo ya ce Buhari ya taka rawar gani…

08 Mar

Mazauna Abuja na fuskantar matsanancin matsalar fetur

EditorKasuwanci, Labarai

Daga MAHDI M. MUHAMMAD Yawancin masu ababen hawa a Babban Birnin Tarayya Abuja, na fuskantar matsalar man fetur da dogayen layuka ake cigaba da yi a gidajen man. Wakilin Kamfanin Dillancin Labarai na Nijeriya da ya sa ido a gidajen mai a Abuja a ranar Talata, ya ba da rahoton cewa, yawancin gidajen fetur ɗin a rufe suke, yayin da kaɗan ne kawai ke badawa, wanda ya haifar da mummunar cunkoson ababen hawa saboda dogayen layukan da ake yi. Masu motocin sun kuma nuna rashin jin daɗinsu kan ƙarancin tsabar kuɗaɗen da ake samu a ƙasar nan, wanda suka ce…

08 Mar

Dillalan hatsi sun ƙi amincewa da tiransfa a Abuja

EditorKasuwanci

Daga MAHDI M. MUHAMMAD Dillalan hatsi a kasuwannin bayan gari a Babban Birnin Tarayya, Abuja, na ƙin amincewa da hada-hadar kuɗi na tiranfa daga kwastomomi, duk da ƙarancin tsabar kuɗi na babban bankin Nijeriya, CBN. Wakilin Kamfanin Dillancin Labaran Nijeriya da ya sa ido a kasuwannin Nyanya, Karu, Mararaba da Masaka a ranar Talata a Abuja, ya lura ’yan kasuwar ba sa karɓan tiranfa sai tsabar kuɗi. A cewar ’yan kasuwar, suna sayen kayayyakin ne kai tsaye daga hannun manoman karkara waɗanda ba su yarda da wani nau’i na hada-hadar banki na lantarki ba. Kadijat Ibrahim, ’yar kasuwa a kasuwar…

08 Mar

APC ta naɗa manyan lauyoyin da za su kare nasarar Tinubu a kotu

EditorLabarai

Daga WAKILINMU Jam’iyyar APC ta haɗa kan wasu manyan lauyoyi su 12 don su wakilce ta a kotu kan ƙarar da aka shigar kotu dangane da zaɓen Shugaban Ƙasar da ya gabata. Sanarwar da APC ta fitar ta hannun mai ba ta shawara kan sha’anin shari’a, Ahmad El-Marzuq, ta ce tawagar na ƙunshe da ƙwararrun lauyoyi da suka goge a fagen shari’a zaɓe. El-Marzuq ya ce lauyoyin za su gudanar da aikinsu ne ƙarƙashin jagorancin fitaccen lauyan nan masanin makamar aiki, wato Prince Lateef Fagbemi. Ya yi kira ga mambobin APC da su bai wa lauyoyin haɗin kan da ya…

08 Mar

Zargin maguɗi: INEC ta dakatar da Kwamishin Zaɓe na Sakkwato

EditorLabarai

Daga BASHIR ISAH Hukumar Zaɓe ta Ƙasa, INEC, ta dakatar da Kwamishinan Zaɓe na Jihar Sakkwato, Nura Ali, bisa zargin tafka maguɗi. Bayanin dakatarwar na ƙunshe ne a cikin wata wasiƙa mai ɗauke da sa hannun Sakatariyar INEC, Rose Orlaran-Anthony, wadda hukumar ta aike wa Kwamishinan da kuma Sakataren hukumar na Jihar Sakkwato. A cewar wasiƙar mai ɗauke da lamba: INEC/SCE/442/V.II, “Wannan shi ne don sanar da matsayar hukumar a kanka (Dr Nura Ali), Kwamishinan Zaɓe na Jihar Sakkwato, cewa ka yi nesa da ofishin hukumar a Jihar Sakkwato har sai abin da hali ya yi.” INEC ta ba da…

08 Mar

Amfani da tsohon kuɗi: Har yanzu bankuna a Abuja ba su bi umarnin Kotun Ƙoli ba

EditorKasuwanci, Labarai

Daga MAHDI M. MUHAMMAD Har yanzu ’yan Nijeriya ba su samu wadataccen sababbi da tsofaffin takardun Naira ba kwanaki bayan da Kotun Ƙoli ta bayar da umarni ga Babban Bankin Nijeriya (CBN) kan cigana da amfani tsoffin takardar kuɗi daga ranar 10 ga watan Fabrairu. Har yanzu dai bankunan da ke Abuja ba su nuna gamsuwarsu kam wannan batu ba, saboda har yanzu mazauna garin na fuskantar matsalolin ƙarancin kuɗi a wuraren cire kuɗi na ATM na POS. A ranar Juma’a ne ƙotun ƙolin ƙasar ta halasta amfani da wasu tsofaffin takardun kuɗin Naira a matsayin takardar kuɗi har zuwa…

08 Mar

Ganduje ya yi wa fursunoni da dama afuwa

EditorLabarai

Daga RABIU SANUSI a Kano Gwamna Abdullahi Umar Ganduje na Jihar Kano ya ba da umarnin a saki wasu fursunoni 12 daga gidan yari a ranar Talata. Wannan na zuwa ne yayi da ya rage kwanaki ƙalilaln kafin zaɓe gwamnoni da na 'yan majalisun jihohi da za a gudanar a faɗin ƙasa. Bayanin afuwar na ƙunshe ne a wata sanarwa da Kakakin hukumar kula da gidan yari na Kano, SC Musbahu Lawan Ƙofar Nasarawa ya fitar ga manema labarai. Sanarwar ta ce Gwamna Ganduje ya yafe ma waɗanda aka yanke wa hukuncin kisan ne a ranar Talata, kuma ya umarci…

08 Mar

Dattijon ƙasa, Musan Musawa ya rasu yana da shekara 86

EditorLabarai

Daga BASHIR ISAH Allah Ya yi wa dattijon ƙasa, Alhaji Musan Musawa rasuwa yana da shekara 86. Marigayin ya rasu ne ranar Talata bayan fama da rashin lafiya. An haifi marigayin ne ran 1 ga Afrilun 1937, tsohon ɗan jarida, diflomasiyya, siyasa ne. Ya rasu ya bar 'ya'ya da dangi da dama, ciki har da mataimakiyar kakakin kwamitin yaƙin neman zaɓen shugaban ƙasa na Jam'iyyar APC, Barista Hannatu Musawa, wadda marubuciya ce a Jaridar Leadership. Tuni zaɓaɓɓen Shugaban Ƙasa mai jiran gado, Asiwaju Bola Ahmed Tinubu, ya bayyana alhini tare da miƙa ta'aziyyarsa ga iyalan marigayin. Cikin sanarwar da ya…

07 Mar

Ƙungiya ta ɗauki nauyin horar da mata 100 girki a Kano

EditorUncategorized

Daga IBRAHIM HAMISU, a Kano Ƙungiyar Northern Chef Kamal Foundation ta shirya tsaf don koyar da mata 100 girke-girke saboda ƙaratowar azumi. Taron ba da horon zai zai gudana ranar Laraba, 8 ga Maris, a Unguwar Hotoro, Kano. A tattaunawar da ya yi da Blueprint Manhaja, shugaban ƙungiyar, Kamal Ahmad, ya ce ranar ta zo daidai da babbar rana ga mata, wato Ranar Mata ta Duniya, Ya ce babban maƙasudin koyar da mata a wannan karon shi ne samar da ingantaccen abinci mai gina jiki musamman a watan azumin Ramadan da ke ƙaratowa, da kuma ƙara kulla kyakkyawar alaƙa a…

07 Mar

Sunan Alhassan Doguwa ya yi ɓatan-dabo daga jerin sunayen waɗanda suka ci zaɓe

EditorLabarai, Siyasa

Daga BASHIR ISAH Sunan Shugaban Masu Rinjaye a Majalisar Wakila, Alhassan Ado Doguwa, ya yi ɓatan-dabo daga jerin sunayen 'yan majalisun da suka lashe zaɓe a zaɓen Shugaban Ƙasa da na 'yan majalisun tarayya da ya gudana ranar 25 ga Fabrairu. Wannan na zuwa ne bayan da kotu ta amince ta ba da belin ɗan majalisar wanda ke tsare a kurkuku bisa zargin haddasa rikicin siyasa. Duk da dai an ayya Alhassan Doguwa a matsayin wanda ya lashe zaɓen yankinsu, sai dai ba a ga sunansa ba daga jerin sunayen 'yan takarar da Hukumar INEC ta fitar a ranar Talata…