Editor - Manhaja - Blueprint Hausa version

14 May

Matsalar tsaro ta mayar da Jihar Kaduna shekaru 50 baya – Kudan

EditorLabarai

Daga SANI AHMAD GIWA a Abuja Ɗan takarar Gwamnan Jihar Kaduna a inuwar Jam’iyyar PDP, Hon. Isah Ashiru Kudan, ya bayyana cewa babban abin da zai fi maida hankali a kai idan ya zama Gwamnan Kaduna shi ne magance matsalar tsaro a jihar. Da yake zantawa da manema labarai jim kaɗan bayan ya ƙaddamar da kwamitin kamfen ɗin sa a garin Kaduna, Ashiru ya ce dalilin matsalar rashin tsaro da rarrabuwar kai a Jihar Kaduna ya sa an samu koma baya a wajen cigaba da raya jihar. ”Ina da ƙwarewa a harkar sanin yadda ake hulɗa da jama’a da kuma…

14 May

Yajin aikin ASUU: Za mu rufe filayen jirage, titina da wajen zaɓukan fidda-gwani – NANS

EditorLabarai

Daga SANI AHMAD GIWA a Abuja Ƙungiyar Ɗalibai ta Ƙasa (NANS), ta yi barazanar rufe filayen jirgin sama, manyan tituna da guraren zaɓukan fidda-gwani a ƙasar nan domin nuna rashin jin daɗin ta da ƙarin tsawaita yajin aiki da ASUU ta yi na makonni 12. A wata sanarwa da Shugaban NANS na Ƙasa, Sunday Asefon ya yi a ranar Litinin, ƙungiyar ta yi alla wadai da abinda ta suffanta da halin ko-in-kula da Gwamnatin Shugaban Ƙasa Muhammadu Buhari ke yi a kan lamarin. Shugaban NANS ɗin ya kuma tabbatar da cewa ɗalibai za su yi tsinke a duk guraren zaɓukan…

14 May

Zaɓen fidda gwani: Tinubu ya ziyarci Gwamna Bello don neman goyon bayan deleget

EditorSiyasa

Daga BASHIR ISAH Tsohon Gwamnan Jihar Legas kuma ɗan takarar Shugaban Ƙasa ƙarƙashin Jam'iyyar APC, Bola Ahmed Tinubu, ya ziyarci Gwamnan Jihar Neja, Abubakar Sani Bello, domin neman goyon bayan deleget na jihar yayin zaɓen fidda gwani na APC mai zuwa. Yayin ziyarar tasa a rana Juma'a, Tinubu ya gana da Gwamna Bello tare da 'yan majalisarsa inda suka tattauna muhimman batutuwa. Gwamna Bello tare da muƙarrabansa ne suka tarbi Tinubu da tawagarsa a filin jirgin saman da ke Minna Babban Birnin Jihar.

14 May

Shugaban Haɗaɗɗiyar Daularar Larabawa, Kalifa bin Zayed ya kwanta dama

EditorKasashen Waje

Daga BASHIR ISAH Shugaban Haɗaɗɗiyar Daular Larabawa kuma ɗaya daga cikin attajiran sarakunan duniya, Sheikh Khalifa bin Zayed al-Nahyan ya rasu. Sheikh Khalifa wanda ya bar duniya yana da shekara 73, ya soma mulkinsa ne tun a 2004, duk da dai galibi mataimakansa ke gudanar da harkokin mulki a madadinsa tun bayan da ya kamu da lalurar shanyewar ɓarin jiki a 2014. A halin da ake ciki, ɗan uwan marigayin Mohamed bin Zayed al-Nahyan, shi ne ke kula da sha'anin mulkin daular. Kamfanin dillancin labarai na WAM da ke daular, shi ne ya ba da sanarwar rasuwar basaraken. A matsayinsa…

13 May

An kafa ƙungiyar bada ilimin sana’o’i ta Sin da Afrika

EditorKasashen Waje

Daga CMG HAUSA A ranar 11 ga wata, ƙungiyar mu’ammala ta fuskar ba da ilimi ta ƙasar Sin, ta kira wani taro na ingiza shirin ba da ilimin sana’o’i tsakanin Sin da Afrika, kuma taron kafa ƙungiya a wannan fanni ta kafar bidiyo da a zahiri, don tabbatar da shawarwarin haɗin kan Sin da Afrika, da shugaban ƙasar Sin Xi Jinping ya gabatar a gun taron ministoci karo na 8 na dandalin tattaunawar hadin kan Sin da Afrika. Mataimakin daraktan sashin hadin kan ƙasa da ƙasa, da yin mu’amala na hukumar ba da ilmi na Sin Jia Peng, ya taya…

13 May

MOFA: Sin da Amurka na iya yin hulɗar abota na bai ɗaya

EditorKasashen Waje

Daga CMG HAUSA Mai magana da yawun ma'aikatar harkokin wajen ƙasar Sin Zhao Lijian, ya bayyana a yayin taron manema labarai Jumma'ar nan cewa, a matsayinsu na ƙasashen dake yankin Asiya da tekun Pasifik, ƙasashen Sin da Amurka za su iya yin hulɗar abokantaka na bai ɗaya. Zhao ya bayyana haka ne a lokacin da yake ƙarin haske, kan wani taro na musamman da ya gudana tsakanin Amurka da kuma ƙungiyar ƙasashen da ke yankin kudu maso gabashin Asiya (ASEAN), a birnin Washington a ranakun Alhamis da Jumma'a, don tunawa da cikin shekaru 45 da ƙulla hulɗar haɗin gwiwa tsakanin…

13 May

Jakadan Sin: Wanzuwar zaman lafiya ne kariya mafi kyau ga yara a Ukraine

EditorKasashen Waje

Daga CMG HAUSA Wakilin ƙasar Sin ya bayyana a ranar Alhamis cewa, cimma nasarar wanzuwar zaman lafiya shi ne kariya mafi kyau ga ƙananan yara a Ukraine. Dai Bing, mataimakin zaunannen wakilin ƙasar Sin a MƊƊ ya bayyana cewa, neman yadda za a cimma zaman lafiya shi ne kariya mafi kyau ga yara. Tattaunawar sulhu da neman cimma matsaya su ne hanyoyi mafiya tabbaci kuma hanyoyi masu ɓullewa da za su kai ga tsagaita buɗe wuta. Ya kamata al’ummun ƙasa da ƙasa su ƙarfafa gwiwa ga Rasha da Ukraine don su amince ga komawa kan teburin tattaunawar sulhu, kuma a…

13 May

Kotu ta ƙi amsa buƙatar Gwamnan CBN kan takarar Shugaban Ƙasa

EditorLabarai

Daga SANI AHMAD GIWA a Abuja Babbar Kotun Tarayya ta Abuja ta ƙi yarda da buƙatar Gwamnan Babban Bankin Nijeriya (CBN), Godwin Emiefele ta ba shi kariyar neman takarar Shugaban Ƙasa ba tare da ya sauka daga kujerarsa ba. Mista Emiefele dai ya gabatar da buƙatar kotun ta ayyana cewa yana da damar neman takarar shugabancin a ƙarƙashin duk jam'iyyar da yake so, yayin da yake riƙe da muqamin gwamnan bankin. Tun da farko a Litinin lauyan Emiefele, Mike Ozekhome, ya buƙaci kotun da ta amsa buƙatarsu ta bayar da umarni na wucin-gadi na hana Hukumar Zave ta Nijeriya (INEC)…

13 May

Kotun Kano ta yanke wa matashi hukuncin kisa sakamakon garkuwa da kashe yaro

EditorLabarai

Daga SANI AHMAD GIWA a Abuja Babbar Kotun jiha mai lamba 5 da ke zamanta a Kano, ƙarƙashin Mai Shari'a Usman Na-Abba, ta yanke wa wani matashi, Ibrahim Ahmad Khalil hukuncin kisa sakamakon yin garkuwa da kuma kashe wani yaro ɗan shekara 5 da haihuwa. Tun da fari dai kotun ta ce ta samu Khalil da laifin garkuwa da yaron, mai suna Ahmad Ado, kuma ɗan 'yar uwarsa ne, ya kuma kashe shi. Khalil dai ya ɗauke Marigayi Ado a unguwar Karkasara da ke Ƙaramar Hukumar Tarauni a 2019, ya kuma nemi Naira miliyan 20 kuɗin fansa, daga baya kuma…

13 May

Yajin aikin ASUU: Ɗaliban Nijeriya sun bada wa’adin kwanaki tara a buɗe jami’o’in gwamnati

EditorLabarai

Daga SANI AHMAD GIWA a Abuja Ƙungiyar Ɗalibai ta Ƙasa, NANS reshen Kudu maso Gabas ta bai wa Gwamnatin Tarayya da Ƙungiyar Malaman Jami’o’i ta Ƙasa, ASUU wa’adin kwanaki tara da a buɗe dukkanin jami’o’in gwamnati a faɗin ƙasar. Shugaban NANS na shiyyar F, Kudu Moses Onyia, ne ya bada wa’adin a cikin wata sanarwa da babban mai taimakawa kan harkokin yaɗa labarai, Lillian Orji, ya fitar a madadinsa, a ranar Talata a Enugu. Idan za a iya tunawa, ASUU, a ranar Litinin, 9 ga watan Mayu, ta tsawaita yajin aikin gargaɗi na watanni uku da wasu watanni uku. Sanarwar…