Editor - Manhaja - Blueprint Hausa version

29 Oct

Wani matashi ya kashe kansa saboda rashin ƙarfin mazaƙuta a Kwara

EditorLabarai

Daga MAHDI M. MUHAMMAD Hukumar NSCDC ta bayyana cewa, wani matashi ɗan shekara 22 mai suna Shuaib Idris ya kashe kansa a garin Gwanara da ke ƙaramar hukumar Baruten a Jihar Kwara saboda rashin ƙarfin iya saduwa da mata. Hakan na ƙunshe ne a cikin wata sanarwa da kakakin rundunar, Babawale Afolabi ya sanya wa hannu, kuma aka miƙa wa Kamfanin Dillancin Labaran Najeriya (NAN) a Ilorin ranar Juma’a. Sanarwar ta ce, ɗaukacin al'ummar da ke zaune a ginin Ankara Wooro, da ke Gwanara, sun shiga cikin makoki a ranar 28 ga watan Oktoba, yayin da aka gano gawar Idris,…

29 Oct

Bankunan China za su soma karɓar kuɗin Nijeriya

EditorKasuwanci

Daga BASHIR ISAH A wani mataki na yauƙaƙa dangantaka da kuma haɓaka kasuwanci tsakanin China da Nijeriya, China ta ce bankunan ƙasar za su soma karɓar kuɗin Nijeriya, wato Naira. Wannan bayani ya fito ne daga bakin Jakadan Ƙasar China a Nijeriya, Cui Jianchun kamar dai yadda mai bai wa Shugaban Ƙasa Mummadu Buhari shwara kan sabbin kafafen yaɗa labarai, Bashir Ahmad, ya wallafa a shafinsa na facebook a ranar Alhamis. Cui Jianchun ya ce wannan mataki zai taimaka wajen bunƙasawa tare da sauƙaƙa gudanar da harkokin kasuwanci da zuba jari a tsakanin Nijeriya da China.

29 Oct

Zargin cin hanci: Jami’an KAROTA sun miƙa shugabansu ga hukumar ICPC

EditorLabarai

Daga MAHDI M. MUHAMMAD Hukumar yaƙi da cin hanci da rashawa mai zaman kanta (ICPC) ta fara gudanar da bincike kan zarge-zargen da ake yi wa Baffa Baba Ɗan’agundi, Shugaban Hukumar Kula da abeben hawa ta Jihar Kano (KAROTA). Hakan ya biyo bayan wata koke da wasu jami'an hukumar KAROTA suka rubuta wa hukumar ICPC inda suke tuhumar shugaban nasu da yawan karbar cin hanci. A cikin karar da suka shigar mai take: ‘Wasiƙar koka da Shugaban Hukumar Kula da ababen hawa ta Jihar Kano (KAROTA) kan ayyukan cin hanci da rashawa,' jami'an sun yi zargin cewa tun lokacin da…

29 Oct

Bankin Access zai haɗe reshensa na ƙasar Zambiya da African Banking Corporation

EditorKasuwanci

Daga AMINA YUSUF ALI A halin yanzu dai Bankin Access yana shirin haɗe reshenta na ƙasar Zambiya da wani sabon bankin da ya mallaka watanni tara da suka wuce a can ƙasar Zambiya. Wato African Banking Corporation, Zambiya. Bankin access shi ne bankin da ya fi kowanne banki a ƙasar nan ƙarfin kadara. Kuma ya samu damar mallakar wancan rukunin bankin na Zambiya watanni tara da suka gabata. Wannan haɗakar kamar yadda jaridar premiumtimes ta rawaito, za ta ƙara haɓaka yawan bankunan Access ɗin a ƙasar Afirka ta Kudu har zuwa rassa guda 70 a ƙasar. Sannan zai ƙara wa…

29 Oct

Ba sai da wayar Andiroi ‘yan Nijeriya za su iya hada-hadar eNaira ba – CBN

EditorKasuwanci

Daga AMINA YUSUF ALI Babban Bankin Nijeriya, CBN ya bayyana cewa, ba fa sai da wayar andiroyi ko da yanar gizo 'yan Najeriya za su iya yin hada-hadar kuɗi na eNaira ba. Ita dai eNaira kamar yadda Babban Bankin ya bayyana cewa, shi ma tsari ne kamar sauran tsarin hada-hadar kuɗi ta yanar gizo ko manhajojin hada-hadar kuɗi na kan waya da muke da su da ma. Inda ya ƙara da cewa, tsarin zai ƙara wa 'yan Najeriya sauƙin hada-hadar banki tare da faɗaɗa shi. Domin za a dinga hada-hadar ba tare da sayen data don shiga yanar gizo ba.…

29 Oct

Hukumar SON ta bada shaidar ingancin kaya ga kamfanoni 13 a Kano

EditorKasuwanci

Daga AMINA YUSUF ALI Hukumar nan mai tabbatar da ingancin kayayyaki ta Nijeriya ta miƙa takardun shaidar tantancewa da tabbatar da inganci (MANCAP) ga wasu kamfanoni 13 a Kano. Hakan ta faru ne ranar alhamis 23 ga Oktoba, 2021. A jawabinsa, Darakta Janar na hukumar SON, Malam Faruk Salim, wanda shugaban tsare-share na yanki, Mista Usman Muhammad ya wakilta, ya bayyana cewa, wannan shaidar tantancewar da tabbatar da ingancin kaya, (MANCAP) dole ce ga dukkan wani mai riƙe da ƙananan masana'antu ko kamfanoni. Ya ƙara da cewa, ita takardar shaidar ta MANCAP ita ce shaidar da za ta tabbatar da…

29 Oct

Hattara: ‘Yan damfara sun buɗe haramtattun shafukan yanar gizo na E-Naira – CBN

EditorKasuwanci

Daga AMINA YUSUF ALI Babban Bankin Najeriya (CBN) ya gargaɗi al'ummar Najeriya a game da bullar wasu shafukan yanar gizo a kan E-Naira. Wannan yana ƙunshe ne a cikin wani jawabi da Babban Bankin ya gabatar ranar Larabar da ta gabata. A cewar jawabin, tuni ma mazambatan suna can suna damfarar mutane. Wannan aika-aikar ta biyo bayan ƙaddamar da sabuwar fasahar hada-hadar kuɗi ta E-Naira da aka gabatar da ita ga 'yan ƙasar nan. Wadda shugaban ƙasa Muhammad Buhari ya ƙaddamar da ita a ranar Larabar da ta gabata, 25, ga watan Oktoba, 2021. A don haka, aka samu ɓullar…

29 Oct

Kisan biri ba sai da igwa ba

EditorRa'ayi

Daga NASIRU ADAMU EL-HIKAYA Ina fatan kowa yana lafiya musamman ma'abota wannan shafi na ALƘIBLA da ke zuwa duk mako. Taken wannan rubutun kamar yadda ya ke a sama wato ‘kisan biri ba sai da igwa ba’ zai iya sa ma'abota sauraron waƙoƙin gargajiya su fahimci inda na dosa wato waƙar marigayi Alhaji Mamman Shata Katsina ga direba Ummaru Ɗanɗan Duna na Gwandu. Dalilin kowa labarin a fili ya ke shi ne rasuwar Alhaji Ummarun da ke zaune a Kano shekara da shekaru. Shafukan yada zumunta na mutan Arewa masu nazartar waƙa da lamuran al'adun da su ka shafi yankin…

29 Oct

Majalisar Ɗinkin Duniya ta ƙulla yarjejeniya da sojojin Nijeriya don magance matsalolin tsaro

EditorLabarai

Daga NASIR S. GWANGWAZO Majalisar Ɗinkin Duniya ta ƙulla yarjejeniya da rundunar sojin ƙasar Najeriya domin magance matsalolin tsaro a faɗin ƙasar haɗa da yankin sahel. Babban Wakilin Babban Sakataren Majalisar Ɗinkin Duniya mai kula da Africa ta Tsakiya, Mai girma Mahamat Khatir Annadif, shi ne ya bayyana hakan a yayin ziyarar sa ga Babban hafsan sojojin Najeriya, Laftanar Janar Faruk Yahaya a Shelkwatar rundunar da ke Abuja. Inda yaba wa rundunar sojin Nijeriya kan sha'anin magance matsalolin tsaro ƙasar da kuma yankin sahel. Jakadan ya na tare ne da Wakilin Musamman na Babban Sakataren Majalisar, Mai girma Mr Francois…

29 Oct

Sojoji sun hallaka maharin ‘yan awaren Biafra

EditorLabarai

Daga NASIR S. GWANGWAZO Dakarun da ke gudanar da Atisayen GOLDEN DAWN sun sami nasarar hallaka wani mahari ɗan ƙungiyar 'yan awaren Biafra bayan ya kai hari a sansanin rundunar da ke Amaekpu da ke ƙaramar hukumar Ohafia a jihar Abia ranar Alhamis da ta gabata. Rundunar ta bayyana wannan nasarar da ta samu ne cikin sanarwar manema labarai da ta fitar ran Alhamis mai ɗauke da sa hannun Birgediya Janar Onyema Nwachukwu wanda shi ne daraktan hulɗa da jama'a na rundunar sojojin Nigeriya. A cewar rundunar, "Maharan waɗanda ke ɗauke da makamai a cikin motoci sun buɗe wuta kan…