Babaji

5684 Posts

Shettima ya dawo Nijeriya bayan taron BRICS a Indiya

Daga BELLO A. BABAJI a Abuja Mataimakin Shugaban Ƙasa Kashim Shettima ya dawo Nijeriya bayan wakiltar Shugaba Bola Ahmed Tinubu a taron jagororin ƙasashen BRICS da aka gudanar a birnin New Delhi na ƙasar Indiya. A yayin ziyarar, Shettima ya shiga sahun tattaunawa da wakilan ƙasashe daban-daban kan muhimman batutuwan da suka shafi ci-gaba da nufin faɗaɗa damarmakin ci-gaban tattalin arziƙin Nijeriya da janyo ra’ayoyin ƙasashe a harkar difulomasiyya. Kakakin mataimakin shugaban ƙasar, Stanley Nkwocha ne ya bayyana haka a wata sanarwa da ya fitar a ranar Talata. Ya ce, daga cikin hada-hadar da aka dama da Shettima akwai ganawarsa…
Read More

Gwamnatin Sakkwato ta kafa kwamitin binciken kisa yayin da ta rufe masallacin Sheikh Lukuwa

Daga BELLO A. BABAJI a Abuja Gwamnatin Jihar Sakkwato ta umarci a rufe Masallacin Juma'a na Sheikh Musa Lukuwa da ke Mabera a cikin garin Sakkwato bayan wani hari na kwanan nan da kisa da suka auku a masallacin. Rahotanni sun bayyana cewa, gwamnatin ta kuma kafa kwamitin malamai da za su yi bincike kan ababen da suka haddasa faruwar al'amarin da kuma bayar da shawarwarin da za su taimaka wajen kauce wa faruwar irin haka a nan gaba. Masallacin, wanda gwamnatin jihar ta bayyana a matsayin "wurin laifi", zai cigaba da kasancewa a rufe har illa ma sha Allahu,…
Read More

Dakarun tsaro sun halaka gomman ‘yan ta’adda bayan afka wa maɓoyarsu a Kebbi

Daga BELLO A. BABAJI a Abuja Haɗakar jami'an tsaro na Rundunar 'Yan sanda a Jihar Kebbi da sojoji, ta yi nasarar halaka wasu dandazon 'yan ta'adda yayin wani atisayen haɗaka a Dajin Gumki da ke Ƙaramar Hukumar Kangiwa a jihar. Rahotanni sun nuna cewa, an gudanar da atisayen ne da misalin ƙarfe 6:05 na safiyar ranar Litinin, 14 ga Satumba, 2026, wanda ya kuma taimaka wajen ƙwato wasu bindigogi, alburusai, babura da wasu ababe da ake zargin na 'yan ta'addan ne. Kakakin rundunar 'yan sandan Kebbi, SP Bashir Usman da Mai magana da yawun Shiyya ta 8 ta Rundunar Sojin…
Read More

Ankarar hare-hare: ‘Yan sanda sun ƙarfafa tsaro a makarantu, sansanonin NYSC da cibiyoyin ibada

Daga BELLO A. BABAJI a Abuja Hukumomin tsaro sun ɗauki matakan ƙarfafa ayyukan tsaro a yankunan makarantu, sansanonin horo na NYSC, wuraren ibada da wasu gurare masu sauƙin fuskantar hare-hare bayan samun wasu bayanan sirri da ke nuna cewa 'yan ta'adda suna shirin ƙaddamar da hare-hare a sassan Nijeriya. A wani saƙon ankararwa da Rundunar 'Yan sandan Nijeriya ta fitar, wadda aka raba wa rassanta a faɗin ƙasar, hukumar ta yi gargaɗin shirin hare-haren da akwai yiwuwar a ƙaddamar da su a daidai lokacin da ake koma wa harkokin karatu na zangon 2026/2027. A cewar sanarwar, bayanan sirri da aka…
Read More

Kotu ta ɗage shari’ar neman dakatar da jagorancin su David Mark a ADC zuwa 28 ga Satumba

Daga BELLO A. BABAJI a Abuja A ranar Litinin Babbar Kotun Tarayya ta ɗaga sauraron shari’ar ƙarar da ke neman a dakatar da jagorancin tsagin su David Mark a jam'iyyar ADC daga ayyana kansu a matsayin jagororin jam'iyyar zuwa ranar 28 ga Satumba, 2026. Rahotanni sun ce ƙarar, wadda fusataccen mamban ADC, Nafi’u Bala Gombe ya shigar, an sanya ranar sauraron ta ne tare da baki ɗaya ƙorafe-ƙorafen da aka gabatar wa Mai Shari'a Peter Lifu kan al'amarin. Saidai alƙalin bai samu halartar kotun ba, lamarin da ya sa aka gagar cigaba da gudanar da hukunci a kai. A saboda…
Read More

Tinubu ya buƙaci a yi wa jagorancin duniya da tsare-tsaren kuɗi kwaskwarima a taron BRICS

Daga BELLO A. BABAJI a Abuja Shugaba Bola Tinubu ya yi kira da a samar da gyara na gaggawa na gyare-gyare ga tsare-tsaren jagorancin duniya da na harkokin kuɗi na ƙasa-da-ƙasa, yana mai cewa wajibi ne sharuɗɗan da ke tafiyar da harkokin su dace da halin tattalin arziƙi da bambance-bambancen wurare. Tinubu ya bayyana haka ne a ranar Lahadi ta bakin Mataimakin Shugaban Ƙasa Kashim Shettima, a taron jagororin ƙasashen BRICS da ke gudana a New Delhi na ƙasar Indiya. A wata sanarwa da Kakakin mataimakin shugaban ƙasa, Stanley Nkwocha ya fitar, Tinubu ya ce Nijeriya tana bayar da gudummawa…
Read More

Rayuwar Bamanga Tukur shaidar kishin ƙasa ce, inji Obasanjo

Daga BELLO A. BABAJI a Abuja A ranar Lahadi tsohon Shugaban Ƙasa, Cif Olusegun Obasanjo, ya yi jimamin rasuwar tsohon Shugaban Jam'iyyar PDP na Ƙasa, Alhaji Bamanga Tukur, wanda ya rasu kwanaki kaɗan ya cika shekaru 91 a duniya. Obasanjo a wata sanarwa da ya fitar a Abeokuta, babban birnin Jihar Ogun, ya bayyana marigayin a matsayin "mai kishin ƙasa", wanda rayuwarsa ta kasance shaida ga kishi, ƙoƙari mara iyaka kuma jajirtacce wajen hidimta wa al'umma. A sanarwar, wadda kakakinsa, Kehinde Akinyemi ya aike wa manema labarai, Obasanjo ya ce, marigayin ya bayar da gagarumar gudunmawa a fannonin shugabanci, harkokin…
Read More

Al’umma sun koka yayin da farashin fetur ya kusa N1,500

Daga BELLO A. BABAJI a Abuja Yayin da farashin fetur ke cigaba da hauhawa a sassan Nijeriya, al'umma sun nuna damuwa biyo bayan sabunta farashi da Kamfanin Matatar Ɗangote ya yi, inda ya ƙara Naira 85 ga kowace lita yayin da saurin ƙarin farashin mai a matakin ƙasa-da-ƙasa ke cigaba da haifar da matsi. Rahotanni sun bayyana cewa kamfanin man Ɗangote ya ƙara farashin litar ne daga N1,265 zuwa N1,350, wanda ke wakiltar samun kaso 6.7 na ƙarinkuma ya kusanta shi da N1,500 a wasu sassan ƙasar. Hakan na zuwa ne yayin da aka ga wasu gidajen mai sun ƙara…
Read More

Matafiya tara sun rasu yayin da wasu suka jikkata bayan ‘yan bindiga sun buɗe wa mota wuta a Filato

Daga BELLO A. BABAJI a Abuja Kimamin mutane 15 ne 'yan bindiga suka halaka a mabambanta hare-hare a ƙananan hukumomin Jihar Filato uku, ciki har da fasinjoji guda tara da ke kan hanyar zuwa Jos. Hare-haren sun auku ne a daren Lahadi wayewar Litinin a ƙauyukan Dungusa da ke Jos ta Kudu, Vodni a Mangu da Tahoos a Riyom, lamarin da ya tayar da fargaba acikin mazauna da matafiya a jihar. Mafi muni daga ciki ya auku ne da misalin ƙarfe 9:40 na dare a Dungus, inda wasu da ake zargin 'yan ta'adda ne suka buɗe wa wata mota wuta…
Read More

Hutu: Tinubu ya isa Paris

Daga BELLO A. BABAJI a Abuja Shugaba Bola Ahmed Tinubu ya isa birnin Paris na ƙasar Faransa, a matsayin ɓangare na biyu na hutunsa na shekara mai tsawon mako uku da ya je Nahiyar Turai domin gudanarwa. Hakan ya biyo bayan kammala zamansa ne a Landon ta ƙasar Ingila. Tinubu ya isa babban birnin Faransan ne a ranar Lahadi, 13 ga Satumba, 2026 yayin da wa'adin hutun nasa ya shiga zango na biyu. Sannan, ya samu tarba daga Jakadan Nijeriya a Faransa, Emmanuel Ayodele Oke, a cewar wasu rahotanni da aka fitar kan isar Shugaban. Wannan shi ne sabon cigaba…
Read More