ukarofi - Manhaja - Blueprint Hausa version

21 Feb

ICPC na bin diddigin ayyukan mazaɓu na Naira biliyan 13.5 a Katsina

ukarofiLabarai

Daga UMAR GARBA a Katsina Hukumar ICPC mai yaƙi da cin hanci da rashawa a Nijeriya ta ƙaddamar da mataki na takwas na shirin bibiyar ayyukan mazaɓu da na sashen zartarwa a Jihar Katsina, inda ake sa ido kan jimillar ayyuka 39 da kuɗin su ya kai naira biliyan 13.5 a yankunan sanatoci da mazaɓun tarayya na jihar. A cewar hukumar, tawagar bibiyar ayyukan ta haɗa da manyan jami’ai daga hedikwata da ofishin Katsina. Hukumar ta ce ana gudanar da aikin ne tare da haɗin gwiwar Nigerian Institute of Quantity Surveyors da kafafen yaɗa labarai domin tabbatar da inganci, amfani…

21 Feb

Ramadan: Gidauniyar Gwagware ta yi Allah wadai da ‘yan kasuwar kayan masarufi

ukarofiLabarai

Daga ABDULLAHI MUHAMMAD a Katsina A duk lokacin da watan azumin Ramadan ya kusanto ta a lokacin ne 'yan kasuwa musamman masu sayar da kayan masarufi da na marmari ke ƙara farashin kayan su. Duk da kiraye kiraye da malamai, sarakuna da sauran manyan gari ke yi ga 'yan kasuwan da su dubi darajar wannan wata su guji ƙara farashin kayan abinci "amma a maimakon su bar farashin yadda yake a lokacin wata mafi daraja suka ƙara farashin,"inji wani malami. Kan haka ne Gidauniyar Gwagware Musa Adamu tayi tir da Allah wadai tare da kiran gwamnati ta kafa ƙwaƙƙwarar kwamiti…

21 Feb

Birtaniya ta daina manna biza a fasfon ’yan Nijeriya bayan rungumar tsarin fasahar zamani

ukarofiKasashen Waje

Daga MAHDI MUSA MUHAMMAD Gwamnatin ƙasar Birtaniya ta sanar da cewa daga ranar 25 ga Fabrairu 2026 za ta daina manna alamar biza a cikin fasfo ga matafiya ’yan Nijeriya, inda za ta maye gurbinsa da cikakken tsarin visa na fasahar zamani, wato eVisa. Hukumomi sun bayyana matakin a matsayin wani babban sauyi a tsarin shige da ficen ƙasar. Sanarwar da Ofishin Bayar Da Biza Na Hukumar Shige Fice Ta Birtaniya (UKVI) ya fitar a Abuja ta ce duk sabbin bizar ziyara (Visit visas) da za a bai wa ’yan Nijeriya za su kasance na fasahar zamani ne kacokan. Wannan…

21 Feb

2027: Obi ya yi barazana idan aka kauce wa ƙirga ƙuri’a

ukarofiLabarai

Daga MAHDI MUSA MUHAMMAD Tsohon ɗan takarar shugaban ƙasa na jam’iyyar Labour Party (LP) a zaɓen 2023, Peter Obi, ya janyo cece-kuce a kafafen sada zumunta bayan ya bayyana cewa magoya bayansa za su mayar da martani idan har aka yi yunƙurin kaucewa ƙirga ƙuri'a su a zaɓen 2027. A taron Obidient da ake gudanarwa a Uyo, jihar Akwa Ibom, Obi ya ce: “Idan a akwatin zaɓe na 2027 ba su ƙirga ƙuri'u ba, mu za mu ƙirga mutum.” Maganar nan ta haifar da fassara daban-daban a shafukan yanar gizo da kuma a cikin harkokin siyasa. Wasu daga magoya baya…

21 Feb

WAEC ta fitar da sakamakon jarrabawar WASSCE ta 2025 na masu zaman kansu

ukarofiLabarai

Daga MAHDI MUSA MUHAMMAD Hukumar Shirya Jarrabawar Yammacin Afirka (WAEC), ta sanar da fitar da sakamakon zango na biyu na jarrabawar WASSCE ta 2025 da aka gudanar ta hanyar kwamfuta ga masu zaman kansu, inda ta bayyana cewa an samu raguwar kashi 11.47 cikin ɗari idan aka kwatanta da shekarar 2024. Sanarwar da Shugabar Hulɗa da Jama’a ta WAEC, Moyosola Adesina, ta fitar ta ce kashi 42.17 cikin ɗari na ɗaliban da suka rubuta jarrabawar sun samu aƙalla darussa biyar da maki na kiredit, ciki har da Turanci da Lissafi. Wannan adadi ya ragu daga kashi 53.64 cikin ɗari da…

21 Feb

Majalisar Dattawa ta buƙaci NCDC ta ba noma da tsaro fifiko a kasafin 2026

ukarofiLabarai

Daga MAHDI MUSA MUHAMMAD Majalisar Dattawa ta hannun kwamitinta mai kula da Hukumar Raya Yankin Arewa ta Tsakiya (NCDC) ta buƙaci shugabannin hukumar da su bai wa zuba jari a ɓangaren noma da tsaro muhimmanci na musamman yayin aiwatar da kasafin kuɗin shekarar 2026. Shugaban kwamitin, Sanata Titus Zam, ne ya bayyana hakan a ranar Litinin lokacin da mahukuntan NCDC suka bayyana gaban kwamitin domin kare kasafin kuɗinsu na 2026. Bayan zaman sirri da aka yi da shugabannin hukumar, Zam ya ce kwamitin ya yi nazari kan dukkan abubuwan da ke cikin kasafin, inda ya gano cewa sun dace kuma…

21 Feb

Jiragen ruwa 18 ke sauke kayan fetur a tashoshin Legas – NPA

ukarofiLabarai

Daga MAHDI MUSA MUHAMMAD Hukumar Kula da Tashoshin Jiragen Ruwa ta Nijeriya (NPA) ta bayyana cewa, jiragen ruwa 18 na sauke kayan man fetur da sauran kayayyaki a tashoshin Apapa, Lekki da Tin-Can da ke jihar Legas. NPA ta bayyana cewa, jiragen na sauke takin zamani, sikari, man fetur da sauran muhimman kaya da kwantena. Rahoton Kamfanin Labarai ta Nijeriya (NAN) ya nuna cewa, jiragen ruwa 46 masu ɗauke da man fetur, kayan abinci da sauran kaya ana sa ran isowar su tashoshin Legas tsakanin ranar Asabar zuwa 22 ga Fabrairu. NPA ta ce, jiragen da ake sa ran isowa…

21 Feb

NDLEA ta kama mutum uku da suka haɗiye hodar iblis a filin jirgin Kano

ukarofiLabarai

Daga MAHDI MUSA MUHAMMAD Jami’an Hukumar Hana Sha da Fataucin Miyagun ƙwayoyi ta ƙasa (NDLEA) sun kama wani ɗan kasuwa ɗan asalin Nijeriya mazaunin ƙasar Chana tare da wasu ’yan ƙasar Angola biyu, bayan da suka fitar da jimillar ƙunshin hodar iblis 236 daga jikinsu, bayan gwajin da ya tabbatar da sun haɗiye miyagun ƙwayoyi a filayen jiragen sama na Abuja da Kano. A wata sanarwa da Daraktan Hulɗa da Jama’a na NDLEA, Femi Babafemi, ya fitar a ƙarshen mako, ya ce an kama Ibeanu Vincent Chukwudulue mai shekaru 34 a ranar Laraba 4 ga Fabrairu, 2026, yayin da yake…

21 Feb

Kwastom ta bayyana asalin farashin Dala a tsarin shigo da kaya

ukarofiLabarai

Daga MAHDI MUSA MUHAMMAD Hukumar Kwastom ta Nijeriya (NCS) ta fitar da cikakken bayani kan yadda ake amfani da farashin canjin kuɗin waje wajen kimanta kayayyakin shigo da fitarwa, bayan ce-ce-ku-ce da suka biyo bayan wasu rahotanni kan farashin dala da ake amfani da shi a harkokin Kwastom. A cikin sanarwar da Kakakin Hukumar, Abdullahi Maiwada, ya fitar a madadin Kwanturola-Janar na Kwastom, hukumar ta jaddada cewa ba ita ke ƙayyade ko sauya farashin canjin kuɗin waje da ake amfani da shi ba. Ta bayyana cewa duk farashin da ake amfani da shi a tsarin ta na dijital mai suna…

21 Feb

NITDA ta horar da matan ’yan majalisa amfani da fasahar zamani a fannin jagoranci

ukarofiLabarai

Daga MAHDI MUSA MUHAMMAD Hukumar Bunaasa Fasahar Sadarwa ta ƙasa (NITDA), tare da haɗin gwiwar ƙungiyar Matan 'Yan Majalisar Wakilai (HORSA), sun ƙaddamar da wani shiri na kwanaki biyu a Abuja domin ƙarfafa ƙwarewar jagoranci na fasahar zamani ga matan 'yan majalisar. Taron, mai taken “ƙarfafa Mata Akan Fasahar Zamani: Jagoranci, ƙwarewa, Sama da Damarmaki”, ya mayar da hankali kan ilimin fasahar zamani, wayar da kai kan tsaron yanar gizo, ƙarfafa tattalin arziki, kasuwanci da kuma juriya ta fuskar lafiyar kwakwalwa — musamman ganin nauyin rayuwar jama’a da ke tattare da muƙaman siyasa. Da take jawabi a wajen buɗe taron,…