Labarai - Manhaja - Blueprint Hausa version

22 Feb

NLC a Neja ta janye yajin aiki bayan cimma yarjejeniya da gwamnati

EditorLabarai

Daga BASHIR ISAH Ƙungiyar Ƙwadago ta Ƙasa (NLC) reshen Jihar Neja ta sanar da janye yajin aikin da ta fara a ranar Laraba a jihar. Ƙungiyar ta ce ta dakatar da yajin aikin ne biyo bayan yarjejeniyar da ta suka cimma da ɓangaren gwamnati da kuma don bada zarafin ci gaba da tattaunawa a tsakanin ɓangarorin biyu. Shugaban NLC a jihar, Abdulkareem Lafene, shi ne ya bayyana haka jim kaɗan bayan tattaunawar da suka yi da ɓangaren gwamnati a ranar Laraba. Haka shi ma Gwamnan Jihar, Mohammed Umaru Bago, ya ce lallai sun cimma yarjejeniya kan gwamnatin jihar za ta…

21 Feb

Ban haramta samar da biredi a Zamfara ba – Dauda

EditorLabarai

*Ya ce an haramta kai wa 'yan ta'adda biredi a jihar Daga BASHIR ISAH Gwamna Dauda Lawal na Jihar Zamfara ya yi ƙarin haske inda ya ce bai haramta samar da biredi a sassan jihar ba. Sai dai, ya ce ya haramta duk wata hanya da ake amfani da ita wajen taimaka wa 'yan fashin daji da biredi a jihar. Dauda ya yi wannan ƙarin hasken ne biyo bayan dakatar da samar da biredi a jihar da Ƙungiyar Masu Gasa Biredi ta yi a sakamakon dakatar da harkar babura masu kai wa 'yan fashin daji biredi a jihar da gwamnati…

21 Feb

Gwamna Raɗɗa ya kafa dokar haramta ɓoye kayan abinci a Katsina

EditorLabarai

Daga UMAR GARBA a Katsina Gwamnan jihar Katsina Malam Dikko Umaru Raɗɗa ya saka hannu kan dokar da za ta hana mutane ɓoye kayan abinci. Kafa wannan doka na nufin hana wasu 'yan kasuwa da ake zargi da ɓoye kayan abinci a rumbuna daban-daban don kayan abincin su yi tsada. Kazalika, Gwamnan ya kafa wani kwamiti na musamman da za a ɗora wa alhakin bi lungu da saƙo na jihar don zaƙulo mutanen da suke ɓoye kayan abinci. Dokar ta kuma haramta duk wani yunƙuri na ɓoye kayan abinci a duk faɗin jihar. Haka nan, dokar ta lissafta kayan abinci…

21 Feb

Da Ɗumi-ɗumi: Sanatoci sun taka wa shirin cire tallafin lantarki burki

EditorLabarai

Daga BASHIR ISAH Majalisar Dattawa ta yi kira ga Gwamnatin Tarayya kan kadabta cire tallafin labtarki duba da ƙuncin rayuwar da ake fama da shi a ƙasa Majalisar ta ɗauki wannan mataki ne biyo bayan ƙudirin da aka gabatar mata yayin zamanta a ranar Laraba kan buƙatar ci gaba da bai wa 'yan ƙasa tallafin lantarkin. Sanata mai wakiltar shiyyar Adamawa ta tsakiya Aminu Iya Abbas (PDP), shi ne ya gabatar da ƙudirin. A makon da ya gabata Gwamnatin Tarayya ta ce ba za ta iya ci gaba da bada tallafin wutar lantarki ba. Ministan Lantarki, Adebayo Adelabu ne ya…

21 Feb

Da Ɗumi-ɗumi: Sanatoci sun taka wa shirin cire tallafin lantarki burki

EditorLabarai

Daga BASHIR ISAH Majalisar Dattawa ta yi kira ga Gwamnatin Tarayya kan kadabta cire tallafin labtarki duba da ƙuncin rayuwar da ake fama da shi a ƙasa Karin bayani na tafe….

21 Feb

Ma’aikata sun tsunduma yajin aiki a Neja

EditorLabarai

Ma'aikata sun tsunduma yajin aiki a Neja Daga BASHIR ISAH Ma'aikatan gwamnati a Jihar Neja, sun fara yajin aikin sai-baba-ta-gani domin biyar haƙƙinsu a wajen gwamnati. Da safiyar Laraba ma'aikatan suka fara yajin aikin bisa umarnin Ƙungiyar Ƙwadago (NLC) reahen jihar, lamarin da ya haifar da tsaiko a harkokin jihar. NLC reshen jihar ta ɗauki wannan mataki ne bayan da gwamnatin jihar ta kasa cimma buƙatun mambobinta a jihar. Shugaban NLC na jihar, Idrees Lafene da takwaransa na ƙungiyar 'yan kasuwa, Ibrahim Gana, su ne suka bai wa ma'aikatan jihar unarnin shiga yakin aikin bisa abin da suka kira gazawa…

21 Feb

Auren Dole a Kano: A zaɓa a darje

EditorLabarai

Daga FATUHU MUSTAFA Ya kamata dai a yi mana cikakken bayani, shi wannan auren da ake so a ƙulla a jihar Kano, wai bazawara ce ko budurwa, ko ƙwaila ce za a aurar. Wa za a ba, kuma wai ma wa zai aura? Shin ma an kai kayan mun gani muna so kuwa? Ko an kai kayan banti? Allah ya sa bazawarin ko saurayin yana bayar da kuɗin toshi, ko ɗaurin kaba (in har wacce za a aurar din ta fara ƙirgar dangi). To amma wane irin aure ne ma za a yi? A ƙyanƙyara ne (auren zamani), ko auren…

20 Feb

Bashin kuɗin wutar lantarki: Tinubu ya bada umarin biyan bashin da ke kan Fadar Villa bayan AEDC ya yi barazanar katse wutar fadar

EditorLabarai

Daga BASHIR ISAH Shugaban Ƙasa Bola Tinubu ya bada umarni kan a biya bashin kuɗin wutar lantarkin da kamfanin Abuja Electricity Distribution Company (AEDC) ke bin Fadar Shugaban Ƙasa. Wannan na zuwa ne biyo bayan sanarwar da AEDC ya fitar dangane da waɗanda yake bi bashin kuɗin wuta wanda ya haɗa da Fadar Villa da ke Abuja. Da fari dai AEDC ya fitar da wata sanarwa inda ya yi barazanar katse wutar ma'aikatu da hukumomin gwamnati su 86, ciki har da Fadar Shugaban Ƙasa muddin suka ƙi biyan bashin kuɗin wautar lantarki biliyan N47.1 da ke kansu. MANJAHA ta rawaito…

20 Feb

Za a yanke wutar lantarki a Fadar Shugaban Ƙasa da CBN saboda bashi

EditorBabban Labari, Labarai

Daga BASHIR ISAH Kamfanin rarraba wutar lantarki, wato Abuja Electricity Distribution Company, ya ba da sanarwar zai yanke wutar lantarki a Fadar Shugaban Ƙasa da Babban Bankin Nijeriya (CBN) da wasu ma'aikatu da hukumomi 85 na Gwamnatin Tarayya saboda bashin kuɗin wuta da ya kai sama da Naira biliyan 47,195 ya zuwa Disamban 2023. AEDC ya bayyana haka ne a cikin sanarwar da ya fitar a ranar Litinin, 19 ga Fabrairu, 2024. AEDC ya bayyana cewa, “Hukumar Abuja Electricity Distribution Company (AEDC) ta bada wa'adin kwana 10 ga ma'aikatu da hukumomin gwamnati 86 kan su biya bashin kauɗin wuta, N47.1bn…

20 Feb

Zaki ya kashe mai kula da shi a Osun

EditorLabarai

Daga BASHIR ISAH Wani zaki ya kashe mutumin da ya yi shekara tara yana renonsa a Jami'ar Obafemi Awolowo (OAU) da ke Jihar Osun. Mai magana da yawun jami'ar, Abiodun Olarewaju, ya ce lamarin ya faru ne a ranar Litinin kuma a daidai lokacin da marigayin ke ƙoƙarin bai wa zakin da sauran 'yan uwansa abinci kamar yadda ya saba. An ce marigayin shi ne jami'in da ke kula da lafiyar dabbobin da ke ajiye a sashen ajiye dabbobi na jami'ar, inda ya shafe shekara tara yana kula da matashin zaƙin da ya yi ajalinsa. Bayanai sun ce kafin waɗanda…