Daga BASHIR ISAH
Kamfanin raba lantarki na Abuja Electricity Distribution Company (AEDC) ya ba da sanarwar rage farashin wutar lantarkin da yake raba wa kostomominsa na runukunin Band A daga N225/kWh zuwa N206.80/kWh.
A ranar Litinin AEDC ya bayyana haka saƙon dabya wallafa a shafinsa na X.
Sanarwar ta ce, “Muna farin cikin danar da rage farashin wuta ga kostomominmu na Band A, an yi ragin ne daga N225/kWh zuwa N206.80/kWh wanda ya fara aiki daga yau, 6 ga Mayu, 2024.”
Kamfanin ya kuma bai wa abokan mu’amalarsa na Band A ɗin tabbacin samun wutar lantarki na sa’o’i 20 zuwa 24 a kullum.
Sai dai, AEDC ya ce, “Farashin wutar na nan yadda yake ga kostomomin Band B, C, D da kuma E.”
A wata mai kama da wannan, shi ma kamfanin Kaduna Electricity Distribution Company, ya yi wa kostomominsa na Band A Albishi da zabtare farashin wutar zuwa N206.80/kWh daga N225.
Hukumar gudanarwar kamfanin, ita ce ta sanar da hakan a ranar Litinin.