ukarofi - Manhaja - Blueprint Hausa version

01 May

Matasan APC sun mara wa Jidda baya kan kujerar majalisar wakilai

ukarofiLabarai

Daga ABUBAKAR A BOLARI Gombe Wani gagarumin goyon baya na ƙara ƙarfi ga Zakariya Jidda yayin da mambobin ƙungiyar APC Youth Solidarity Group a Jihar Gombe suka fito fili suna marawa yiwuwar tsayawarsa takarar kujerar Majalisar Wakilai baya gabanin zaɓen 2027. Wannan goyon baya na zuwa ne bayan shirin Jidda ma daukar nauyin tura matasa 30 daga ƙananan hukumomin Gombe, Kwami da Funakaye zuwa ƙasar China domin karatu, wani mataki da ake kallonsa a matsayin zuba jari mai muhimmanci wajen bunƙasa ilimin matasa da inganta rayuwarsu. A wani taron tattaunawa da aka gudanar a Funakaye, hedikwatar ƙaramar hukumar Bajoga, ƙungiyar…

01 May

Gwamnatin Katsina ta biya garatutin Naira biliyan 45.89

ukarofiLabarai

Daga ABDULLAHI MUHAMMAD a Katsina Gwamnan Jihar Katsina, Malam Dikko Umaru Radda, ya bayyana cewa gwamnatinsa ta biya jimillar Naira biliyan 45.89 domin biyan basussukan giratuti da alawus-alawus ga ma’aikata 14,560 da suka yi ritaya a faɗin jihar. Gwamnan ya bayyana hakan ne a yayin bikin ranar ma’aikata ta shekarar 2026 da aka gudanar a filin wasa na Muhammadu Dikko da ke Katsina, inda ya jaddada ƙudirin gwamnatinsa na inganta jin daɗin ma’aikata. Ya ce wannan biyan kudi wani ɓangare ne na ƙoƙarin gwamnati na cika alƙawurran da ta ɗauka na kula da waɗanda suka yi wa jihar hidima tsawon…

01 May

ICPC na neman saƙalo ɗan El-Rufai a sabuwar tuhuma

ukarofiLabarai

Daga USMAN KAROFI Hukumar ICPC ta shigar da sabbin tuhume-tuhume na laifi a kan tsohon gwamnan Kaduna, Nasir El-Rufai, tare da wasu mutum bakwai bisa zargin almundahana da wanke kuɗaɗe da suka shafi aikin CCTV na tsaro na naira biliyan 10.8 a jihar. A cewar takardun kotu da aka shigar a gaban babbar kotun tarayya da ke Kaduna a ranar 17 ga Afrilu, hukumar ta gabatar da tuhume-tuhume guda 11 ƙarƙashin dokar hana wanke kuɗaɗe ta shekarar 2022. Tsohon kwamishinan yaɗa labarai na jihar Kaduna kuma shugaban Liberty Television, Alhaji Tijjani Ramalan, ya bayyana a shafinsa na Facebook cewa El-Rufai…

01 May

Gwamna Raɗɗa ya sake sayen fom na tsaya wa takara karo na biyu

ukarofiLabarai

Daga ABDULLAHI MUHAMMAD a Katsina Gwamnan Jihar Katsina Malam Dikko Umaru Raɗɗa, ya gabatar da takardar shi ta shedar tsayawa takara karo na biyu domin neman zarcewa a kan kujerar Gwamnan jihar Katsina. Matakin na zuwa ne a daidai lokacin da shirye-shiryen siyasa ke ƙara kankama gabanin zaɓukan da ke tafe na shekarar 2027. Gabatar da shedar ya nuna ƙudurin gwamnan na ci gaba da jagorantar jihar tare da cigaba da kawo manufofi da shirye-shiryen ci gaba da ya fara, musamman a fannoni kamar tsaro, ilimi da bunƙasa tattalin arziki. Waɗanda suka halarci gabatar da fom din sun hada da…

01 May

‘Yan bindiga sun sace ‘yan uwan mataimakin gwamnan Sokoto

ukarofiLabarai

Daga USMAN KAROFI Wasu da ake zargin ‘yan bindiga ne sun sace mutane takwas a ƙauyen Garin Idi da ke ƙaramar hukumar Sabon Birni a Sokoto, inda aka ce wasu daga cikin waɗanda aka sace na da alaƙa da mataimakin gwamnan jihar. Majiyoyin yankin sun bayyana cewa maharan sun isa ƙauyen ne da misalin karfe 1:00 na dare ɗauke da babura takwas, inda suka fara harbe-harbe tare da tilasta mazauna kauyen guduwa zuwa dazuka da sauran wuraren tsira. Mazauna yankin sun ce ‘yan bindigar sun yi kusan sa’o’i biyu suna cin karensu babu babbaka a cikin al’umma ba tare da…

01 May

Majalisar Zartarwa ta amince da 112 matsayin layin ko-ta-kwana na ƙasa

ukarofiLabarai

Daga USMAN KAROFI Majalisar zartarwa ta ƙasa (NEC) ta amince da amfani da lambar 112 a matsayin lambar ko ta kwana ta ƙasa a dukkan matakai da hukumomi. Wannan mataki na daga cikin ƙoƙarin ƙarfafa tsarin ɗaukar matakin gaggawa a Nijeriya tare da samar da haɗin kai da daidaito wajen mayar da martani ga matsalolin gaggawa.Rahotanni sun nuna cewa NEC ta kuma amince da kafa kwamitin aiwatarwa na haɗin gwiwa tsakanin hukumomi daban-daban, wanda ofishin mataimakin shugaban ƙasa da hukumar NCC za su jagoranta. An cimma wannan matsaya ne a taro na 157 na NEC wanda aka gudanar ta yanar…

01 May

APC a Katsina ta bayar da tikiti ga waɗanda suka sauya sheka daga PDP

ukarofiLabarai

Daga USMAN KAROFI Jam’iyyar APC a jihar Katsina ta bai wa ‘yan majalisar wakilai uku tikitin tsayawa takara kai tsaye domin wa’adi na biyu, bayan sun sauya sheka daga PDP zuwa jam’iyyar mai mulki a jihar. Wannan mataki na daga cikin ƙoƙarin cika alƙawuran da jam’iyyar ta ɗauka ga mambobinta. Haka kuma, jam’iyyar ta sauya Sanata Nasiru Sani Zango da wasu ‘yan majalisar wakilai guda bakwai, bisa zargin rashin samun goyon bayan al’ummomin mazaɓunsu. Waɗanda aka bai wa tikitin kai tsaye sun haɗa da Hon. Salisu Yusuf Majigiri mai wakiltar mazabar Mashi/Dutse, Hon. Abdullahi Balarabe Dabai mai wakiltar Bakori/Danja, da…

01 May

Allah ya yi wa Sirajo Mai Asharalle rasuwa a Katsina

ukarofiLabarai

Daga ABDULLAHI MUHAMMAD a Katsina Allah ya yi wa shahararren mawaƙi ɗan asalin jihar Katsina Alhaji Sarajo Mai Asharalle rasuwa. Ya rasu a babban asibitin gwamnatin tarayya da ke Katsina bayan yayi fama da rashin lafiya. Marigayi Sirajo Mai Asharalle na ɗaya daga cikin mawaƙa da sukai fice tun kafin a kirkiro jihar Katsina. Farfesa Aliyu Ƙankara masanin waƙoƙin marigayi Alhaji Mamman Shata ya bayyana mai Asharalle a matsayin amini kuma makusanci ga Alhaji Mamman Shata. Marigayi Mai Asharalle na ɗaya daga cikin mawaƙa na farko daka fara tallata jamiyar PDP a lokacin mulkin marigayi Umaru Musa Yar'adua a Katsina.

01 May

Jonathan ya aike wa kotun Ingila wasiƙa domin ba Diezani kariya

ukarofiLabarai

Daga USMAN KAROFI Tsohon Shugaban ƙasa Goodluck Jonathan ya aike da bayani zuwa kotun Southwark Crown Court a ƙasar Ingila, inda ya kare tsohuwar Ministar Man Fetur, Diezani Alison-Madueke, a shari’ar da ake yi mata. A cikin bayanin da aka karanta a gaban kotu, Jonathan ya ce ba sabon abu ba ne a biya wasu kuɗaɗe ta hannun ɓangare na uku domin tallafawa ministoci a tafiye-tafiyen aiki na ƙasashen waje. Jonathan ya kuma bayyana cewa shi ne ya amince da amfani da jiragen sama masu zaman kansu da Diezani ta yi a wasu tafiye-tafiyenta lokacin da take minista tsakanin 2010…

01 May

2027: Abokan adawana na amfani da matsalar tsaro domin yaƙata— Tinubu

ukarofiLabarai

Daga SANI AHMAD GIWA a Abuja Shugaban ƙasa, Bola Ahmed Tinubu, ya bayyana aniyarsa ta sake tsayawa takara a zaɓen 2027, yana mai zargin cewa wasu na amfani da matsalar tsaro da ake fuskanta a ƙasar domin cimma manufofinsu na siyasa. Tinubu ya bayyana hakan ne yayin da yake karɓar gwamnan jihar Plateau, Caleb Mutfwang, tare da wasu masu ruwa da tsaki daga jihar a Abuja, inda ya ce akwai wasu ƙungiyoyi da ke ƙoƙarin amfani da matsalolin tsaro domin raunana gwamnatinsa. A cewarsa, “Kuna taimakawa wasu ‘yan wasa, ciki har da maƙiyana, waɗanda ke son amfani da matsalar tsaro…