ukarofi - Manhaja - Blueprint Hausa version

16 Jan

Gwamnatin Kano ta shirya kai ziyara ƙananan hukumomi 44 don jin ra’ayin al’umma

ukarofiLabarai

Daga WAKILINMU A ƙoƙarin ƙara kusantar gwamnati da al’umma tare da inganta ayyukan jinƙai, Gwamnatin Jihar Kano ƙarƙashin jagorancin Gwamna Abba Kabir Yusuf ta ayyana ƙudurinta na kai ziyara dukkan ƙananan hukumomi 44 da ke faɗin jihar domin tattauna matsaloli da damuwar jama’a, tare da lalubo hanyoyin magance su. Shugaban ƙaramar Hukumar Bichi, Alhaji Hamza Sule Mai Fata, ne ya bayyana hakan a wata sanarwa da Jami’ar Yaɗa Labarai ta yankin, Jamila Abdullahi Rijiyar Lemo, ta raba wa manema labarai. Ya yi bayanin ne jim kaɗan bayan ƙaddamar da rabon babura guda 50 da aka bayar kyauta ga jama’ar yankin…

16 Jan

Tinubu ya buƙaci sojoji su ci gaba da martaba dimokuraɗiyya

ukarofiLabarai

Daga SANI AHMAD GIWA a Abuja Shugaban ƙasa Bola Ahmed Tinubu, ya buƙaci rundunar sojin Nijeriya da su kasance masu ladabi, haɗin kai da kuma martaba dimokuraɗiyya. Ya bayyana sojoji a matsayin ginshiƙin wajen haɗin kan ƙasa da kuma kare dimokuradiyyar Nijeriya. Shugaban ya kuma tabbatar da cewa gwamnatinsa za ta ci gaba da tallafa wa sojoji domin tabbatar da zaman lafiya da kwanciyar hankali a faɗin ƙasar nan. Tinubu ya bayyana hakan ne ta bakin Ministan Yaɗa Labarai da Wayar da Kan Al’umma, Mohammed Idris, a lokacin bikin Tunawa da ’Yan Mazan Jiya na shekarar 2026 tare da bikin…

16 Jan

Gwamnatin Tarayya ba ta biyan ’yan bindiga kuɗin fansa — Ministan Tsaro

ukarofiLabarai

Daga SANI AHMAD GIWA a Abuja Gwamnatin Tarayya ta sake jaddada matsayinta cewa ba ta biyan kuɗin fansa ga waɗanda aka yi garkuwa da su. Ta ce jami’an tsaro suna dogaro ne da matsin lambar soja da kuma ayyukan leƙen asiri wajen kuɓutar da waɗanda aka sace. Ministan Tsaro, Christopher Musa, ya bayyana haka a cikin wata hira da BBC Hausa ta yi da shi a Kaduna, yayin da ake ta zargin cewa ana biyan kuɗin fansa domin a saki waɗanda aka yi garkuwa da su, musamman daliban makarantu. Ya ce: “Gwamnatin tarayya ba ta biyan kuɗin fansa. Ko da…

16 Jan

Jami’ar Bayero ta yaba wa Hukumar Hadejia Jama’are kan kammala ayyukan samar da ruwa

ukarofiLabarai

Daga WAKILINMU Hukumar Gudanarwar Jami'ar Bayero Kano, ranar 12 ga watan Janairu 2026 sun kai ziyayar sada zumunci da godiya a Hukumar Raya Kogunan Haɗejia da Jama'are don nuna jin daɗi da godiya kan kammala ayyukan samar da ruwa a sassan jami'ar daban-daban masu muhimmancin gaske. Shugaban Jami'ar Bayero Farfesa Haruna Musa, ne ya jagoranci tawagar zuwa Hukumar Raya Kogunan Hadejia da Jama'are domin bayyana jinjina da godiya kan kammala ayyukan samar da ruwa da aka kwashi tsawon lokaci jami'ar ke fama da rashin ruwa. Yace ayyukan da aka fara tsakanin watan Disamba a shekarar 2025 zuwa watan Janairu 2026…

16 Jan

An yaba wa Gwamna Zulum kan gudanar da zaɓen ƙananan hukumomi cikin lumana a Jihar Borno

ukarofiSiyasa

Daga GAMBO ISA a Abuja Shugaban ƙaramar Hukumar Kaga a Jihar Borno, Hon. Mairu Goni Abdullahi, ya bayyana jin daɗinsa tare da yaba wa Gwamnan Jihar Borno, Farfesa Babagana Umara Zulum, bisa nasarar da aka samu wajen gudanar da zaɓen ƙananan hukumomin jihar cikin kwanciyar hankali, tsari da adalci. Ya ce wannan zaɓe ya nuna ƙwazon gwamnati da jajircewarta wajen ƙarfafa dimokiraɗiyya a matakin ƙasa. Hon. Mairu Goni Abdullahi ya bayyana hakan ne yayin wata ganawa da manema labarai a hedkwatar ƙaramar Hukumar Kaga, inda ya jaddada cewa zaɓen ya gudana lafiya ba tare da matsalolin tsaro ba. A cewarsa,…

16 Jan

An rantsar da ɗaliban Jami’ar Bayero da suka samu shaidar ƙwarewa akan sanin magunguna

ukarofiLabarai

Daga IBRAHIM MUHAMMAD a Kano An rantsar da ɗalibai da suka kammala karatun digiri na farko a tsangayar harhaɗa magunguna na Jami'ar Bayero da basu shaidar zama ƙwararrun masu harhaɗa magunguna na ƙasa. Taron shan rantsuwar da bada shaidar ya gudana ne a ɗakin taro na harabar tsohuwar jami'ar da ya samu halartar mutane da dama da suka haɗa da shugabannin sassa na jami'ar da malamai da iyaye da sauran mamyan baki. Da yake ƙarin haske game da taron Dakta Bashir Cheɗi ya ce taron rantsuwar shine karo na uku na baiwa ɗalibai da suka yi digirin farko na samun…

16 Jan

Yadda rasuwar uwa ta girgiza Kano sakamakon barin almakashin tiyata a cikinta

ukarofiLabarai

Daga MAHDI MUSA MUHAMMAD Wata uwa mai ’ya’ya biyar, Aishatu Umar, ta rasu a jihar Kano sakamakon abin da iyalanta ke zargi a matsayin sakacin likitoci a asibitin Abubakar Imam Urology Centre dake Kano, inda aka ce an bar mata almakashin aikin tiyata a cikin jikinta bayan an yi mata aiki a watan Satumba. Rasuwarta ta zo ne ƙasa da mako guda bayan rahoton mutuwar wani yaro ɗan marubuciya Chimamanda Adichie, wanda aka ce ya faru sakamakon sakaci a bangaren kiwon lafiya, lamarin da ya ƙara hura wutar fushi da kira ga ɗaukar mataki kan ingancin tsarin kiwon lafiya a…

16 Jan

Bankuna sun fara cire harajin VAT kan tura kuɗi ta tsarin USSD

ukarofiLabarai

Daga MAHDI MUSA MUHAMMAD Gwamnatin Tarayya ta umarci dukkan bankuna da kamfanonin fasahar kuɗi, wato 'Fintech' da ke aiki a Nijeriya da su fara karɓar harajin kashi 7.5 cikin 100 na VAT kan wasu ayyukan banki ta lantarki, daga ranar Litinin 19 ga Janairu, 2026. Rahotanni sun nuna cewa an sanar da kwastomomi wannan sabon mataki ta hanyar saƙonnin imel da wasu bankuna suka aike, ciki har da Moniepoint. A cikin sanarwar, an jaddada cewa harajin VAT zai shafi kuɗin ayyuka ne kawai, ba kuɗin da ake aikawa ba. Misali, idan banki ya caji N100 a matsayin kuɗin sabis na…

16 Jan

Jam’iyyar ADP ta yaba wa jaruman soji yayin Ranar ’Yan Mazan Jiya

ukarofiLabarai

Daga MAHDI MUSA MUHAMAMD Jam’iyyar ADP ta miƙa saƙon taya murna da gaisuwa ga Rundunar Sojojin Nijeriya yayin bikin Ranar Tunawa da Rundunar Soji, wadda ake gudanarwa domin girmama jarumtaka, sadaukarwa da hidimar ƙasa da dakarun Nijeriya ke yi ba tare da gajiyawa ba. A cikin wata sanarwa da shugaban jam’iyyar, Injiniya Yabagi Yusuf Sani, ya sanya wa hannu, ADP ta ce wannan rana ta musamman na nuni da muhimmancin girmama jaruman da suka sadaukar da rayukansu wajen kare haɗin kan ƙasa, ikon Nijeriya da kuma tsarin mulkin dimokuraɗiyya. Jam’iyyar ta bayyana cewa sadaukarwar waɗannan jarumai ita ce ginshiƙin ’yanci…

16 Jan

’Yan bindiga sun sace shanu sama da 500 a kasuwar dabbobin Zamfara

ukarofiLabarai

Daga SANI AHMAD GIWA a Abuja ’Yan bindiga ɗauke da muggan makamai sun sace sama da shanu 500 a Kasuwar Daji da ke ƙaramar hukumar ƙauran Namoda a jihar Zamfara. Shugaban ƙungiyar Makiyaya ta Nijeriya (CBAN), Comrade Aminu Garba, ya tabbatar da faruwar lamarin, inda ya ce wannan ba shi ne karo na farko ba. “Ba wanda ya yi tsammanin wannan zai faru. Mun fuskanci irin wannan mummunan lamari shekaru huɗu da suka gabata,” inji shi. Garba ya ce ana zargin ’yan bindigar sun shiga kasuwa da ƙauyukan da ke kewaye tun da rana, suna sa ido kan harkokin saye…