ukarofi

ABDULLAHI MUHAMMAD a Katsina Ƙungiyar ƙwadago ta ƙasa reshen jihar Katsina, ta naɗa Kwamared Nasiru Wada Mai'adua a matsayin zhugaban ƙungiyar na riƙon ƙwarya. Naɗa shi shugaban ƙungiyar na riƙon ƙwarya ya biyo bayan, aje muƙamin da shugaban ƙungiyar na Jiha Comrade Hussaini Hamisu Yanduna ya yi bayan zama babban Sakatare a Gwamnatin Jihar Katsina. Kwamred Nasiru Wada Mai'adua kafin naɗa shi muƙamin shugaban ƙungiyar ƙwadagon na riƙon ƙwarya, shine shugaban ƙungiyar ma'aikatan ƙananan hukumomi ( NULGE )ta Jihar Katsina.

Daga IBRAHIM HAMISU a Kano Mutane biyar ne suka rasa rayukansu, yayin da wasu 10 suka tsira bayan rushewar wasu gine-gine guda biyu da suka faru a ƙananan hukumomin Kumbotso da Fagge na Jihar Kano. Lamarin ya faru ne a ranar Asabar a unguwar Gaida da ke Kumbotso, da kuma Kurna da ke Fagge. Hukumar kashe gobara ta Jihar Kano ta ce ta samu kiran neman agaji da misalin ƙarfe 2:34 na rana da kuma 2:40 na rana, bi da bi. A cikin wata sanarwa da jami’in hulɗa da jama’a na hukumar kashe gobara ta jihar Kano Saminu Abdullahi, ya…

Daga ABDULLAHI MUHAMMAD a Katsina Ƙasurgumin ɗan bindiga Kachalla Maha da mutanen sa sun kashe mutum bakwai a ƙauyen Guru garin Sukuntuni na ƙaramar hukumar Kankia. A hira da yayi a wata kafar sadarwa ta JBC Malam Abubakar Tijjani daga garin Sukuntuni ya bayyana cewa Kachalla da mutanen sa sun shiga gida gida su kai ta harbin mutanen ƙauyen tare da Kona Gidaje. Yace wannan hari da Kachalla ya kai a ƙauyen ramakon gayyace domin a kwanakin baya sun shiga ƙauyen da niyar satar dabbobi amma mutanen ƙauyen su kai fito na fito da 'yan bindigan har ta kai ma…

Daga JAMIL GULMA a Kebbi Rundunar 'yan sandan jihar Kebbi ta kama wani mutum mai suna Abubakar Musa ɗan asalin ƙauyen Rafin Mose da ke ƙaramar hukumar Zuru bisa ga laifin cin mutuncin Alqur'ani mai tsarki. Da ya ke zantawa da wakilin Jaridar Blueprint Manhaja, Kakakin rundunar 'yan sanda Sufurtanda Bashir Usman ya bayyana cewa an kama wannan mutum ne bisa zargin haɗa baki da Rabi'u Tela da matar sa Zara'u Hassan da kuma Hamza Zango bisa ga laifin surkulle da keta haddin al'umma da kuma cin mutuncin Alqur'ani mai tsarki. Ya ƙara da cewa bincike ya nuna sauran abokan…

Daga JAMIL GULMA a Kebbi Shugaban ƙaramar hukumar Augie Honarabul Yahaya Muhammed Augie ya yaba wa Gwamna Nasir bisa ga zaƙulo Alhaji Ibrahim Augie a matsayin sabon mataimakin gwamnan jihar Kebbi.Ya bayyana haka ne a garin Augie mahaifar sabon ɗan takarar mataimakin gwamnan.Ya ce ba shakka gwamnan ya ɗauko mutum mai dattako da kuma sanin makamar aiki wanda ya goge. Ya bayyana cewa wannan ya nuna irin soyayya da mutuntawar sa da mutanen masarautar Argungu saboda wannan ba ta tsaya ga Ibrahim Augie ko ƙaramar hukumar Augie kaɗai ba ce.Ya kuma bayar da tabbacin goyon bayan sa tare da yin…

Daga JAMIL GULMA a Kebbi Sarkin Zabarmawan Kabi Honarabul Sama'ila Abdulmumini Kamba (Ganda) tsohon kakakin majalisar dokoki ta jihar Kebbi ya bayyana cewa nagarta ce sanya a bai wa mutum sarauta.Ya yi wannan bayanin ne jim kaɗan bayan kammala naɗin sa a matsayin Kakakin Gwandu a fadar Sarkin Gwandu ƙarshen makon nan lokacin da ya ke zantawa da manema labarai. Alhaji Sama'ila Ganda ya ce na farko dai ya yi aiki da mai martaba Sarkin Kabin Argungu a baya wanda kuma basaraken ya ga irin ƙoƙarin da ya ke yi a wajen aiki da kuma fafutukar da ya ke yi…

Daga JAMIL GULMA a Kebbi Sabon Uban ƙasar Shiko Alhaji Garba Zarummai Fana ya bayyana ƙirƙiro masarautu a matsayin wata hanya ta kusantar al'umma ga gwamnati.Ya bayyana haka ne lokacin da ya ke zantawa da wakilin Jaridar Blueprint Manhaja a garin Fana. Sabon basaraken ya bayyana cewa sanin kowa ne yanzu akwai yawan al'umma saɓanin inda aka fito saboda haka akwai buƙatar al'ummar da a ke jagoranci su kusanci hukumomi tun kama daga masarautu zuwa gwamnati. Ya kuma yi kira ga hakiman sa da limamai da ke yankin masarautar sa da su ba shi goyon baya domin samun nasara a…

Jagoran Iran, Mojtaba Khamenei, ya naɗa manyan hafsoshin sojin ƙasar guda biyu a wasu muƙamai masu matukar muhimmanci, yayin da ƙasar ke ci gaba da fuskantar matsin lambar tsaro da rikicin soja a yankin Gabas ta Tsakiya. A cikin sanarwar da ofishinsa ya fitar ranar Litinin, Khamenei ya naɗa Manjo Janar Ali Abdollahi a matsayin sabon shugaban hafsoshin rundunar sojin Iran, yayin da Birgediya Janar Ahmad Vahidi ya zama sabon kwamandan rundunar Islamic Revolutionary Guard Corps (IRGC). Kafin naɗin nasa, Abdollahi shi ne shugaban hedikwatar Khatam al-Anbiya ta tsakiya, wata babbar cibiyar rundunar sojin Iran da ke da alhakin haɗa…