Labarai - Manhaja - Blueprint Hausa version

01 Dec

Za mu yi shugabanci na adalci don samun nasarar PDP a Jihar Kano – Yusuf Ado Kibiya

ukarofiLabarai

Daga IBRAHIM MUHAMMAD a Kano Shugaban Jam'iyyar PDP na jihar Kano Hon. Yusuf Ado Kibiya ya yi kira ga al'mma musamman 'yan jam'iyyar da cewa ya kamata su shiga taitayinsu domin yanzu magana ta jihar Kano ake ya wuce maganar jam'iyya, duk mai son Kano in da gaske yake yi ya sake tunani ya zo a yi tsari da zai taimaki al'umma. Ya bayyana hakan ne a taron rantsar da shugabannin jam'iyyar PDP na ƙananan hukumomi 15 na Kano ta tsakiya, inda ya ce duk mai tunanin kansa ko shi ya isa ko babu wanda ya iya sai shi to…

30 Nov

‘Yan bindiga da dama sun miƙa wuya ga sojojin Nijeriya

ukarofiLabarai

Daga USMAN KAROFI Hedikwatar tsaro ta bayyana cewa wasu shugabannin ’yan bindiga da dama sun miƙa wuya ga dakarun soji a yankunan Arewa ta tsakiya. A wata sanarwa da daraktan harkokin watsa labarai na tsaro, Manjo Janar Edward Buba, ya fitar a ranar Juma’a, ya ce fitattun ’yan bindigan da suka miƙa wuya sun haɗa da Yellow Jambros, Alhaji Mallam, Ardo Idi (Alhaji Lawal), Lawal Kwalba, Salkado, Yellow Ibrahim, Gana’e da Babangida. Ya ƙara da cewa wasu ’yan ta’addan sun nuna sha’awar miƙa wuya sakamakon hare-haren sojoji da kuma haɗin gwiwar masu ruwa da tsaki don shawo kan su wajen…

30 Nov

‘Yan sanda sun kama dilolin safarar haramtattun makamai akan iyaka

BabajiLabarai

' Daga BELLO A. BABAJI Jami'an rundunar ƴan sandan Nijeriya sun yi nasarar kama wasu mutum biyar akan iyaka, waɗanda ake zargin su da laifin safarar haramtattun makamai. Kakakin rundunar, ASP Muyiwa Adejobi ya faɗi hakan cikin wata takarda da ya fitar a ranar Juma'a, inda ya ce waɗanda aka kama dukkaninsu maza ne da suka haɗa da; Adamu Noma, Matthew Audu, Andrew Poyi, Aminu Sani da Aminu Talha. Ya ce jami'an Tawagar Leƙen Asiri ta FIDIRT ne suka kama su a ranar 18 ga watan Nuwamba, 2024. Adejobi ya ce bayan kama su ne aka kuma ƙwato bindigogi ƙirar…

30 Nov

Har yanzu matatar Fatakwal ba ta fara siyar da mai da yawa ba

ukarofiLabarai

Kamfanin mai na ƙasa, NNPCL, ya bayyana cewa matatar mai ta Fatakwal (PHRC) ba ta fara sayar da mai ba ko buɗe shafin saye tukuna, domin har yanzu ana kammala muhimman ayyuka. Jami'in hulɗa da jama’a na NNPCL, Olufemi Soneye, ya bayyana hakan a wata sanarwa a ranar Juma’a. Ya ce a halin yanzu, kayayyakin da ake siyarwa daga PHRC suna zuwa ne daga kamfanin tace mai na Ɗangote, tare da ƙarin kuɗaɗe da kukumar kula da harkokin man fetur ta Nijeriya (NMDPRA) ta ƙayyade. Kayayyakin PHRC suna samuwa kawai ga gidajen sayar da mai na NNPCL a wannan mataki,…

30 Nov

Ƙudirorin gyaran haraji za su yi wa Arewa illa – Gwamna Zulum

BabajiLabarai

Daga BELLO A. BABAJI Gwamna Babagana Zulum na Jihar Borno ya nuna damuwa kan ƙudirin neman yi wa haraji kwaskwarima, inda ya ce hakan zai yi illa ga yankin Arewa da suaran sassan Nijeriya. Zulum ya bayyana haka ne a yayin hira da BBC Hausa a ranar Juma'a inda ya kwatanta shi da ƙudirin masana'antar fetur wadda sai da ta ɗauki kusan shekaru 20, ya na mai cewa akwai buƙatar a yi zurfin nazari game da batun. Babagana Zulum ya zargi cewa ƙudirin zai haifar da matsaloli ne ga shiyyoyin Nijeriya inda ya yi watsi da miƙa shi ga majalisa…

30 Nov

Gwamnatin Katsina ta amince da fara biyan mafi ƙarancin albashi

BabajiLabarai

Daga ABDULLAHI MUHAMMAD a Katsina A ƙarshe dai gwamnatin jihar Katsina ta amince ta biya mafi ƙarancin albashi na Naira 70,000. Hakan ya biyo bayan ɗaukar tsawon lokaci ana tattaunawa tsakanin jami'an gwamnatin jihar da ƙungiyar ƙwadago kafin a cimma matsaya. Sakataren gwamnatin jihar, Barista Abdullahi Garba Faskari ya jagoranci gwamnatin jihar inda ya ce gwamnatin jihar zata fara biyan sabon tsarin albashin daga watan ƙarshe na wannan shekara. Barista Faskari ya ƙara da cewa sabon tsarin albashin ba zai shafi tafiyar da ayyukan gwamnati na bunƙasa jihar ba. Ya kuma jaddada ƙudirin gwamnatin Dikko Raɗɗa na kyautata ayyuka da…

30 Nov

Leicester City ta naɗa Van Nistelrooy a matsayin sabon kocinta

BabajiLabarai

Daga BELLO A. BABAJI Ƙungiyar Leicester City ta ƙasar Ingila, ta naɗa tsohon kocin PSV Eindhoven, Ruud Van Nistelrooy a matsayin sabon mai horar da ƴan wasanta. Ɗan ƙasar Holand ɗin ya maye gurbin Steve Cooper ne wanda ƙungiyar ta sallame shi a makon da ya gabata bayan wasanni 12 a gasar Firimiyar bana. Van Nistelrooy ya rattaɓa hannu a kwantiragin shekaru biyu da rabi inda wa'adinsa zai ƙare a watan Yunin 2027. Hakan na zuwa ne makonni biyu bayan ajiye aikinsa na koci mai riƙon ƙwarya a Manchester United sakamakon zuwan Ruben Amorim. Ya bayyana jin-daɗinsa game da zuwan…

30 Nov

Sojoji sun sako ɗan jaridar binciken ƙwaf, Fisayo Soyombo

BabajiLabarai

Daga BELLO A. BABAJI Gidauniyar Harkar Jaridar Binciken ƙwaf (FIJ) ta tabbatar da hakan a ranar Juma'a ta kafafen sada zumunta. FIJ ta ce sojojin sun sako Fisayo Soyombo ne bayan ƙorafe-ƙorafe da al'umma suka ta yi game da tsare shi. A yanzu ta na ƙoƙarin bincike game halin da ya ke ciki bayan fitowarsa daga hannun sojojin. Jami'in hulɗa da jama'a na rundunar sojojin reshen, Laftanal Kanal Danjuma Danjuma ya tabbatar da kama ɗan jaridar, ya na mai cewa sun kama shi a wani haramtaccen wajen jido mai.

30 Nov

Tsohon minista, Osita Chidoka ya fice daga PDP

BabajiLabarai

Daga BELLO A. BABAJI Tsohon Ministan Sufurin Jiragen sama, Mista Osita Chidoka ya bar jam'iyyar PDP. Ya bayyana hakan ne a yayin hira da gidan talabijin na 'channels', ya na mai cewa zai kasance cikin masu fafutukar gyaran kula da lamuran zaɓe. A lokacin da ya ke magana game da zaɓe gwamnan Jihar Edo da ya gabata, Chidoka ya ce za yi maguɗin zaɓe ne matuƙar aka samu rashin tsari. Ya ce hanyoyin da aka bi a zaɓen jihar sun kasance na rashin gaskiya, ya na mai cewa duk jami'yyar da ta yi ƙoƙarin sauya su, ba za ta ka…

30 Nov

Chadi ta kawo ƙarshen haɗin-gwiwa da sojojin Faransa

BabajiLabarai

Daga BELLO A. BABAJI Ƙasar Chadi ta sanar da kawo ƙarshen haɗin-gwiwar sojojinta da na Faransa. Hakan na zuwa ne sa'o'i kaɗan da Ministan Harkokin Waje na Faransa, Jean-Noel Barrot ya ziyarci ƙasar. Ministan Harkokin Waje na Chadi Abderaman Koulamallah ya wallafa hakan ta kafar Facebook. Chadi ƙasa ce ta zama ginshiƙi ga kasancewar sojojin Faransa a Afirka. A baya ne Faransa ta ɗauki matakin janye sojojinta daga ƙasashen Mali, Burkina Faso da Nijar lamarin da ake ganin bai wa Chadin daɗi ba. Ya ce lallai yanzu Chadi da kawo ƙarfi duk da cewa Faransa ta na da muhimmanci wajen…