Labarai - Manhaja - Blueprint Hausa version

02 Sep

Yaro ya fasa tulu mai shekara 3,500 a duniya

ukarofiLabarai

Wani tulu da aka yi imanin ya kai shekara 3,500 a duniya ya gamu da ajalinsa bayan wani ƙaramin yaro ya fasa shi a wani gidan ajiyar kayan tarihi da ke Isra'ila. Gidan tarihin na Hecht Museum ya bayyana cewa an ƙera tulun ne tsakanin shekarun 2200 zuwa 1500 kafin haihuwar Annabi Isa - kuma ta musamman ne saboda ba abin da ya same shi. A buɗe yake ba a cikin gilashi ba kuma a kusa da ƙofar shiga wurin. Masu wurin sun ce tsautsayi ne kuma ma har an sake gayyatar yaron da iyayensa domin zagayawa da su cikin…

02 Sep

Tsadar mai: Mu na fuskantar barazanar kuɗi – NNPCL

BabajiLabarai

Daga BELLO ABUBAKAR BABAJI Kamfanin man fetur na Ƙasa, NNPCL ya magantu kan rahotannin da wasu jaridu ke yaɗawa na cewa ya na fama da matsalolin bashi ga masu raba masa man fetur. Babban jami'in hulɗa da jama'a na kamfanin, Olufemi Soneye cikin wani saƙo da ya fitar a ranar Lahadi ya ce matsalar kuɗin ya sanya kamfanin a halin tsaka-mai-wuya wanda hakan ya sabbaba rashin raba isasshen man fetur kamar yadda aka saba. Ya ce, la'akari da dokar masana'antar man fetur (PIA), NNPCL zai cigaba da kasancewa madogara ta ƙarshe wajen samar da man fetur don tabbatar da ɗorewa…

01 Sep

Tinubu zai ƙaddamar da bikin gina gidaje 1500 a Kano ƙarƙashin shirin Sabuwar Nijeriya

ukarofiLabarai

A cikin wani yunƙuri da gwamnati ke yi don ganin a samu wadatattun muhalli, Shugaban Ƙasa Bola Ahmed Tinubu zai ƙaddamar da bikin ginin sabbin rukunin gidaje guda 1500 a unguwar Rimi da ke ƙaramar hukumar Tofa a Jihar Kano. Wannan ya biyo bayan yunƙurin gwamnatin wajen ganin faɗaɗa shirin wasu rukunin gidajen guda 500 a ƙauyen Lambu duk a cikin ƙaramar hukumar ta Tofa. Rukunin gidajen na sabunta fata suna cikin jadawalin Gwamnatin Tarayya na ganin an gina sabbin birane a faɗin ƙasar da ya haɗa da jihohi kamar su Kano, Enugu,Maiduguri, Legas, Fatakwal da Nasarawa. Yayin wata ziyarar…

01 Sep

Nijar ta koma tsarin sojojin haɗaka bayan ganawa da Nijeriya

BabajiLabarai

Daga BELLO A. BABAJI Jamhuriyar Nijar ta amince ta shiga tawagar tsarin sojojin haɗaka (MNJTF) bayan tattaunawa tsakanin shugaban Ma'aikatan Tsaro na Nijeriya, Janar Christopher Musa da takwaransa na Nijar, Janar Moussa Salaou Barmou a Niamey, babban birnin Nijar. Rahotanni sun bayyana cewa, Janar Musa ya ziyarci ƙasar Nijar ne a ranar 28 ga watan Agusta don haɗe kai da sojojin ƙasar wajen shawo kan matsalolin rashin tsaro da ayyuka masu kama da haka a yammacin Afirka. Daraktan yaɗa labarai na Hedikwatar Tsaro, Burgediya Janar Tukur Gusau ya ce an cimma ƙulla yarjejeniya ta MOU don inganta haɗin kai tsakanin…

01 Sep

Tsaro: Tinubu ya umarci minista da shugabannin tsaro su tare a Sokoto

BabajiLabarai

Daga BELLO A. BABAJI Shugaba Bola Ahmed Tinubu ya umarci ƙaramin Ministan Tsaro, Bello Matawalle da shugabannin sojoji su sauya sheƙa zuwa jihar Sakkwato a ƙoƙarinsa na shawo kan matsalolin taɓarɓarewar tsaro a yankin Arewa-maso-Yammacin Nijeriya. Mista Henshaw Agubike wanda shi ne Darakta labarai kuma jami'in hulɗa da jama'a na Ma'aikatar Tsaro ya sanar da haka inda ya ce umarnin wani mataki ne na kawo ƙarshen garkuwa da mutane da ta'addanci a yankin da gwamnati ke yi. Shiyyar Arewa-maso-Yamma ita ce inda ta'addanci ya fi ƙamari a Nijeriya wanda jihohinta huɗu cikin bakwai na daga cikin guda biyar da aka…

01 Sep

An ƙara wa ma’aikacin filin jirgin sama matsayi bayan mayar da Dala 10,000 da ya tsinta

BabajiLabarai

Daga BELLO A. BABAJI Kamfanin Kula da filayen jiragen sama na Ƙasa (NAHCO Aviance) ya karrama wani ma'aikaci mai gaskiya, Auwal Ɗankode bayan da ya tsinci Dala dubu goma sannan kuma ya dawo da shi a lokacin da ya ke tsaftace wani jirgin sama a Kano. Yayin da ya ke aikin nasa ne sai ya ga kuɗin wanda a bisa dukkan alamu mancewa aka yi da shi a kujera mai lamba ta 25H inda ba tare da ɓata lokaci ba ya miƙa wa shugaban tashar jirgin don a mayar wa mai shi. Akan haka ne, NAHCO ta gayyaci Ɗankode zuwa…

01 Sep

Ambaliya ta tarwatsa sama da mutane 10,000 a Zamfara – Sarkin Gummi

BabajiLabarai

Daga BELLO A. BABAJI Sama da mutane 10,000 ne ambaliya ta tarwatsa tare da salwantar da dukiyoyin miliyoyin nairori sakamakon ruwan sama da aka yi a makonni kaɗan da suka gabata, a ƙaramar hukumar Gummi da ke jihar Zamfara. Sarkin Gummi, Mai Shari'a Hassan Lawal (rtd) ya faɗi hakan a ranar Asabar a lokacin da gwamnan jihar, Dauda Lawal ya kai ziyarar gani-da-ido ƙaramar hukumar. Gwamnan ya ziyarci garuruwan Gummi da Gayari don ganin matakin damejin da ambaliyar ta haifar. A lokacin da ya ke ganawa da gwamnan, Sarkin ya bayyana yadda ta kasance a ƙaramar hukumar inda ya ce…

01 Sep

Gwamnan Bauchi ya naɗa Haruna Ɗanyaya sarautar Sarkin Ningi na 17

BabajiLabarai

Daga BELLO ABUBAKAR BABAJI Gwamnan jihar Bauchi, Sanata Bala Abdulƙadir Muhammad ya naɗa Alhaji Haruna Yunusa Ɗanyaya a matsayin Sarkin Ningi na 17 wanda ke da daraja ta ɗaya. Cikin wata takarda da mai bai wa gwamnan shawara kan harkokin yaɗa labarai, Kwamared Muktar Muhammad Giɗaɗo ya fitar, ya ce sun yi naɗin Sarkin ne ƙarƙashin dokar naɗa sarakuna ta jihar kuma da tantancewa daga Majalisar naɗa sarakuna ta gargajiya ta jihar. Sakataren gwamnatin Bauchi, Barista Ibrahim Muhammad Kashim ya isar da saƙon naɗin Sarkin cikin wata takarda da ya fitar. Gwamnatin jihar ta gamsu cewa sabon Sarkin zai ɗora…

01 Sep

Gwamnatin Tarayya ta fara ginin gidaje 500 a Kano

ukarofiLabarai

Daga USMAN KAROFI a Abuja Ma'aikatar gidaje da raya birane ta fara aikin ginin gidaje 500 a Kano. Rukunin gidajen da a ke kira 'Sabunta Fata" su na nan a ƙauyen Lambu da ke ƙaramar hukumar Dawakin Tofa. Aikin zai samar da rukukin gidaje masu ɗakuna biyu da masu ɗakuna uku yayin gudanar da aikin. Ministan gidajen da raya birane Arc Dangiwa ya bayyana haka ne yayin ziyarar gani da ido da ya kai wajen, inda ya nuna rashin jin daɗin shi bi sa yadda aikin ke tafiyar hawainiya.Ya umarci ɗan kwangilar da ya hanzarta a kan aikin ko kuma…

01 Sep

CBN ya tsige shugabannin NIRSAL

BabajiLabarai

Daga BELLO ABUBAKAR BABAJI Babban bankin Nijeriya, CBN ya kori baki ɗaya hukumar gudanarwa ta offishin Shirin bada aron Kuɗi ga Manoma na Ƙasa (NIRSAL). Cikin waɗanda aka tsige akwai Darakta-Manaja kuma shugaban ofishin, Abbas Umar Masanawa; Daraktan ayyuka, Kennedy Nwaruh da Daraktan harkokin gudanarwa, Olatunde Akande. Wani jami'in NIRSAL ya faɗi hakan inda ya ce gwamnan CBN, Olayemi Cardoso ta tabbatar da hakan. Ya ce, yawancin ma'aikatan ofishin sun firgita ga jin hukuncin kasancewar ba su san mai zai biyo baya ba. Zuwa ranar Litinin ake sa ran samun cikakken bayani game da hukuncin da shugaban bankin ya zartar.