Labarai - Manhaja - Blueprint Hausa version

25 Sep

Masu garkuwa sun ɗauki salon ɗauki-ɗaiɗai a Kebbi

EditorBabban Labari, Labarai

Daga JAMIL GULMA a Kebbi Masu garkuwa da mutane sun ɗauki sabon salo a waɗansu sassan Jihar Kebbi, inda yanzu a maimakon kai hari da suke yi a baya a cikin ayarin babura masu yawa, sun ɗauki salon ɗauki-ɗaiɗai, inda suke shiga cikin gari da tsakar dare su ɗauki mutum ɗaya ko biyu zuwa biyar maimakon ayarin mutane. Yankin ƙananan hukumomin Koko/Besse, Bagudo da Maiyama dai yanzu a nan ne waɗannan mutanen ke cin karensu ba babbaka duk da irin ƙoƙarin da hukumomin tsaro da ’yan sa-kai ke yi. A cikin daren ranar Larabar da ta gabata waɗannan mutanen sun…

25 Sep

Sulhu da ‘yan bindiga: Gwamnan Zamfara ya buƙaci Gwamnatin Tarayya ta gaggauta gudanar da bincike

EditorLabarai

Gwamna Dauda Lawal na jihar Zamfara ya yi kira ga Gwamnatin Tarayya da ta yi ƙwaƙƙwaran bincike kan sulhu da da ake yi da ‘yan bindiga a jihar. Rahotonni sun bayyana yadda wata tawaga ta Gwamnatin Tarayya take gudanar da zaman sulhu da ‘yan bindiga a Zamfara, ba tare da sanin Gwamnatin Jihar ba. A wata sanarwa wacce mai magana da yawun Gwamna Lawal, Sulaiman Bala Idris, ya fitar a ranar litinin, gwamnatin ta Zamfara ta yi Allah wadai da tawagar ta Gwamnatin Tarayya wacce take jagorantar wannan sulhu, tare da alhinin cewa ko tuntuɓar gwamnatin jihar ba a yi…

25 Sep

An sauke wa acaɓa, keke napep farashin fetur zuwa N430 a Borno

EditorKasuwanci, Labarai

An sauke farashin litar mai zuwa Naira 430 don amfanin 'yan acaɓa da matuƙa adaidaita-sahu da 'yan taksi a jihar Borno. Bayanai sun ce ƙaddamar da dogayen motoci guda 70 da gwamnatin jihar ta yi don rage raɗaɗin rayuwa inda jama'a kan biya N50, hakan ya sa sauran masu abubuwa na 'yan kasuwa a jihar kowa na neman matsaya. An ce wasu masu hannu da shuni a jihar suka bai wa gidajen mai a babban birnin jihar kwangilar sayar da fetur N430 kan kowace lita a maimakon N637. Bayanai sun ce masu hannu da shunin sun ɗauki wannan mataki ne…

25 Sep

Tinubu ya ba da umarnin ceto ɗaliban Gusau

EditorLabarai

Shugaban Ƙasa Bola Ahmed Tinubu ya bai wa hukumomin tsaro umarni kan su gaggauta ceto ragowar ɗalibai mata na jam'iyyar tarayya da ke Gusau waɗanda 'yan ta'adda suka yi garkuwa da su kwanan nan. Idan ba a manta ba, a ranar Juma'ar da ta gabata wasu 'yan bindiga suka bi ɗaliban har ɗakunan kwanasu suka sace su. Sa'o'i kaɗan da faruwar lamarin rundunar tsaro ta haɗin gwiwa, wato Hadarin Daji, mai yaƙi da matsalolin tsaro a yankin, suka samu nasarar kuɓutar da mutum shida daga cikin ɗaliban da aka yi awon gaba da su. Umarnin na Tinubu na ƙunshe ne…

23 Sep

Tsaro: Gwamna Dauda Lawal ya haramta haƙar ma’dinai ba bisa ƙa’ida ba a Zamfara

EditorLabarai

*Ya umurci jami’an tsaro su ɗauki tsattsauran mataki A yau Asabar, Gwamnan Dauda Lawal, ya sanar da haramta haƙar ma’idanai ba bisa ƙa’ida ba, tare da umurtar jami’an tsaro su ɗauki tsattsauran mataki kan duk wanda aka kama yana aikata hakan. A tsawon shekaru, haƙar ma’adinai ba bisa ƙa’ida ba na daga cikin abubuwan da ke ta’azzara harkar ‘yan bindiga a faɗin Jihar Zamfara. Gwamna Lawal, a wata sanarwar manema labarai da mai magana da yawunsa, Sulaiman Bala Idris ya fitar, ya ce gwamnatinsa ta ɗauki wannan matakin ne domin daƙile wannan ɓarna ta haƙar ma’adinai ba bisa ƙa’ida ba,…

23 Sep

Kotu ta ayyana Alia a matsayin zaɓaɓɓen Gwamnan Binuwai

EditorLabarai, Siyasa

Kotun Sauraren Ƙorafe-ƙorafen Zaɓen Gwamnan Jihar Binuwai mai zamanta a Makurdi, ta tabbatar da Gwamna Hyacinth Alia na Jam'iyyar APC a matsayin zaɓaɓɓen gwamnan jihar. Kotun ta kuma yi watsi da ƙarar da Jam'iyyar PDP da ɗan takararta, Titus Uba, suka shigar inda suke ƙalubalabtar sakamakon zaɓen gwamnan jihar da ya gudana a ranar 18 ga Maris. Shugaban alƙalan kotun, Mai Shari'a Ibrahim Karaye, ya ce kotun ba ta da hurumin sauraren ƙarar kasancewar ƙorafe-ƙorafen da aka gabatar mata abu ne da ya shafi gabanin zaɓe kamar yadda yake ƙunshe a Sashe na 285 ns Dokar Zaɓe. Kotun ta ce…

23 Sep

Nijeriya na ƙara kwarjini a idon duniya ƙarƙashin Tinubu – Ministan Labarai

EditorLabarai

Daga NASIR S. GWANGWAZO a Abuja Ministan Labarai na Nijeriya, Mohammed Idris Malagi, ya bayyana cewa, Nijeriya na qara kwarjini samun tagomashi da kwarjini a idon duniya ƙarƙashin kyakkyawan jagorancin da Shugaba Bola Ahmed Tinubu yake bai wa ƙasar. Ministan Labaran ya bayyana hakan ne jiya a tattaunawar da ya yi da Gidan Talabijin na Nijeriya (NTA) a Babban Taron Majalisar Ɗinkin Duniya da ake gudanarwa a New York dake Amurka, inda ya ƙara da cewa, Shugaban Nijeriyar ya ƙara fito da martabar ba wai kawai Nijeriya ita kaɗai ba, a’a, har ma da Nahiyar Afrika bakiɗaya. “Ziyara ce mai…

23 Sep

NLC ta bayyana shiga yajin aikin sai baba-ta-gani

EditorLabarai

Ƙungiyar Ƙwadago ta Ƙasa (NLC) ta bayyana tsunduma yajin aikin sai baba-ta-gani biyo bayan gazawar gwamnati wajen cimma buƙatunta. Daraktan yaɗa labarai da hulɗa da jama'a na NLC, Benson Upah, shi ne ya bayyana shiga yajin aikin a ranar Juma'a. Tun da fari, sai da NLC ta yi yajin aiki na kwana biyu a matsayin gargaɗi ga gwamnati, sannan daga bisani ta bai wa gwamnatin wa'adin mako biyu na gwamnati ta yi abin da ya kamace ta. Wa'adin mako biyun ya ƙare ne a ranar Juma'ar da ta gabata, ba tare da gwamnatin ta biya buƙatun NLC ɗin ba don…

23 Sep

Mohbad: Dalilinmu na harba barkonon tsohuwa a Lekki – ‘Yan Sanada

EditorLabarai, Nishadi

Rundunar 'Yan Sandan Jihar Legas ta bayyana a ranar Juma'a cewa, ta harba barkonon tsohuwa domin tarwatsa taron jama'a da aka haɗa a babbar ƙofar gari a Lekki a ranar Alhamis. Rahotanni sun ce jama'a sun yi dandazo a yankin ne don nuna alhini da kuma jana'izar mawaƙin nan Ilerioluwa Oladimeji Aloba (Mohbad) a Victoria Island, Legas. A cewar mai magana da yawun 'yan sandan jihar, SP Benjamin Hundeyin, “Babu harsashi ko guda da aka harba. 'Yan sanda sun yi amfani da salon tattalin irin taron jama'ar da aka haɗa ba bisa doka ba. “Ba a samu asarar rai ba,…

23 Sep

Wike ya ƙwace filayen su Peter Obi a Abuja

EditorLabarai

A wani mataki na yin aiki ba sani ba sabo da Ministan Abuja, Nyesom Wike, yake yi don gyara wa birnin tarayya zama, Ministan ya ƙwace wasu filaye a birnin mallakar ɗan takarar shugaban ƙasa na Jam'iyya Labour (LP) a babban zaɓen 2023, Peter Obi da tsohon Gwamnan Kuros Riba Liyel Imoke. Sanarwar da Babban Sakataren Hukumar Abuja, Olusade Adesola, ya fitar a ranar Alhamis ta nuna filayen Obi da na Imoke na daga cikin fuloti 165 da ministan ya janye mallakarsu ta dawo hannun gwamnati. A cewar sanarwar, Wike ya ƙwace filayen ne sakamakon mamallakansu sun ƙi gina su.…