Labarai - Manhaja - Blueprint Hausa version

17 Jul

An horar da matasa masu amfani da zaurukan sada zumunta fiye da 200 a Bauchi

EditorLabarai

Daga ABBA YAKUBU ABUBAKAR a Bauchi A wani ɓangare na bukin cika shekaru biyu da kafuwar ƙungiyar haɗin kan matasan Arewa masu aiki da zaurukan sada zumunta na soshiyal midiya ta Arewa Media Writers ta shirya gudanar da wata gagarumar bita ta wuni biyu a Jihar Bauchi, domin ƙara wayar da kan ýan ƙungiyar dabarun amfani da zaurukan sada zumunta da yadda za su ci moriyar damar da ake samu. Taron wanda aka fara shi da yammacin ranar Jumma'a a babban ɗakin taro na otel din Zaranda ya samu halartar ýaýan ƙungiyar daga dukkan jihohin Arewa, waɗanda suka fara shiga…

16 Jul

Gwamnatin Kano ta ƙwace gurɓatacciyar fulawa buhu 487

EditorLabarai

Daga IBRAHIM HAMISU a Kano Hukumar Kare Haƙƙin mai Sayen Kaya ta Jihar Kano, KSCPC ta ƙwace kimanin buhun fulawa 487, da ta lalace a wajen ajiyar kaya a kasuwar abinci ta duniya da ke Dawanau da ke birnin Kano. Manajan-Darakta na riƙo a hukumar, Baffa Babba Ɗan'agundi ne ya bayyana hakan a wata sanarwa da kakakin hukumar, Musbahu Yakasai ya fitar a ranar Talata a Kano. Ɗan’agundi ya ce wasu mutanen kirki ne su ka bai wa hukumar bayanan sirri game da fulawar wacce aka kawo kasuwar da nufin sayar da ita. Ya ƙara da cewa bayan an kai…

16 Jul

’Yan Nijeriya ke rura wutar ta’addanci ta hanyar biyan kuɗin fansa, inji Garba Shehu

EditorLabarai

Daga SANI AHMAD GIWA a Abuja Garba Shehu, babban mataimaki na musamman ga Shugaban Ƙasa Muhammadu Buhari kan harkokin yaɗa labarai, ya ce biyan kuɗin fansa da iyalan waɗanda aka yi garkuwa da su ke yi na ƙara rura wutar ta’addanci a Nijeriya. Garba Shehu wanda ya yi magana a gidan Talabijin na Channels TV a ranar Litinin ɗin da ta gabata, ya ce za a ci gaba da yin garkuwa da mutane har sai ‘yan Nijeriya sun daina biyan kuɗin fansa sannan su ƙyale jami’an tsaro su yi aikinsu. Ya ce: “Duk waɗannan abubuwan da kuke faɗa game da…

16 Jul

Ina neman addu’ar al’umma kan halin da nake ciki – Ɗan Sandan Ma’aiki

EditorLabarai

Daga MUHAMMADU MUJITABA a Kano Wani ɗan sandan Nijeriya da ke Kano, ASP Tijjani Muhammad Mila Ƙofar Wambai, wanda aka fi sani da Ɗan Sandan Ma'aiki, wanda kuma ya shahara wajen yin waƙoƙin yabon Fiyayen Halita Annabi Muhammad (SAW) sama da shekara 20, kuma ya yi waƙoƙi sama da 40 na bege da sauran fannoni na addini duk da kasancewarsa ɗan sanda, sai dai kuma yanzu haka yana fama da larurar cutar mafitsara, inda ya ce, yana buƙatar addu'a daga al`umma masoya Fiyayyen Halitta kan Allah ya kawo sauƙi, ya ba shi lafiya. Ɗan Sandan Ma`aiki ya shaida ma wakilinmu…

16 Jul

Hukuma Ƙidaya ta yi takaicin yadda ƙananan hukumomin Abadam da Birnin Gwari suka haddasa tsaikon aiki

EditorLabarai

Daga BAKURA MUHAMMAD a Bauchi Hukumar Ƙidayar Jama’a ta Ƙasa (NPC) ta buƙaci masu ruwa da tsaki, musamman gwamnatocin jihohi, ƙananan hukumomi da masarautun gargajiya a ɗaukaci faɗin ƙasar nan da su goya wa hukumar baya tare da taimakawa jami’an ta waɗanda a halin yanzu suke gudanar da aiyukan gwajin ƙidaya a zaɓaɓɓun farfajiyar su da aka zaɓa domin gudanar da waɗannan ayyuka. Shugaban hukumar ta ƙasa, Honorabul Nasir Isa Kwarra ya faɗi a yayin ƙaddamar da qidayar gwajin a hukumance a garin Bauchi shekaranjiya Laraba wajen taron manema labarai a nan Bauchi cewar, ayyukan gwajin ƙidayar wata jarrabawa ce…

15 Jul

Farashin abinci na cigaba da tashin gwauron zabi a Abuja

EditorLabarai

Daga SANI AHMAD GIWA a Abuja Farashin kayan abinci na ci gaba da tashin gwauron zabi a Abuja da Jihar Nasarawa, inji rahoton Kamfanin Dillancin Labarai na Ƙasa, NAN. Wani bincike da NAN ta gudanar ya nuna cewa a Nasarawa da Babban Birnin Tarayya, mazauna garin na cikin takaici saboda ƙarin farashin kayan abinci. Wani ɗan kasuwa a kasuwar Kubwa, Dini Suleiman ya ce a baya ana sayar da buhun wake kan Naira 27,000 amma yanzu a na sayar da shi kan Naira 49,000. Suleiman ya ce a baya ana sayar da buhun shinkafa 'yar gida tsakanin Naira 15,000 zuwa…

15 Jul

Hukumar NEDC ta buƙaci matasa su rumgumi sana’ar bola-jari

EditorLabarai

Daga BAKURA MUHAMMAD a Bauchi Hukumar Raya Shiyyar Arewa maso Gabas (NEDC) ta yi kira ga ɗaukacin matasa marasa ayyukan dake cikin shiyyar da su tsumduma cikin sana’ar bola-jari da zummar rage zaman kashe wando da ya zama katutu a zuƙatan matasan ƙasar nan. Da yake yin jawabi a bikin rufe bita ta kwanaki bakwai wa ‘yan bola-jari guda ɗari dake Jihar Bauchi kan sabbin matakai cin galaba akan sana’ar ta mayar da bola kuɗi, wani mashawarcin hukumar, Dokta Ahmed Sabo ya buƙaci mahalarta bitar da su yi matuƙar amfani da abubuwan da suka koya domin faɗaɗa kasuwancinsu, har ma…

15 Jul

Dalilin da ya sa muka kai hari kurkukun Kuje – ’Yan bindiga

EditorLabarai

Daga SANI AHMAD GIWA a Abuja ’Yan bindigar da suka kai hari gidan yarin Kuje da ke Abuja ranar Talata, sun bayyana cewa sun kai hari ne don su kuɓutar da mutanensu saboda sun ga shugaban ƙasa yana yi wa gaggan ɓarayi afuwa. Wata majiya mai tushe ta ruwaito wasu masu tsaron gidan yarin na Kuje suna bayyana cewa sun ji 'yan bindigar suna fadar haka a lokacin da suka kai harin. Manhaja ta bada rahoton cewa 'yan bindigar sun fitar da mutane kusan 900, yayin da sama 300 suka dawo. Daga ciki, 69 kwamandojin Boko Haram ne. A lokacin…

15 Jul

Tsaro: Sarkin Bauchi ya buƙaci ‘yan Nijeriya su lazimci addu’o’i

EditorLabarai

Daga BAKURA MUHAMMAD a Bauchi Mai Martaba Sarkin Bauchi, Alhaji Rilwanu Suleiman Adamu, ya buƙaci ‘yan Nijeriya su duƙufa wajen gudanar da addu’o’i ga Allah Mabuwayi gagara misali ya kawo ƙarshen matsalolin ta’addanci da suke cusa tsoro da fargaba a zukatun jama’ar ƙasar. Sarkin na Bauchi ya yi kuma kira ga ɗaukacin ‘yan Nijeriya da cewa, ba tare da la’akari da nasabar addini ko ƙabilanci ba, su cuɗanya da juna cikin zamantakewa, haɗi da guje wa shiga sharo ba shanu da zai haddasa zaman ɗar-ɗar da ban tsoro da za su daƙushe walwalar jama’a. Mai Martaba Rilwanu Adamu, wanda kuma…

12 Jul

Bikin Sallah: Dalilin da ya hana Ganduje karɓar gaisuwar sallah daga Sarkin Kano

EditorLabarai

Daga BASHIR ISAH Gwamnatin Jihar Kano ta bayyana cewar, wani taron gaggawa da ya taso a Abuja shi ne dalilin da ya sa Gwamnan jihar, Umar Andullahi Ganduje ya rasa zaman karɓar gaisuwar sallah daga Sarkin Kano, Alhaji Aminu Ado Bayero. Bayanin hakan na ƙunshe ne cikin sanarwar da Kwamishinan Yaɗa Labarai na Jihar Kano, Malam Muhammad Garba ya fitar don ƙarin haske kan abin da ya hana Gandujen zaman karɓar gaisuwar basaraken a matsayin wani ɓangare bikin Sallah a Litinin ɗin da ta gabata. Sanarwar ta ce, a wannan rana, Ganduje ya halarci wani taron gaggawa da ya taso…