Labarai - Manhaja - Blueprint Hausa version

26 Jun

Masari ya ɗauki nauyin Kiristoci 28 zuwa aikin ibada ƙasar Isra’ila

EditorLabarai

Daga UMAR GARBA a Katsina Gwamatin Jihar Katsina ƙarƙashin jagorancin Gwamna Aminu Bello Masari ta ɗauki nauyin mabiya addinin Kirista 'yan asalin jihar zuwa ƙasar Isra'ila da kuma Jordan don gudunar da aikin ibadarsu. Kamar yadda Manhaja ta samu, Kiristocin waɗanda suka fito daga sassa daban-daban na jihar za su je ƙasar Isra'ila ne da ƙasar Jordan domin ziyarar wuraren ibadarsu da kuma wuraren tarihi masu muhimmanci a addinin na su. Da yake ƙarin haske a kan batun ga majiyar Manhaja ta Katsina Post mai bai wa gwamnan jihar shawara akan addinin Kiristocin, Rabaran Ishaya Jimrau, ya bayyana cewa mutanen…

24 Jun

Ya kamata gwamnati ta ɗauki matakin sassauta wa al’umma ƙuncin rayuwa – Ɗanpass

EditorLabarai

Daga IBRAHIM MUHAMMAD a Kano Ɗaya daga cikin Dattawan Arewa Ɗansaran Kano, Alhaji Gambo Abdullahi Ɗanpass ya yi kira ga mahukuntan ƙasar nan da su ɗauki matakai don sassautawa al'umma, musamman na Arewa halin da suka shiga na ƙuncin rayuwa da suka haɗa da yawan tashin farashin da kayan abinci da na masarufi, wanda ya ce hakan na matuƙar galabaitar da rayuwar al'umma. Ɗanpass ya yi nuni da cewa yanzu ta kai shinkafa da aka hana shigowa da ita, ta gidan ma da ake nomawa anan na neman ta gagari talaka, sannan noman ma da ake ga damuna ta taho…

24 Jun

Yadda ɗan banga ya yi wa ‘yar shekara 13 fyaɗe a Nasarawa

EditorLabarai

Daga JOHN D. WADA a Lafiya Hukumar tsaron farin kaya da aka fi sani da Nigeria Security and Civil Defense Corps a turance na ƙasa reshen Jihar Nasarawa ta cafke wani mataimakin shugaban ‘yan banga mai suna Dalla I. Usman mai kimanin shekaru 42 dangane da aikata laifin fyaɗe wa wata ƙaramar yarinya mai suna Ummi Musa mai kimanin shekaru 13. Da yake gabatar da wanda ake zargin ga manema labarai ciki har da wakilin mu a helkwatar hukumar dake Lafiya babban birnin jihar ranar Talata, 22 ga watan Yunin shekarar 2022 da ake ciki, jami’in hulɗa da jama’a na…

24 Jun

Yadda aikin hanyar Abuja zuwa Kano ke janyo asarar rayuka a Zariya

EditorLabarai

Daga MOHAMMED BELLO HABIB a Zariya Al’ummomin Gwargwaje dake cikin Ƙaramar Hukumar Zariya cikin Jihar Kaduna, sun koka a kan yawaitar haɗurra a yankinsu. Mai magana da yawun al’ummomin, Alhaji Shagari Mai Nama a tattaunawar shi da wakilin Manhaja a Zariya, ya koka akan yawaitar haɗurran, inda ya ce a duk rana ana samun haɗurra 2 zuwa 3 a yankin waɗanda kuma suke haifar da asarar rayukan al’umma akan wannan babban hanyar saboda yawan ababen hawa da suke ƙaruwa a kodayaushe, kuma hanya ce da ta haɗe Kudanci da Arewacin ƙasar nan. Alhaji Mainama ya ƙara da cewa tunda a…

24 Jun

Kotun Birtaniya ta ƙi amincewa da belin Ekweremadu da matarsa

EditorLabarai

Daga MAHDI M. MUHAMMAD Kotun majistare na Uxbridge da ke ƙasar Birtaniya ta ƙi bayar da ba da belin tsohon mataimakin shugaban majalisar dattawa, Ike Ekweremadu da matarsa, Beatrice kan zarginsu da safarar mutane da kuma sassan jiki. ’Yan sanda sun kama mutanen biyu ne a ranar Alhamis a birnin Landan. An tattaro cewa, waɗanda ake zarginsu da hannu a lamarin wani yaro ne mai shekaru 15 da haihuwa wanda Ekweremadu da matarsa suka kawo shi ƙasar Birtaniya daga kan titin Legas a Nijeriya. An tsare su a hannun ’yan sanda a ƙasar Birtaniya. An ɗage sauraron ƙarar zuwa ranar…

24 Jun

Rashawa: ICPC ta gano sama da biliyan N1 a gidan Buratai

EditorLabarai

Daga BASHIR ISAH Tsohon Babban Hafsan Hafsoshi, Tukur Buratai, ya sake samun kansa cikin wata sabuwar badaƙalar rashawa bayan da hukumar yaƙi da rashawa ta ICPC ta gano maƙudan kuɗaɗe sama da biliyan N1.89 ɓoye cikin wani gida a Abuja da aka ce mallakar Buratai ɗin ne. An rawaito cewa, jami'an ICPC sun yi wa gidan da ke yankin Wuse dirar mikiya ne baya ne biyo bayan bayanan sirrin da hukumar ta samu. Jaridar Peoples Gazette ta ce, da aka nemi jin ta bakinsa kan batun, Buratai ya ce ICPC ba ta da izinin binciken gidansa. Buratai wanda shi ne…

23 Jun

HOTUNA: Adamu ya ƙaddamar da kwamitin yaƙin neman zaɓen Jihar Osun

EditorLabarai

Shugaban Jam'iyyar APC na Ƙasa, Sanata Abdullahi Adamu, ya ƙaddamar da Kwamitin Yaƙin Neman Zaɓen APC don zaɓen gwamna da zai gudana a Jihar Osun. An kafa kwamitin ne ƙarkashin jagorancin Gwamna Babajide Sanwo-Olu na Jihar Legas da takwaransa na Jihar Kano, Gwamna Abdullahi Umar Ganduje. Sai dai, Gwamna Sanwo-Olu bai samu halartar bikin ƙaddamarwar ba sakamakon wani aikin ƙasa da ya ɗauke shi.

23 Jun

Kamfanin Blueprint ya ɗage babban taronsa na shekara-shekara

EditorLabarai

Daga BASHIR ISAH Hukumar Gudanarwar ta Kamfanin Jaridun Blueprint, ta ba da sanarwar ɗage taron laccar da kamfanin ya saba shiryawa da kuma miƙa lambobin yabo shekara-shekara wanda da fari ta tsara gudanarwa ranar Alhamis, 23 ga Yuni, 2022. Sanarwar ɗagewar na ƙunshe ne cikin sanarwar manema labaran da Babban Jami'in Gudanarwar kamfanin, Malam Salisu Umar, ya fitar ranar Laraba a Abuja. Jami'in ya ce, za a sanar da sabon lokacin da taron zai gudana nan ba da daɗewa ba. Ya ƙara da cewa, an ɗage taron ne saboda taron ECOWAS/NEC da zai gudana a ranar Alhamis wanda hakan ya…

23 Jun

Tsaftace amfani da intanet: Kungiyar NADIR ta yi na’am da yunƙurin NITDA

EditorLabarai

Daga BASHIR ISAH Ƙungiyar Network of Advocates for Digital Reporting ko kuma NADIR a taƙaice, ta nuna goyon bayanta ga Hukumar Bunƙasa Fasahar Yaɗa Labarai Ƙasa (NITDA) dangane da dokokin da hukunar ta samar don sa ido tare da tsaftace sha'anin yaɗa bayanai ta kwamfuta da intanet. NADIR ta ce yunƙurin da NITDA ta yi, ta yi shi a kan lokaci musamman ma duba da lokacin zaɓen 2023 irin lokacin da wasu kan yi amfani da intanet wajen yaɗa bayanan ƙarya da na gaskiya. NADIR ta yi waɗannan bayanan ne cikin wata sanarwar manema labarai da ta fitar mai ɗauke…

22 Jun

INEC ta amince da tsawaita shirin rijistar masu zaɓe da kwana 60

EditorLabarai

Daga BASHIR ISAH Hukumar Zaɓe Mai Zaman Kanta ta Ƙasa (INEC), ta amince da tsawaita wa’adin gudanar da shirin yi wa masu zaɓe rijista da kwana 60. Kafin wannan lokaci, ƙarshen watan Yunin 2022 INEC ta tsayar a matsayin lokacin da za ta kammala shirin yi wa masu zaɓe rijista. Jaridar Guardian ta rawaito cewa, Shugabar Kwamitin Majalisar Wakilai Kan Saha’anin Zaɓe, Aishatu Jibril Dukku ce ta bayyana tsawaita wa’adin ga takwarorinta a ranar Laraba. Ta ce, “Jiya (Talata) Kwamitin ya gana da INEC inda aka amince da batun tsawaita shirin yin rijistar…..” A ranar Litinin da ta gabata wata…