Labarai - Manhaja - Blueprint Hausa version

03 May

Mutum uku sun rasa rayukansu kan wata tsaleliyar budurwa a Kwara

EditorLabarai

Daga WAKILINMU Mutum uku sun rasa rayuwarsu, wasu da dama sun jikkata a ƙaramar hukumar Offa ta Jihar Kwara sanadin wata budurwa. Rahotanni sun nuna cewa, ƙungiyoyin ’yan daba biyu ne suka gwabza da juna biyo bayan wani saɓani da suka samu kan mace. Rahoto ya nuna cewa, rikicin ya soma ne ranar Asabar. Wani mazaunin yankin, Alhaji Abdurrahman, ya shaida wa manema labarai cewa, rikicin ya kaure ne tsakanin ’yan daban tsagin Isale Oja da na tsagin Oja Oba a Offa.A cewarsa, shugaban ɗaya daga cikin ƙungiyar ’yan daban ne ya kwace budurwan mamban ɗaya ƙungiyar 'yan daban da…

03 May

Kwamishinan Zamfara ya yi murabus

EditorLabarai

Daga SANUSI MUHAMMAD, a Gusau Kwamishinan Harkokin Addini na Jihar Zamfara kuma babban limamin masallacin Juma'a na Muslim Foundation da ke Gusau, Dr. Sheik Tukur Sani Jangebe ya yi murabus daga muƙaminsa. Wannan na ƙunshe ne a cikin wata takarda mai ɗauke da kwanan watan 1 ga Mayu, 2022 wacce ya sanya wa hannu kuma Blueprint Manhaja ta mallaki kwafi ranar Litinin a Gusau. Sheik Jangebe ya miƙa godiyarsa ga Gwamna Bello Mohammed Matawalle bisa damar da aka ba shi na zama ɗaya daga cikin mambobin majalisar zartarwar jihar na tsawon shekaru uku. Sai dai, Dr. Sheik Tukur Sani Jangebe…

02 May

Khalifa Muhammadu Sanusi ya fitar da mutane 59 daga kurkuku a Kano

EditorLabarai

Daga IBRAHIM HAMISU a Kano Gidauniyar Muhammadu Sanusi ll ta fitar da mutane 59 daga gidan yari, waɗanda su ka kasa biyan tara da kuma waɗanda a ka ɗaure su saboda basussuka da a ke binsu. Da yake zantawa da manema labarai a Laraba, Shugaban gudanarwar gidauniyar, Mujtaba Abba, ya ce Khalifa ya biya kuɗaɗen tarar da na basukan mutane 59 ɗin, kimanin Naira miliyan 16,820,370. Abba ya yi bayani cewa Khalifa ya bada umarnin a biya wa ɗaurarru 26 kuɗaɗen tara da basuka a gidan yarin Kurmawa, wanda adadin kuɗin ya kama Naira 4,466,500. A cewar shugaban gudanarwar, Khalifa…

02 May

Akwai buƙatar gwamnati ta sanar wa jama’a sharuɗɗan buɗe iyakar ƙasa da ta yi – Hon. Wada

EditorLabarai

Daga BABANGIDA S. GORA a Kano An buƙaci Gwamnatin Tarayya da ta bayyana ƙa'idojin da ya kamata al'ummar ƙasar nan su sani dangane da sake buɗe bodojin da ta bayyana ta yi cikin kwanakin nan. Wannan kiran ya fito ne daga bakin babban ɗan kasuwa kuma ɗaya daga cikin jiga-jigan 'yan siyasa a Ƙaramar Hukumar Nasarawa dake Jihar Kano, wato Hon. Bashir Wada, shugaban kasuwar Sabuwar Singa dake kan titin 'Yan-kaba cikin garin Kano a wata zantawa da manema labarai. Hon. Bashir ya cigaba da shaida wa manema labarai cewa lallai wannan yunƙuri na Gwamnatin Tarayya abu ne mai kyau…

02 May

’Yan sanda sun yi wa Kwamandan ‘Civil Defense’ ɗanyen aiki har sun kashe dogarinsa

EditorLabarai

Daga SANI AHMAD GIWA a Abuja ’Yan sanda a Jihar Imo sun yi wa Kwamandan Civil Defence lilis, sa'ilin da wani rikici ya ɓarke tsakanin 'yan sandan da jami'an NSCDC sakamakon rashin jituwan da ya wakana tsakanin jami'an hukumomin tsaron biyu. Manhaja ta ruwaito cewa 'yan sandan sun kai farmaki hedikwatar NSCDC da ke Owerri, ranar Litinin, kuma suka yi wa kwamandansu zindir kana suka kashe dogarinsa. Rahoton ya ƙara da cewa rikicin ya fara lokacin da wani ɗan sanda sanye da kayan gida ya tare hanya, ya hana Kwamandan NSCDC wucewa yayin da yake hanyar komawa Owerri daga Abacheke,…

02 May

Tsaro: Za a fara ɗaure masu biyan ‘yan bindiga kuɗin fansa – Majalisa

EditorLabarai

Daga SANI AHMAD GIWA a Abuja Majalisar Dattawan Nijeriya ta zartar da wani ƙuduri da zai tabbatar da hukuncin ɗaurin aƙalla shekara goma sha biyar ga masu biyan kuɗin fansa don kuɓutar da wani da aka sace. Ƙudurin dokar ya kuma amince da hukuncin kisa ko ɗaurin rai-da-rai a gidan yari ga duk wanda aka samu da laifin satar mutane. Ƙudurin, wanda gyaran fuska ne ga dokar yaƙi da ta'addanci, ya ƙunshi ɗaurin rai-da-rai ga masu satar mutanen da kotu ta kama da laifi, kuma matuƙar satar ta kai ga mutuwar mutum, masu laifin za su fuskanci hukuncin kisa. Ɓangaren…

02 May

Buhari ya yi wa ‘yan Nijeriya ‘Barka Da Sallah’

EditorLabarai

Daga BASHIR ISAH Shugaban Ƙasa Muhammadu Buhari ya miƙa saƙon barka da sallah ga ɗaukacin al'ummar musulmin Nijeriya da ma duniya baki ɗaya. Buhari ya miƙa saƙon nasa ne ta hannun mai magana da yawunsa, Garba Shehu, yana mai cewa bayan kammala azumin bana ana da dukkan wata dama na maraba da bikin sallah. Haka nan, Shugaban ya bai wa 'yan Nijeriya tabbacin "yaƙin da ake yi da ɓatagarin da suka fake da Musulunci suna cutar da jama'a ya kusa zuwa ƙarshe." Ya ce, “Yaƙi ne mai wahala wanda ya ɗauki tsawon lokaci, kuma a ƙarshe mun soma ganin nasara.…

02 May

Gwamna Ganduje ya haramta ɗaga tutocin siyasa a masallatan Idi

EditorLabarai

Daga IBRAHIM HAMISU a Kano Gwamnatin jihar Kano ta haramta liƙa hotuna da ɗaga tutocin siyasa a lokacin bukukuwan ƙaramar Sallah. Gwamna Dakta Abdullahi Umar Ganduje, ne ya bayyana hakan ta cikin saƙonsa na barka da Sallah ga al’ummar Kano. Ta cikin saƙon barka da Sallar da Gwamnan ya fitar ta hannun Kwamishinan yaɗa labarai na jihar Malam Muhammad Garba, ya ce daga yanzu an hana saka tutoci, ko allunan 'yan siyasa yayin sallar idi da sauran bukukuwan sallah domin kauce wa rikici. Ya ce, Sallar idi ibada ce muhimmiya bayan azumin Ramadana da ake bin bayanta da bukukuwan bajakolin…

01 May

’Yan bindiga sun yi garkuwa da Maigarin Rijana

EditorBabban Labari, Labarai

Daga IBRAHIM HAMZA MUHAMMAD Wasu da ake kyautata zaton ’yan bindiga ne sun yi garkuwa da Maigarin Rijana, Alhaji Ayuba Dakolo Ayuba, a gonarsa da ke yankin Ƙaramar Hukumar Kachia a Jihar Kaduna. Garin Rijana dai yana kan babbar hanyar Abuja zuwa Kaduna, kuma yana kusa da tashar jirgin ƙasa, sannan ba shi da nisa da inda ’yan bindiga suka dasa wa fasinjojin da ke cikin jirgin ƙasan Abuja zuwa Kaduna bom kwanan baya. Kamar yadda majiyar Blueprint Manhaja ta shaida, ta ce, an yi garkuwa da Maigari Ayuba ne da safiyar Alhamis lokacin da ya je duba gonarsa a…

01 May

Bikin sallah: ’Yan ta’adda na shirin tada bomabomai – DSS

EditorBabban Labari, Labarai

•Za su kai hari a masallatai da wuraren shaƙatawa Daga SANI AHMAD GIWA a Abuja A daidai lokacin da ya rage kwana kaɗan al'ummar Musulmi su gudanar da shagulgulan bikin Ƙaramar Sallah a Nijeriya, Hukumar 'Yan Sandan Farin Kaya (DSS) ta ankarar da 'yan Nijeriya kan wani makirci da suka gano da wasu ɓatagari ke shirin aikatawa a lokacin bukukuwan sallah da bayan sallah. Hukumar DSS ɗin da kanta ta ce ta gano cewa, wasu miyagu suna haɗin gwiwa domin saka bama-bamai a wuraren ibada, wuraren shaƙatawa da wasu gine-gine masu muhimmanci yayin bikin sallah. Don haka hukumar ta buƙaci…