Labarai - Manhaja - Blueprint Hausa version

25 Oct

Shugabannin ƙananan hukumomi sun amfana da bitar Hukumar Ɗa’ar Ma’aikata – Hon. Fulatan

EditorLabarai

Daga IBRAHIM MUHAMMAD a Kano Shugaban Ƙaramar Hukumar Rogo Hon. Mubarak Basiru Bello Fulatan ya bayyana cewa, taron sanin makamar aiki da hukumar kula da ɗa'ar ma'aikata ta shirya wa shugabannin ƙananan hukumomi da Kansiloli a jihar Kano, da nufin ƙara kawo gyara musamman ga yadda ake cike-ciken nemem bayanai akan yadda zaɓaɓɓu shugabannin ƙananan hukumomi da kansiloli za su gabatar da irin kadarorin da suka mallaka. Ya ce, a matsayin mutum na zaɓabɓen Shugaban Ƙaramar Hukuma ko Kansila akwai matsala idan ba ka yi wani abu yadda doka ta tanadi ba, zai iya yiwuwa a sami matsala ko bayan…

24 Oct

Ganduje ya bai wa makaho aiki saboda bajintarsa

EditorLabarai

Daga IBRAHIM HAMISU a Kano Gwamnan jihar Kano, Abdullahi Umar Ganduje, ya bai wa Ɗahuru Abdulhamid Idris wanda makaho ne, aikin koyarwa a gwamnatin jihar. Bayanin haka na ƙunshe ne cikin sanarwar da Sakataren Labarai na gwamnatin jihar, Abba Anwar ya fitar a ranar Lahadi. Kafin wannan lokaci, Ɗahuru ya kasance yana aikin koyarwa na sa-kai ba tare da ana biyansa wani albashi ba. Sanarwar ta ce bayan da Kwamishinan Ilimi na Jihar Kano, Muhammadu Sanusi Kiru, ya jagoranci Ɗahuru zuwa gaban Ganduje ne, a nan Ganduje ya bada umarnin a ɗauke shi aiki sannan a tura shi Makarantar Nakasassu…

24 Oct

Wata ƙabila da ke fifita rayuwar dabba akan ta mutum

EditorLabarai

Sanin kowa ne cewa abin al’ajabi ba ya ƙarewa a duniya, domin kuwa ga wata ƙabila da ke fifita rayuwar dabba a kan ta mutum, waɗanda su ke ganin da dabba ta shiga cikin wahala gara ace mutum ne ɗan adam ya shiga. Ita dai wannan ƙabila ba wata ba ce fyace al’ummar ‘Rabari’ da ke garin Gujarant ta cikin yankin ƙasar Indiya. Al’ummar ‘Ribari’ sun kasance makiyaya ne, ma’ana masu kiwon dabbobi daga wani ɓangare zuwa wani vangare na yankin ƙasar domin nema wa dabbobinsu abinci, basu da takamaiman wajen zama guda ɗaya kasancewar su dai ba mazauna waje…

24 Oct

Yadda wata ɗiyar sarki ta haƙura da masarautarsu don ta auri talaka

EditorLabarai

Wata gimbiya 'yar gidan sarauta ta yi watsi da dukan jin daɗin masarautar, inda kuma ta auri wani talaka gama-gari. Wannan na zuwa ne bayan haɗuwarsu a shekarar 2012 a makaranta, lamarin mai ban sha’awa, jama’a sun yi tsokaci sosai kan masoyan, inda aka tattaro maganar jama’a kan batun. Tashar Aljazeera ta ruwaito cewa, za a ɗaura auren gimbiya Mako ta ƙasar Japan da wani talaka mai suna Kei Komuro a watan Oktoba na 2021. A baya kaɗan, an lura cewa ma’auratan sun yi ta yawo a intanet kwanakin da suka gabata bayan dangantakarsu ta zama sananniya ga jama’a. Ta…

24 Oct

Buhari ya gana da shugabannin tsaron Nijeriya

EditorLabarai

Daga MAHDI M. MUHAMMAD a Abuja A ranar Alhamis da ta gabata Shugaban Ƙasa Muhammadu Buhari ya shiga ganawa da shugabannin tsaro na Nijeriya a Fadar Shugaban Ƙasa da ke Abuja. Duk da yake ba a bayar da cikakken bayani a hukumance ba har zuwa lokacin haɗa wannan rahoton, amma akwai yiwuwar tattauna batun ƙalubalen sakandar da 'yan Boko Haram da 'yan bindiga ke yi, wanda a yanzu haka ta zama wani alaƙaƙai a ƙasar, musamman a Jihohin Arewa maso yamma. Daga cikin waɗanda ke wurin taron akwai mataimakin shugaban ƙasa Yemi Osinbajo; Babban Lauyan Ƙasa kuma Ministan Shari’a, Abubakar…

24 Oct

Kwalara ta halaka mutane 500 a Jigawa

EditorLabarai

Daga UMAR AKILU MAJERI a Dutse Kimanin mutane 500 cutar Kwalara ta halaka kwanakin baya a yankunan ƙananan hukumomin jihar Jigawa 27. Ana sa ran za a yi wa mutane dubu ɗari bakwai allurar rigakafin Kwalara kashi na farko a yankunan ƙananan hukumomin Hadejia, Dutse da ƙaramar hukumar Birnin Kudu da ke jihar ta Jigawa. Babban sakatare a Hukumar Lafiya Matakin Farko, Dr. Kabir Ibrahim ya ce a ƙaramar hukumar Dutse sun zaɓi ƙauyen Baranda saboda biyayyar su ga shugabannin kuma yanki ne da yake da manyan mutane manoma da albarkatun ƙasa, kuma suna ɗaya daga cikin yankunan da suka…

24 Oct

Kasafin 2022: Buhari ya kasa cika alƙawarin da ya ɗauka a fannin ilimi

EditorLabarai

Daga BAKURA K. MUHAMMAD a Bauchi Duk da alƙawarin da Shugaban Ƙasa Muhammadu Buhari ya yi a zauren taro na ƙasa da ƙasa cewar, zai ƙara kason fannin ilimi daga cikin dabtarin kasafin kuɗi na shekaru masu zuwa ya ƙaru zuwa a taƙaice kashi hamsin cikin ɗari, kuma da sannu zuwa kashi ɗari a shekara ta 2025, sai kwatsam a cikin dabtarin kasafi na shekara ta 2022 kaso da aka yi wa fannin ya faɗi warwas zuwa Naira tiriliyan ɗaya da kusan ɗigo uku ko kashi bakwai da ɗigo tara cikin ɗari, daga cikin gundarin dabtarin kasafin da ya ƙunshi…

23 Oct

Jirgin Abuja zuwa Kaduna zai ci gaba da aiki yau – NRC

EditorLabarai

Daga BASHIR ISAH Hukumar Gudanarwa ta Ma'aikatar Sufurin Jiragen Ƙasa ta Nijeriya (NRC), ta bayar da sanarwar cewa jirgin da ke zirga-zirga tsakanin Abuja da Kaduna zai ci gaba da aiki yau Asabar kamar yadda aka saba. Hukumar ta fitar tsari da kuma lokutan yadda jirgin zai ci gaba da gudanar da aikinsa, inda ta ce yanzu da ƙarfe 09:50am jirgin zai riƙa tashi daga Idu, Abuja, sai kuma ƙarfe 10:50am daga Rigasa, Kaduna. Sanarwar hukumar ta nuna cewa, sauran jiragen ma za su ci gaba zirga-zigarsu babu tsaiko. Daga nan, hukumar ta yi amfani da wannan dama wajen bai…

22 Oct

Sojojin Najeriya sun gama da Malam Baƙo, magajin Shugaban ISWAP ɗin da suka kashe, Al-Barnawiy

EditorLabarai

Daga AMINA YUSUF ALI Mai ba wa Shugaban ƙasar Najeriya, Muhammadu Buhari shawara a kan sha'anin tsaro, Manjo Janar Babagana Monguno (mai ritaya) ya sanar da mutuwar Malam Baƙo, magajin tsohon shugaban wannan ƙungiyar ta'addancin mai haɗari ta ISWAP, Abu Musab Al-Barnawiy. Munguno ya yi wannan bayani ne, a lokacin da yake jawabi ga wakilai daga majalisar dokoki, a yayin taron ganawa tsakanin shugaban ƙasa da shugabannin tsaron ƙasar nan, ranar Alhamis ɗin da ta gabata a Abuja. A dai taron wanda shugaban ƙasa Buhari ya jagoranta, an yo waiwaye game da mutuwar tsohon shugaban na ISWAP Albarnawiy wanda Janar…

22 Oct

Jaridar Manhaja ta yau ta fito

EditorLabarai

Jaridar MANHAJA ta fito, ana samunta ko'ina a sassan Nijeriya. Kamar yadda ta saba, wannan karon ma jaridar ɗauke take da sahihan labarai da suka shafi fannoni daban-daban.