ukarofi

Daga SANUSI MUHAMMAD a Gusau ƙaramin Ministan Tsaro, Dr. Bello Mohammed Matawalle, ya bayyana ta'aziyyarsa ga iyalan waɗanda hare-haren 'yan ta'adda suka shafa a ƙaramar Hukumar Bungudu da sauran al'ummomin Jihar Zamfara, tare da bayar da umarnin ƙara zafafa ayyukan soja a faɗin yankin Arewa maso Yamma domin dakile ayyukan ta'addanci. A cikin wata sanarwa da Mataimakinsa na Musamman kan Harkokin Yaɗa Labarai, Ahmed Dan Wudil, ya fitar ranar Lahadi, Dr. Matawalle ya bayyana cewa Gwamnatin Tarayya na ci gaba da jajircewa wajen dawo da zaman lafiya da tsaro duk da ƙaruwar hare-haren da aka samu a wasu sassan yankin…

Daga SANI AHMAD GIWA a Abuja Sojojin Operation HAɗIN KAI (OPHK) sun daƙile yunƙurin da wasu ‘yan ta’addan ISWAP/JAS suka yi na kutsawa sansanin soji a Jihar Borno, tare da kwashe dalibai mata 21 zuwa wuri mai tsaro bayan samun sahihan bayanan sirri kan shirin kai hari. Rahotannin ayyukan rundunar da aka fitar a ranar Litinin sun kuma tabbatar da kama wani da ake zargi da yin garkuwa da mutane, wanda ke gudanar da ayyukansa tsakanin Nijeriya da Kamaru. A cewar rahoton, sojojin Bataliya ta 3 da ke Forward Operating Base Logomani sun gano ta hanyar na’urar sa ido ta…

Daga SANI AHMAD GIWA a Abuja Ministan Tsaro, Janar Christopher Musa (mai ritaya), ya bayyana cewa Shugaba Bola Ahmed Tinubu zai sanar da ƙarin albashi ga jami'an rundunar sojojin Nijeriya nan ba da jimawa ba, a wani yunƙuri na gwamnatin tarayya na inganta walwala da jin daɗin sojoji. Musa ya bayyana hakan ne a Abuja yayin wani taron horaswa da tallafa wa matan sojoji da kuma zawarawan sojojin da suka rasu. Ya ce gwamnati na ci gaba da ɗaukar matakan da za su inganta rayuwar jami'an tsaro da iyalansu. A cewarsa, gwamnati ta riga ta ƙara mafi ƙarancin albashin wasu…

Daga ABDULLAHI MUHAMMAD a Katsina Ƙungiyar haɗin kan mawaƙan bege (Coalition of Shu’ara Katsina State) ta Jihar Katsina ta kai ziyarar sada zumunci ga shugaban ƙungiyar Jama’atu Izalatil Bidi’a Wa Ikamatis Sunnah ta Jihar Katsina, Sheikh (Dr.) Yakubu Musa Hassan (Sautus-Sunnah). Da yake gabatar da jawabin dalilin ziyarar, shugaban ƙungiyar haɗin kan mawaƙan bege a Katsina, Sayyadi Abubakar Ɗan Masani, ya bayyana cewa an kawo wannan ziyarar ne domin ƙarfafa zumunci da kuma gabatar da ƙungiyar da manufofinta, tare da neman shawarwari. A nasa jawabin, Sheikh Yakubu Musa ya bayyana farin cikinsa da wannan ziyara da shugabannin ƙungiyar suka kawo…

An ƙaddamar da ba da takardar aikin dindin ta malaman makaranta, sama da mutum 130 ƙarƙashin sahalewar Gwamnan Kano, Alhaji Abba Kabir Yusuf a ƙaramar hukumar Bichi, wadda ta kasance a cikin ƙananan hukumomi 44 da suka rabauta a faɗin jihar Kano. Kamar yadda jami'ar yaɗa labarai ta ƙaramar hukumar, Jamila Abdullahi Rijiyar Lemo ta sanar. Shugaban majalisar yankin, Alhaji Hamza Sule Maifata, a yayin gudanar da gangamin taron a sakatariyar ƙaramar hukumar, ya buƙaci waɗanda suka rabauta da aikin koyarwar, su zama jajirtattu masu amana wajen zuwa aiki koda yaushe kuma da yin aikin tuƙuru a kan lokaci, domin…

A cigaba da wanzuwar ayyukan raya ƙasa da gina rayuwar jama'a da ɗan majalisar tarayya, Alhaji Abubakar Kabir Abubakar ke ta gudanarwa, jami'ar yaɗa labarai ta yankin, Jamila Abdullahi Rijiyar Lemo ta samu zanta wa da wasu daga cikin injiniyoyi da manajojin ayyukan raya ƙasa na gani da ido hannu ya taɓa, sakamakon katafariyar katangar da ɗan majalisar ya ɗauki salon zagaye gine-ginen manyan ma'aikatu da hukumomin yankin domin jin daɗi da walwalar jama'a da kuma tsaro. Arc Imam Mukthar Sa'ad, ya tabbatar da aikin tun da aka fara shi ba a tsaya ba, komai yana tafiya yadda ya kamata…

Daga ABDULLAHI MUHAMMAD a Katsina Majalisar Dokokin Jihar Katsina ta yi kira ga gwamnatin jihar da ta haramta gudanar da bukukkuwan graduation party da sign out a dukkan makarantun sakandare da manyan makarantu da ke faɗin jihar. A zaman majalisar na ƙarƙashin jagorancin mataimakin kakakin majalisar, Rt. Hon. Abduljalal Haruna Runka, bayan ƙudurin da Hon. Aliyu Abubakar Albaba, mai wakiltar Katsina, ya gabatar. Ya ce hakan zai taimaka wajen mayar da hankali kan ilimi da tarbiyyar ɗalibai. Hakazalika, majalisar ta buƙaci gwamnatin jihar ta gaggauta gyaran hanyar Fanga zuwa Kafin Dangi zuwa Bindawa ta miƙe zuwa Agalawa ta je Yar…

Daga SANI AHMAD GIWA a Abuja Hukumar Kula da Yawan Jama’a ta Majalisar ɗinkin Duniya (UNFPA), ta ce matsin tattalin arziƙi da tsadar gidaje na sa matasa da dama a Nijeriya jinkirta yin aure. Wakiliyar UNFPA a Nijeriya, Muriel Mafiko ce, ta bayyana hakan yayin jawabi a wajen bikin Ranar Yawan Jama’a ta Duniya ta 2026. Ta ce wani bincike da hukumar ta gudanar ya nuna cewa yawancin matasa har yanzu suna son yin aure da kuma haihuwar yara. Sai dai rashin aikin yi, yarancin samun kuɗi, tsadar gidaje, rashin tsaro, da yarancin samun ingantaccen ilimi da kiwon lafiya na…

Daga SANI AHMAD GIWA a Abuja Wata budurwa mai shekaru 25, Maimunatu Idris, 'yar ƙaramar Hukumar Maigatari ta Jihar Jigawa, ta amsa cewa ita ce ta kai wa saurayinta hari da wuƙa a wani otal da ke Jihar Kano, inda ta jikkata shi a mazaƙuta. A cewarta, kishi ne ya sa ta aikata hakan bayan ta gano cewa saurayin nata na shirin auren wata mata, duk da cewa sun shafe shekaru shida suna soyayya. Rundunar ’Yan Sandan Jihar Kano ta ce lamarin ya faru ne a Durbar Hotel da ke kan titin Ahmadu Bello Way, inda aka garzaya da saurayin…

Daga MUHAMMADU MUJITTABA a Kano Wakilin Manajan Kamfanin Felicity Solar, Auwalu Sidi Muhammad Tankwai, ya bayyana cewa kamfanin ya horar da matasa sama da 100 sana'o'in da suka shafi amfani da fasahar hasken rana (Solar) kyauta, domin samar musu da hanyar dogaro da kai da bunƙasa tattalin arzikinsu. Tankwai ya ce manufar kamfanin ita ce rage rashin aikin yi a tsakanin matasa tare da ba su ƙwarewar da za ta taimaka musu wajen samun abin dogaro da kai da kuma tallafa wa iyalansu da al'ummarsu. Ya bayyana cewa samar wa matasa ayyukan yi na daga cikin hanyoyin magance matsalolin tsaro…