ukarofi - Manhaja - Blueprint Hausa version

10 May

NRC ta buƙaci al’ummomin Abuja–Kaduna su taimaka wajen kare layin dogo

ukarofiLabarai

Daga MAHDI MUSA MUHAMMAD Hukumar Jiragen ƙasa ta Nijeriya (NRC) ta yi kira ga al’ummomin da ke gefen layin dogo na Abuja zuwa Kaduna da su taka rawar gani wajen kare jiragen ƙasa da kayayyakin layin dogo, sakamakon ƙaruwar hare-hare da lalata kayayyaki da ake fuskanta a yankin. Wannan kira na zuwa ne bayan karuwar ayyukan wasu bata-gari da ke kai hare-hare kan jiragen ƙasa tare da lalata sassan su, lamarin da hukumar NRC ta yi Allah-wadai da shi, tana mai cewa masu aikata laifukan sun samu damar aiwatar da ayyukansu cikin sauƙi a wasu wurare. Hukumar ta bayyana cewa…

10 May

2027: ADC na fuskantar ficewar mambobi bayan sauya sheƙar Obi da Kwankwaso

ukarofiLabarai

Daga MAHDI MUSA MUHAMMAD Alamu na nuna cewa mambobi da dama na Jam’iyyar ADC na ci gaba da ficewa daga jam’iyyar, jim kaɗan bayan da tsoffin ’yan takarar shugaban ƙasa, Peter Obi da Rabiu Musa Kwankwaso, suka bar jam’iyyar tare da komawa sabuwar jam’iyyar NDC. Rahotanni sun bayyana cewa wannan sabon yanayi ya biyo bayan fitar da wasu tsare-tsare daga ƙungiyar Obedient Moɓement da kuma Kwankwasiyya, waɗanda suka bayyana hanyoyin da mabiya za su bi domin ficewa daga ADC. A daidai wannan lokaci, magoya bayan tsohon mataimakin shugaban ƙasa, Atiku Abubakar, sun musanta rahotannin da ke cewa ana tattaunawa domin…

10 May

Gwamnan Kano ya bada umarnin bincikar tsohon Shugaban Ma’aikata

ukarofiLabarai

Daga MAHDI MUSA MUHAMMAD Gwamnan Jihar Kano, Abba Kabir Yusuf, ya bayar da umarnin a gudanar da bincike kan zargin cewa an cire kimanin Naira biliyan 1.5 daga kuɗaɗen ma’aikata a lokacin tsohon Shugaban Ma’aikatan Gwamnati, Abdullahi Musa. Gwamnan ya bayyana hakan ne a yayin bikin Ranar Ma’aikata, inda ya ke mayar da martani ga zargin da Shugaban ƙungiyar ƙwadago ta Nijeriya (NLC) reshen jihar Kano, Kabiru Inuwa, ya gabatar. Abba Kabir Yusuf ya ce, ya riga ya umarci Sakataren Gwamnatin Jihar Kano (SSG), Umar Faruƙ Ibrahim, da ya kafa kwamiti na musamman domin binciken zargin. Ya kuma sha alwashin…

10 May

Kara jarin bankuna: Tinubu ya yaba da sauye-sauyen CBN wajen farfaɗo da tattalin arziki

ukarofiLabarai

Daga MAHDI MUSA MUHAMMAD Shugaban ƙasa Bola Ahmed Tinubu, ya yaba wa Gwamnan Babban Bankin Nijeriya (CBN), Olayemi Cardoso, bisa jagorantar sauye-sauyen da ake yi a fannin kuɗi, yana mai cewa manufofin da ake aiwatarwa na taimakawa wajen sake gina tattalin arzikin ƙasa domin samun ci gaba mai ɗorewa. Tinubu ya bayyana hakan ne bayan wa’adin ranar 31 ga Maris, 2026 na cika sharuɗɗan ƙarfafa jari ga bankuna, inda ya bayyana Cardoso a matsayin shugaba mai ƙwazo da mayar da hankali kan gyaran tsarin kuɗi. Ya ce, sauye-sauyen, ciki har da gyaran tsarin musayar kuɗaɗen waje da kuma tsauraran dokokin…

10 May

Majalisar Dattawa ta sauya dokar shugabancinta ga tsofaffin mambobin majalisa

ukarofiLabarai

Daga MAHDI MUSA MUHAMMAD Majalisar Dattawan Nijeriya ta amince da gyaran dokokinta na cikin gida, inda ta taƙaita cancantar tsayawa takarar Shugaban Majalisar Dattawa ga ‘yan majalisar da suka riga suka yi aiki a Majalisar ta 10. An yanke wannan hukunci ne bayan wani dogon zama na sirri da sanatoci suka yi a ranar Talata, inda suka amince da sabbin ƙa’idoji da nufin ƙarfafa tsarin matsayi, gogewa da kuma ƙwarewa a cikin majalisar. A ƙarƙashin sabon tsarin, an tanadi cewa sai sanata da ya yi aƙalla wa’adi biyu ne zai iya tsayawa takarar muƙaman shugabanci a majalisar, ciki har da…

09 May

‘Yan bindiga na samun bayanai cikin minti biyar a duk taron da muka yi – Raɗɗa

ukarofiLabarai

Daga ABDULLAHI MUHAMMAD a Katsina Gwamna Dikko Raɗɗa na Katsina ya yi zargin cewa akwai ‘yan iska a cikin hukumomin gwamnati da jami’an tsaro da kuma al’ummomin yankin da ke ba da bayanai ga ‘yan bindiga, ta yadda suke taimakawa ayyukan miyagun ayyuka a faɗin jihar Katsina. Da yake magana a wata tattaunawa ta musamman da gidan talabijin na Channels da News Point Nigeria , gwamnan ya ce yaƙi da rashin tsaro a jihar na fuskantar muguwar illa daga wasu mutane da ke fallasa wasu muhimman bayanan tsaro ga ƙungiyoyin masu laifi. Raɗɗa ya ambaci wani ɗan bindiga da ya…

09 May

Kadana ya jagoranci kiran haɗin kai a ADC tare da goyon bayan Malam Ibrahim Khalil

ukarofiLabarai

Daga RABIU SANUSI Shugaban ƙungiyar masu neman takara ta jihar Kano a ƙarƙashin jam’iyyar African Democratic Congress, Hon. Haruna Yahaya Kadana ya yi kira ga mambobin jam’iyyar da al’ummar jihar Kano da su ci gaba da haɗa kai da goyon bayan ‘yan takara masu nagarta, musamman ɗan takarar gwamna Malam Ibrahim Khalil domin tabbatar da sauyin da ake fata a jihar. Kadana ya yi wannan jawabi ne yayin wani liyafar daren girmamawa da aka shirya domin tarbar Malam Ibrahim Khalil bayan dawowarsa daga ƙasar Saudi Arabia, inda ya kammala aikin Umrah cikin nasara kwanan nan. Taron ya gudana ne da…

09 May

Jami’an tsaro sun kashe ‘yan bindiga biyar tare da ceto mutane 32 a Katsina

ukarofiLabarai

Gwamnatin Jihar Katsina ta sake samun nasara a sabbin hare-haren tsaro da ake kai wa ’yan bindiga a jihar da maƙwabtan yankuna. Haɗaɗɗun jami’an tsaro sun ƙara ƙaimi wajen gudanar da farmaki kan Muhammadu Fulani, wani fitaccen jagoran ’yan bindiga da ke gudanar da ayyukansa a ƙananan hukumomin Matazu, Musawa, Kankia, Charanchi, da wasu sassan Jihar Kano. A wata takardar sanar wa ɗauke da sa hannun kwamishinan harkokin cikin gida da tsaro Dr Nasiru Mu'azu Danmusa ya ce sabbin hare-haren da aka kai, jami’an tsaro sun kashe ’yan bindiga biyar tare da ƙwato makamai da kayan aikin da suke amfani…

09 May

2027: Abu Giza ya karɓi fom ɗin neman takarar gwamna ƙarƙashin jam’iyyar ZLP

ukarofiLabarai

Daga JOHN D WADA a Lafia Ɗan takar gwamna a jihar Nasarawa Abubakar Giza ya bayyana sha’awarsa ta tsayawa takarar kujerar gwamna a zaɓen 2027 ƙarƙashin jam’iyyar Zenith Labour Party inda yayi alƙawarin gina jihar da ayyukan cigaban kamar aiki wa matasa da tsaro da kuma kafa gwamnati mai kula da al’umma idan aka zaɓe shi. Maigirma Abubakar Giza ya bayyana hakan ne a wajen wani babban taro da aka gudanar a sakatariyar jam’iyyar da ke Lafia wanda mambobin jam’iyyar ta Zenith Labor Party (ZLP) da ɗimbin magoya baya da masu ruwa da tsaki suka halarta. Ya ce dalilin shigarsa…

09 May

Takarar sanata: APC ta gamsu da cancantar Inuwa Yahaya

ukarofiLabarai

Daga ABUBAKAR A BOLARI GOMBE, Jam’iyyar APC ta bayyana gamsuwarta da cancantar Gwamnan Jihar Gombe, Muhammadu Inuwa Yahaya, bayan tantance shi domin tsayawa takarar kujerar Sanatan Gombe ta Arewa a zaɓen shekarar 2027. An gudanar da tantancewar ne a Plateau House da ke Abuja, inda kwamitin tantance ‘yan takarar Sanata na jam’iyyar ya karɓi gwamnan tare da duba takardunsa da cancantarsa domin shiga zaɓen. Gwamna Inuwa Yahaya, wanda ya fito a matsayin ɗan takarar maslaha na APC a yankin Gombe ta Arewa, ya bayyana a gaban kwamitin tare da wasu gwamnoni da manyan jiga-jigan jam’iyyar da ke neman kujerun Sanata…