ukarofi

Daga ABDULLAHI MUHAMMAD a Katsina Gwamnan Jihar Malam Dikko Raɗɗa ne ya ayyana buɗe taron horaswa na kwana guda da aka shirya wa yan majalisar zartarwa na jihar kan tsarin haɗin gwiwar gwamnati da masu zaman kansu (Public–Private Partnership – PPP) wanda hukumar bunƙasa zuba jari a jihar (KIPA) ke jagoranta. Taron dai na nufin ƙarfafa fahimtar manufofi a matakin shugabanci da kuma kulawa ta manyan jami’ai kan PPP a matsayin muhimmin kayan aiki wajen bunƙasa ababen more rayuwa, inganta ayyukan hidima, da samar da ci gaban tattalin arziki mai ɗorewa a jihar. Yayin da yake ayyana buɗe taron, Gwamna…

Daga ABDULLAHI MUHAMMAD a Katsina Gwamnatin Jihar Katsina ta yi alƙawarin ƙara tsaurara matakan tsaro a garin Doma da ke ƙaramar hukumar Faskari, biyo bayan mummunan harin ’yan bindiga da ya yi sanadin mutuwar mutane fiye da 20 tare da lalata dukiyoyi masu yawa. Gwamna Malam Dikko Raɗɗa ya isar da wannan sakon ta hannun wata tawaga ta musamman ƙarƙashin jagorancin sakataren gwamnatin jihar, Barista Abdullahi Garba Faskari, yayin ziyarar jajantawa da tawagar ta kai wa al’ummar garin. Tawagar ta ƙunshi sakataren gwamnatin jihar, sakataren dindindin na ofishin SGS, mataimaki na musamman ga gwamna kan harkokin tsaro, kwamishinan ’yan sanda…

DAGA JOHN WADA a Keffi Duka 'yan takaran kujerar gwamnan jihar Nasarawa a inuwar jam'iyyar APC a zaɓen 2027 da ke tafe daga shiyar Yammacin jihar sun amince da Farfesa Injiniya Muhammad Sani Haruna a matsayin shugaban su. Shugaban jam'iyyar ta APC na karamar hukumar Keffi, Alhaji Mohammed Bello Soja ne ya sanar da haka a jawabin sa a wajen wani taron ƙaddamar da aikin gina wata babbar katanga irin na zamani da ake kira perimeter fencing a turance a makarantar yara na Abdu-Zanga da ke garin Keffi, wanda Farfesa Haruna ɗin ya ɗauki nauyin gudanarwa. Yace zaɓin Prof. Haruna…

Daga UMAR GARBA a Katsina Aƙalla mutum 21 ne suka mutu a wani hari da 'yan bindiga suka kai a yankin Tafoki da ke ƙaramar hukumar Faskari a jihar Katsina kamar yadda shugaban ƙaramar hukumar ya shaida wa manema labarai. A tattaunawar sa da BBC, shugaban ƙaramar hukumar, Surajo Aliyu Daudawa, ya ce 'yan bindigar sun kashe mutanen ne a matsayin ramuwar gayya bayan kashe wani nasu da aka yi a yankin duk da cewa an yi sulhu da su kusan watanni biyar da suka wuce. "Mazauna yankin sun wayi gari cikin tashin hankali bayan harin, duk da cewa kafin…

Daga SANI AHMAD GIWA a Abuja Hukumar Alhazai ta ƙasa (NAHCON) ta kammala kama wa maniyyatan Nijeriya a Hajjin 2026 masaukai a Makkah da Madinah, gabanin wa’adin da hukumomin Saudiyya suka gindaya.Shugaban hukumar, Farfesa Abdullahi Usman ne ya bayyana hakan a cikin wata sanarwa da hadiminsa kan harkokin yaɗa labarai, Ahmed Mu’azu, ya fitar a ranar Litinin.Sanarwar ta ce an samu nasarar saka bayanan masaukin Nijeriya tare da amincewar Ma’aikatar Hajji da Umrah ta Saudiyya, bisa bin jadawalin da aka tanada. Wannan ya biyo bayan umarnin mataimakin shugaban ƙasa, Kashim Shettima, wanda ya buƙaci a kammala muhimman shirye-shiryen Hajji cikin…

Daga SANUSI MUHAMMAD a Gusau Jam'iyyar APC a Jihar Zamfara tayi watsi da jita Jihar da ke yawo a kafafen sada zumunta cewar ta tsaida ɗan takarar ta a zaɓen shekarar 2027 da ke tafe. Sakataren yaɗa labarai na jam'iyyar a jihar ne Yusuf Idris ya bayyana hakan ga manema labarai yau Talata. A cewar sa jita jitar ƙarya ce tsagwaron ta, yana mai bayyana cewar masu yaɗa jita jitar sunyi ne bada yawun jam'iyyar ba. "Ina amfani da wannan damar in sanar da cewar har yanzu jam'iyyar APC a jihar Zamfara babu wani ɗan takara da aka zaɓa. Ya…