ukarofi

Daga SANUSI MUHAMMAD a Gusau Gwamnan Jihar Zamfara Dauda Lawal ya ziyarci ƙauyukan Banga, Sakajiki da Kuryar Madaro da wasu ‘yan bindiga suka kai wa hari a ƙaramar hukumar Ƙaura Namoda da ke jihar. An kashe mutanen yankin da dama tare da jikkata wasu da dama inda maharan suka yi garkuwa da wasu yayin harin makonnin da suka gabata. Gwamnan wanda ya jagoranci wata tawaga mai ƙarfi da ta haɗa da mataimakin sa Mani Mumuni da sakataren gwamnatin jihar Abubakar Nakwada da sauran manyan jami’an gwamnati sun ziyarci al’ummomin ne a yau Laraba domin jajanta wa jama’a kan abin da…

Daga IBRAHIM HAMISU a Kano Majalisar dokokin Jihar Kano ta dakatar da shugaban ƙaramar hukumar Rano Alhaji Naziru Ya’u na tsawon watanni uku sakamakon rashin Iya tafiyar da mulki da karya dokokin aiki tare da umartar sa ya miƙa aiki ga mataimakin sa. Majalisar ta ɗauki wannan matakin ne yayin zaman da ta gudanar a wannan rana ta Laraba. Rahotanni sun nuna cewa an ɗauki matakin ne saboda zargin shugaban ƙaramar hukumar da sayar da tsohuwar kasuwar Rano. Sannan ana zarginsa da sayar da takin zamani ko karkatar da shi wanda gwamnan Jihar Kano Alhaji Abba Kabir Yusuf ya rabawa…

Daga ABDULLAHI MUHAMMAD a Katsina Dokar ta samu amincewar majalisar ne bayan gabatar da rahoton kwamitin ayyukan cigaba da walwalar al’umma, ƙarƙashin jagorancin Hon. Mustapha Tukur Ruma, inda Shugaban Masu Rinjaye, Hon. Shamsuddeen Abubakar Dabai, ya karanta dokar na uku kuma na ƙarshe domin tabbatar da ita. Hon. Dabai, yace kafa hukumar zai inganta samar da hasken wutar lantarki cikin sauƙi ga al’umma ta hanyar amfani da ingantattun kayan aiki na zamani. Bayan amincewa da dokar, kakakin majalisar ya umarci akawun majalisa da ya tura cikakken kwafin ta ga gwamnan jihar domin sanya hannu. Haka kuma ɗan majalisa mai wakilan…

Daga ABUBAKAR A BOLARI Gombe A lokacin bikin ranar matasa ta duniya da aka gudanar a Gombe, shugaban ƙaramar hukumar Gombe kuma Shugaban ƙungiyar shugabannin ƙananan hukumomi na jihar (ALGON), Barista Sani Ahmad Haruna, ya yabawa Gwamna Muhammadu Inuwa Yahaya bisa ɗaukar matasan da aka horar ƙarƙashin shirin Gombe State Traffic and Environmental Corps (GOSTEC) a matsayin cikakkun ma’aikata. Ya ce matakin ya nuna jajircewar gwamnati wajen tallafawa matasa domin rage zaman banza da inganta rayuwarsu. “Yanzu wasu daga cikinsu sun zama masu amfani ga kansu da al’umma, saɓanin yadda rayuwarsu ta kasance a baya,” in ji shi. Barista Sani…

Daga JOHN D. WADA, a Lafiya Sanata wanda ke wakiltar shiyar Nasarawa ta Gabas da ke Jihar Nasarawa a majalisar dattawa ta ƙasa, Sanata Aliyu Ahmed Wadada ya canja sheka daga tsohuwar jam'iyyar sa ta SDP zuwa ta APC mai ci a jihar sa ta Nasarawa bayan wani ganawa na musamman da yayi da shugaban ƙasa Bola Ahmed Tinubu a fadar shugaban ƙasar da ke birnin tarayya Abuja a yammacin jiya Talata. Ya bayyana kan sa a matsayin cikakken ɗan sabuwar jam'iyyar APC ɗin duk da bai canja shekar a hukumance ko ba. A cewar sanata Aliyu Ahmed Wadada da…

Daga ABUBAKAR A BOLARI a Gombe A wani muhimmin sauyin siyasa da ya auku a Jihar Gombe, magoya bayan akwatin rumfar zaɓen tsohon Gwamnan Gombe, Dakta Ibrahim Hassan Ɗankwambo, sun sauya sheka daga jam’iyyar su ta PDP zuwa jam'iyyar APC. Shugaban ƙungiyar shugabanin ƙananan hukumomi na Gombe wanda shi ne shugaban ƙaramar hukumar Gombe Barista Sani Ahmad Haruna , shi ne ya karɓe su a wani biki da ya samu halartar manyan jiga-jigan siyasa da magoya baya daga tushe. Wannan sauyin sheka, wanda hadimin gwamna na musamman kan harkokin GOSTEC, D.J. Mai Taya, ya jagoranta, ya haɗa da ɗimbin tsofaffin…

Daga JOHN D. WADA a Lafiya Sabuwar Jam'iyyar African Democratic Congress (ADC) ta ƙasa ta bayyana sunayen sabbin shugabannin ta na reshin Jihar Nasarawa tare da ƙaddamar da kwamitocin gudanarwar cewa sun haɗa da tsohon mataimakin gwamnan jihar ta Nasarawa, John Mike Abdul a matsayin shugaban kwamitin ɗin kuma kodineta haɗe da shugabam jam'iyyar a jihar duk shi kaɗai. Sauran membobin kwamitin sun haɗa da: Sen. Suleiman Adokwe- MambaHon Adamu Oyanki - MambaDr. Umar Musa Galadima - MambaBarr. John Matthew- MambaHon. Musa Bako Karshi - MambaPrince Yamusa Chindo- Mamba Sauran sune: Comr. Idris Ojoko Jibrin - MambaHon. Aminu Nagogo -…

Daga JOHN D WADA a Lafiya Kimanin 'yan gidan gyara hali 16 ne suka tsere daga gidan gyaran hali da ke garin Keffi hedikwatar ƙaramar hukumar Keffi a Jihar Nasarawa a yau Talata 12 ga watan Agustan shekarar 2025 da ake ciki. Lamarin yayi sanadiyar samun munanan raunuka da wasu jami'ai dake kula da gidan yarin su biyu suka samu. Tuni mahukuntar gidan yarin suka tabbatar da aukuwar lamarin inda suka bayyana cewa jami'ai biyun da suka samu munanan raunin a yanzu haka suna samun kulawar likitoti a wani asibitin gwamnati. Mai magana da yawun gidan yarin, Abubakar Umar ya…