Labarai - Manhaja - Blueprint Hausa version

01 Nov

Ɗan shekara 16 ya kashe mahaifiyarsa a Katsina

ukarofiLabarai

Daga UMAR GARBA a Katsina Rundunar ‘yan sandan Jihar Katsina ta cafke wani yaro ɗan shekara 16 mai suna Nuhu Haruna daga ƙaramar Hukumar Dutsinma bisa zargin kashe kishiyar mahaifiyarsa. Kakakin rundunar 'yan sanda ta jihar Katsina ASP Abubakar Sadiƙ ne ya gabatar da yaron a gaban manema labarai tare da wasu da ake zargi da hannu wajen yin garkuwa da mutane da kuma kisan kai a jihar. Kakakin rundunar, wanda ya gabatar da waɗanda ake zargin a hedikwatar rundunar ya bayyana cewa, an kama Haruna ne biyo bayan wata hatsaniya da suka yi da abokiyar zaman mahaifiyarsa Rabi Haruna…

01 Nov

Rabin waɗanda mu ke ɗaukar nauyin karatunsu ba su dawowa Nijeriya – TETFUND

ukarofiLabarai

Daga SANI AHMAD GIWA a Abuja Babban Sakataren Asusun Tallafa wa Manyan Makarantu na Nijeriya, Sonny Echono, a wata tattaunawa da ya yi da manema labarai ya bayyana cewa, kashi 50 na ɗaliban da ake ɗaukar nauyinsu karatu ƙasashen waje ba sa son dawowa gida Nijeriya. Echono ya yi kuma magana game da ayyukan da aka yi watsi da su a jami’o’in ƙasar nan, ƙalubalen wutar lantarki da dalilan da TETFUnd ba za ta iya bada tallafi ga jami’o’i masu zaman kansu ba. Dangane da yadda jami'o'in ƙasar nan ke biyan maƙudan kuɗaɗe a fannin wutar lantarki, Echono ya ce…

31 Oct

Yaƙin Gaza: Akwai rashin adalcin majalisar Isra’ila ga ’yan gudun hijirar Falasɗinawa – Ofishin Jakadanci

ukarofiLabarai

Majalisar Isra’ila ta amince da dokar da ta kawo ƙarshen ayyukan MDD mai kula da ’yan gudun hijira na Falasɗinawa (UNRWA) a yankin Yammacin Kogin Jordan da Kudancin zirin Gaza, duk da rashin amincewa daga ƙasashen duniya. Wannan mataki zai kara jefa Falasɗinawa cikin ƙunci, musamman ma ‘yan gudun hijira da ke zaune a Gaza, inda kimanin yara 650,000 za su rasa damar samun ilimi. UNRWA tana ɗauke da ma’aikata 30,000 na Falasdinawa, kuma tana ba da tallafi ga kusan ‘yan gudun hijira miliyan shida, ciki har da 1,476,706 da aka yi rajista a Gaza cikin sansanoni takwas na ’yan…

31 Oct

Ranar MƊD ta 2024: Nijeriya ta buƙaci masu ruwa da tsaki su tallafa wa inganta matasa a Nijeriya

BabajiLabarai

Daga BELLO A. BABAJI a Abuja Gwamnatin Tarayya ta yi kira ga masu-ruwa-da-tsaki a matakai daban-daban da su shigo a dama da su wajen inganta rayukan matasa don su samu gobe mai kyau. Ƙaramin Ministan Ci-gaban Matasa, Ayodele Olawande ya gabatar da jawabin, a lokacin taron taya Majalisar Ɗinkin Duniya cikar ta shekaru 79 da samar da ita. Ministan ya ce, Nijeriya ta na ɗaya daga ƙasashen da ke da tarin matasa masu yawa inda kusan kaso 70 na waɗanda ba su haura shekaru 35 ba ne da ke da zimmar kawo sauyi a ɓangarori daban-daban na rayuwa da za…

31 Oct

‘Yan sanda sun kama manyan ƴan ta’adda a Katsina

BabajiLabarai

Daga ABDULLAHI MUHAMMAD a Katsina Rundunar ƴan ta kama wasu manyan ƴan ta'adda uku da wasu masu aikata mayan laifuka a Jihar Katsina. Haka kuma, sun samu nasarar kama wani ƙasurgumin ɗan fashi da makami da masu sace wayoyin wutar lantarki masu amfani da hasken rana. Wata takarda ɗauke da sa hannun jami'in yaɗa labarai na rundunar, ASP Abubakar Sadiq Aliyu ya ce ƴan ta'addar da suka zo hannun hukumar an kama su ne a lokuta mabanbanta. Abubakar Nasiru ɗan asalin ƙaramar hukumar Daura, an kama shi ne bayan haɗa kai da yayi da wasu ƴan ta'adda inda suka kai…

31 Oct

Ana sa ran yi wa mutum miliyan ɗaya gwajin hawan jini da ciwon suga a Jihar Kano

ukarofiLabarai

Daga IBRAHIM HAMISU a Kano A ƙoƙarin da aka fara na gangamin kawar da cutar hawan jini da ciwon suga, da ake sa ran yi wa mutane miliyan 10 a faɗin ƙasa, an buƙaci al'ummar Jihar Kano da su fito domin yi musu gwajin na hawan jini da ciwon suga. Kwamishinan lafiya na Jihar Kano, Dakta Abubakar Labaran Yusuf ne ya yi wannan kira, yayin fara aiwatar da shirin a harabar hukumar samar da magunguna da kayayyaki ta jiha (DMCSA). Shirin gangamin mutane miliyan 10 ya mayar da hankali ne ga cututtuka marasa yaɗuwa, musamman hawan jini da ciwon suga,…

31 Oct

Kotu ta aike da wanda ake tuhuma da marin liman lokacin sallar Asuba a Kano

ukarofiLabarai

Daga RABI'U SANUSI a Kano Wata kotun Shari’a da ke zamanta a ƙofar Kudu, Jihar Kano, ta aike da Nasiru Mukhtar zuwa gidan yari bisa zargin kai wa limamin masallaci, Malam Murtala Sulaiman, hari yayin sallar asuba a masallacin da ke yankin Tudunwada. An rawaito cewa lamarin ya faru ne a ranar 22 ga Oktoba, 2024, da misalin ƙarfe 5 na safe lokacin da ake zargin Mukhtar ya shiga masallacin, ya kai wa limamin hari ta hanyar kama shi a wuya, ya mare shi, sannan ya yayyaga masa kaya tare da karɓar makirifonsa. Bayan wannan taƙaddama, limamin ya shigar da…

31 Oct

Gobara ta lalata turken sabis na sadarwa a asibitin Muhammadu Buhari na Kano

ukarofiLabarai

Daga USMAN KAROFI Wata gobara ta lalata turken sabis na sadarwa da ke cikin asibitin Muhammadu Buhari na unguwar Giginyu a birnin Kano. Kakakin ma'aikatar kashe gobara ta Jihar Kano, Saminu Yusif Abdullahi, ya bayyana cewa, "mun sami kira na gaggawa daga wani mai suna Muhammad Garba, wanda ya sanar da ma'aikatar cewa akwai gobara a asibitin Muhammadu Buhari na Giginyu." Ya ce, "nan take muka aika ma'aikata daga tashar kashe gobara ta cikin gari zuwa wurin. Da suka isa, suka gano cewa wurin da aka kafa hasumiyar sadarwa mai girman faɗi kamu ashirin da tsayi na ɗaya daga cikin…

31 Oct

An shiga murna bayan dawowar wutar lantarki a Kano

BabajiLabarai

Daga BELLO A. BABAJI Al'ummar yankin Gaida dake ƙaramar hukumar Kumbotso a Jihar Kano, sun shagaltu da murna bayan dawowar wutar lantarki da aka ɗauki tsawon makonni biyu da lalacewarta. Jihohin Arewacin Nijeriya da dama sun shiga matsalar rashin wuta tun bayan tsaiko da aka samu a tashoshin lantarki na Jihohin Benue da Enugu. A farkon makon nan ne Kamfanin Raba Wutar lantarki na Ƙasa, TCN ya ce za a kammala aikin gyaran wutar a kwana biyar. A ranar Laraba ne wutar ta dawo wa jihohi huɗu da suka haɗa da; Filato, Bauchi, Gombe da Benue ƙarƙashin kamfanin raba wuta…

31 Oct

Babu wani yanki na sojoji da ke ƙarƙashin ƴan bindiga a Neja – Hedikwatar Tsaro

BabajiLabarai

Daga BELLO A. BABAJI A ranar Laraba ne Hedikwatar Tsaron Nijeriya, DHQ ta ƙaryata wani rahoto da aka jingina wa Majalisar Dokokin Jihar Neja da ke cewa sansanin horon sojoji na ƙaramar hukumar Kwantagora na ƙarƙashin ikon ƴan bindiga. Blueprint ta ruwaito cewa Majalisar ta tattauna wani batu da ke roƙon Gwamna Mohammed Umar Bago ya haɗe kai da sojoji wajen tabbatar da kora ƴan bindiga daga babban sansanin horo na sojoji dake ƙaramar hukumar. Saidai, Rundunar sojojin ta ofishin Daraktan Labaranta, Manjo-Janar Edward Buba, ta ce zargin bai tabbata ba, inda an samu ba-takashi ne a tsakanin sojoji da…