Labarai - Manhaja - Blueprint Hausa version

30 Aug

Tinubu ya jajenta wa mutanen da ambaliya ta afka wa

BabajiLabarai

Daga BELLO ABUBAKAR BABAJI Shugaba Bola Ahmed Tinubu ya bayyana damuwarsa kan yadda ambaliya ta lalata wasu garuruwa da amfanin gona a sassan ƙasar. Cikin wata sanarwa da mai magana da yawunsa, Ajuri Ngelale ya fitar, Tinubu ya nuna damuwa ga iyalan da suka rasa makusantansu, manoma, garuruwan da suka lalace da kuma waɗanda suka rasa dukiyoyinsu. Wani bincike da hukumar bada agaji ta gaggawa, NEMA ta yi a kwanan nan ya nuna cewa, an rasa rayuka da dubunnan filayen noma da suka lalace da kuma dubunnan al'umma da suka rasa matsugunansu a faɗin Nijeriya. Tinubu ya sake nanata buƙatar…

30 Aug

‘Yan sanda sun kama mashahurin dillalin ƙwayoyi a Katsina

BabajiLabarai

Daga ABDULLAHI MUHAMMAD a Katsina Sanannen dillalin miyagun ƙwayoyi Salisu jibril ɗan shekara 35 da haihuwa da ke zaune a garin Oni Yasu a karamar hukumar Rimi ya shiga hannun jami'in ƴan sanda a garin Katsina. 'Yan sandan da ke aiki a ƙaramin ofishinsu da ke sabon Gari a cikin garin Katsina suka yi nasarar kama shi bayan ya yi ƙoƙarin tserewa. Jami'in yaɗa labarai na hukumar ƴan sanda a Katsina, ASP Abubakar Sadiq Aliyu ya bayyana wa manema labarai haka a lokacin da ya ke gabatar da wanda ake zargi da aikata laifin. ASP Sadiq ya bayyana cewa an…

30 Aug

Ba zan yi shuru ba kan gwagwarmayar ƙarancin albashi – Shugaban NLC

BabajiLabarai

Daga BELLO ABUBAKAR BABAJI Shugaban ƙungiyar ƙwadago (NLC), Joe Ajaero ya sha alwashin cigaba da gwagwarmayar tabbatar da zartar da sabon mafi ƙarancin albashi ga ma'aikata da Shugaba Bola Tinubu ya sanya wa hannu. Hakan na zuwa ne bayan amsa gayyatar rundunar ƴan sanda kan zargin sa da hannu acikin ayyukan ta'addanci da suka haddasa taɓarɓarewar tsaro a Nijeriya. Ya ce, hakan da rundunar tayi masa ba zai sa ya karaya ba a ƙoƙarinsa na tabbatar da batun mafi ƙarancin albashi a Nijeriya da shugaban ƙasa ya amince da shi ya fara aiki, ya na mai cewa hakan ɗaya ne…

30 Aug

Napoli ta amince ta sayar da Osimhen ga Saudiyya

BabajiLabarai

Daga BELLO ABUBAKAR BABAJI Ƙungiyar ƙwallon ƙafa ta Napoli da ke ƙasar Italiya, ta amince ta sayar da ɗan wasanta na gaba, Victor Osimhen ga ƙungiyar Al-Ahli ta ƙasar Saudiyya bayan ƙulla yarjejeniya. An samu yarjejeniya tsakanin ƙungiyoyin ne kan biyan Euro miliyan 75 zuwa 80 don sayen ɗan wasan Nijeriyan. Osimhen zai rattaɓa hannu a kwantiragin shekara huɗu akan albashin fam 646,154 a duk sati ba tare da biyan haraji ba kamar yadda ƙwararren ɗan jaridar ƙwallon ƙafa, Fabrizio Romano ya ruwaito. Tuni dai ƙungiyar ta shirya gudanar da gwajin lafiya wa ɗan wasan wanda ke ƙoƙarin gujewa ƙungiyar…

30 Aug

Al’ummar wani gari a Zamfara sun kashe ƴan ta’adda 37

BabajiLabarai

Daga BELLO ABUBAKAR BABAJI Aƙalla ƴan ta'adda 37 ne aka kashe a ƙauyen Matusgi da ke ƙaramar hukumar Talata Mafara a jihar jihar Zamfara, bayan da aka yi wani kiciɓis tsakaninsu da mazauna yankin a lokacin da suka yi yunƙurin garkuwa da mutane. Wani mazaunin yankin ya ce, ƴan bindigar sun yi tururuwa ne akan babura da misalin ƙarfe 2 na ranar Laraba, ya na mai cewa sun sha yin karo da su amma wannan shi ne karo na farko da suka lallsa ƴan ta'addar. Ya ce, sun shigo ƙauyen ne inda suka yi ta harbe-harbe wanda ƴan yankin suna…

30 Aug

NYSC ta dakatar da ɗaliban Polytechnic da ba su yi IT ba

BabajiLabarai

Daga BELLO ABUBAKAR BABAJI Hukumar Kula da Ɗalibai masu Hidimar Ƙasa, NYSC tace waɗanda suka yi karatu a makarantun Polytechnics ba tare da gabatar da takardar shaidar yin horon IT ba, ba za a yi mu su rijistar shiga sahun masu hidima ba. Daraktar riƙon ƙwarya ta hulɗa da jama'a ta hukumar, Misis Carolina Lembu tace takardar shaidar kammala IT tana ɗaya daga cikin sharuɗan yin hidimar ta shekara ɗaya ga ɗaliban na Polytechnics. A kwanakin baya ne NYSC ta fitar da sanarwar tsarin gabatar da takardar IT daga ɗaliban makarantun 'Polytechnics da Monotechnics' a matsayin rukuni na zama ɗan…

30 Aug

Shugaban kamfanin BUA ya bayyana dalilan da suka sa farashin siminti ya tashi

BabajiLabarai

Daga BELLO ABUBAKAR BABAJI Shugaban kamfanin BUA, Abdussamad Rabi'u ya ce dilolin siminti ne suka lalata masa shirinsa na sayar da buhu a Naira 3,500 ga al'umma a shekarar da ta gabata. A lokacin da ya ke magana a zaman kamfanin karo na 8 a Abuja, Rabi'u ya ce yayin da kamfaninsa ke sayar da sama da tan miliyan guda ga diloli akan N3,500 da zimmar kwastomomi su samu rahusa, sai gashi dilolin na sayarwa akan N7,000 da N8,000. Ya ce, don haka ne kamfanin ta dakatar da tsarin saboda ba dilolin ta nufi su samu tallafin ba. Ya ƙara…

30 Aug

Kimanin N1.04bn ne ƴan Nijeriya suka biya masu garkuwa da mutane cikin shekara ɗaya – Rahoto

BabajiLabarai

Daga BELLO ABUBAKAR BABAJI Aƙalla Naira biliyan 1.04 ne aka biya masu garkuwa da mutane a matsayin kuɗin fansa acikin shekara guda a Nijeriya, kamar yadda rahoton hukumar leƙen asiri ta SBM ta ruwaito. Cikin rahoton da hukumar ta fitar wanda hakan ya faru ne a tsakanin watanni Yuni na 2023 da Yuli na 2024, birnin tarayya Abuja ita ke da kaso mai tsoka yayin da Legas da Kaduna ke bi mata. Yayin kamanta shiyyoyi, yankin kudu-maso-gabashin Nijeriya ke da kaso mafi tsoka wajen biya da kuma karɓar kuɗin fansa. Hukumar tace, binciken nata ya gano cewa a tsakanin lokacin…

30 Aug

Cutar Diphtheria ta kashe mutane 40 a Kano

ukarofiLabarai

Daga SANI AHMAD GIWA a Abuja Mutane 40 sun rasu, wasu da dama suna kwance a asibiti sakamakon sake bullar cutar numfashi ta diphtheria a Kano. Rahotanni daga jihar na cewa akasarin wadanda cutar ta Diphtheria ta shafa kananan yara ne. Manhaja ta ziyarci Asibitin Cututtuka Masu Yaɗuwa (IDH) da ke Kano a ranar Laraba, inda ta iske ɗakuna uku cike da marasa majinyata da aka ba su gado, wasu kuma suna bin layin ganin likita. Wani jami’in asibitin da ya nemi a ɓoye sunansa saboda ba shi da izinin yin magana a hukumance, ya ce, kusan kullum sai an…

30 Aug

Sojan ruwa ya kashe ɗan tsohon babban hafsansu tare da sace motarsa a Abuja

ukarofiLabarai

Daga SANI AHMAD GIWA a Abuja Rundunar ’yan sanda a Abuja ta kama wani sojan ruwan Nijeriya mai suna Abdul Rasheed Muhammad da laifin kashe Aminu, ɗan tsohon babban hafsan sojin ruwa, ɓice Admiral I. I. Ibrahim (mai ritaya). Kwamishinan ’yan sandan Abuja, Benneth Igweh, yayin da yake gabatar da wanda ake zargin a ranar Laraba, ya ce Muhammad ya kashe Aminu ne kuma ya sace motarsa makonni biyu da suka gabata. A cewar Kwamishinan, an gano motar da wanda ake zargin ya sace. “Kusan makonni biyu da suka gabata an yi wa Aminu Ibrahim, ɗan ɓice Admiral I. I.…